Don't Miss

25,555 രൂപയ്ക്ക് ഇന്ത്യയില്‍ നിന്ന് ലണ്ടന്‍ സര്‍വീസിന് സ്പൈസ്ജെറ്റ്

ഇന്ത്യയില്‍ നിന്നു ലണ്ടനിലേക്കു പറക്കുന്ന ആദ്യ ഇന്ത്യന്‍ ബജറ്റ് എയര്‍ലൈനാവാന്‍ സ്പൈസ്ജെറ്റ്. ഇന്ത്യയില്‍ നിന്നു ബ്രിട്ടീഷ് തലസ്ഥാനമായ ലണ്ടനിലേക്കു നേരിട്ടു പറക്കാന്‍ ബജറ്റ് എയര്‍ലൈനായ സ്പൈസ്ജെറ്റ് ഒരുങ്ങുന്നു. ഡിസംബര്‍ നാലു മുതല്‍ മുംബൈയില്‍ നിന്നും ഡല്‍ഹിയില്‍ നിന്നും ലണ്ടന്‍ ഹീത്രൂ വിമാനത്താവളത്തിലേക്കാണു സ്പൈസ്ജെറ്റ് സര്‍വീസ് നടത്തുക.

യു കെയുമായുള്ള 'എയര്‍ ബബ്ള്‍' ധാരണയുടെ ഭാഗമായാണു പുതിയ സര്‍വീസുകള്‍ ആരംഭിക്കുന്നതെന്ന് സ്പൈസ്ജെറ്റ് അറിയിച്ചു. ആഴ്ചയില്‍ രണ്ടു തവണ ഡല്‍ഹി-ലണ്ടന്‍ - ഡല്‍ഹി റൂട്ടിലും ആഴ്ചയിലൊരു ദിവസം മുംബൈ - ലണ്ടന്‍ - മുംബൈ റൂട്ടിലുമാണു സ്പൈസ്ജെറ്റ് പറക്കുക.

ജീവനക്കാരുള്‍പ്പടെ പാട്ടത്തിനെടുത്ത എയര്‍ബസ് എ 330 -900 നിയൊ വിമാനമാണ് സ്പൈസ്ജെറ്റ് ലണ്ടന്‍ സര്‍വീസിന് ഉപയോഗിക്കുക. പോര്‍ച്ചുഗീസ് ചാര്‍ട്ടര്‍ ഓപ്പറേറ്ററായ ഹൈഫ്ലൈയാണു സ്പൈസ്ജെറ്റിന് ഈ വിമാനം പാട്ടത്തിനു നല്‍കുകയെന്നാണ് വിവരം . ഇരട്ട ഇടനാഴിയുള്ള വിമാനത്തില്‍ ആകെ 371 സീറ്റാണുള്ളത്: ഇക്കോണമി ക്ലാസില്‍ 353, ബിസിനസ് ക്ലാസില്‍ 18.

പുതിയ സര്‍വീസ് ആരംഭിക്കുന്നതു പ്രമാണിച്ച് ഡല്‍ഹി - ലണ്ടന്‍, മുംബൈ - ലണ്ടന്‍ റൂട്ടുകളിലെ മടക്കയാത്രാ ടിക്കറ്റ് നിരക്ക് 53,555 രൂപ മുതലാവുമെന്നും സ്പൈസ്ജെറ്റ് പ്രഖ്യാപിച്ചിട്ടുണ്ട്. ഡല്‍ഹി - ലണ്ടന്‍, മുംബൈ - ലണ്ടന്‍ ടിക്കറ്റുകള്‍ 25,555 രൂപ മുതലും ലണ്ടന്‍ - ഡല്‍ഹി, ലണ്ടന്‍ - മുംബൈ ടിക്കറ്റുകള്‍ 29,555 രൂപ മുതലും ലഭ്യമാവും.

രണ്ടു മാസം മുമ്പ് ടാറ്റ ഗ്രൂപ്പിന്റെയും സിംഗപ്പൂര്‍ എയര്‍ലൈന്‍സിന്റെയും സംയുക്ത സംരംഭമായ വിസ്താരയും ലണ്ടനിലേക്കു പുതിയ സര്‍വീസ് തുടങ്ങിയിരുന്നു. വിസ്താരയ്ക്കും സ്പൈസ്ജെറ്റിനും പുറമെ എയര്‍ ഇന്ത്യയും ലണ്ടനിലേക്കു നിലവില്‍ ചാര്‍ട്ടര്‍ സര്‍വീസ് നടത്തുന്നുണ്ട്.

  • ടൈം മാഗസിന്റെ ആദ്യ 'കിഡ് ഓഫ് ദി ഇയര്‍' പുരസ്‌കാരം ഇന്ത്യന്‍ വംശജയായ പതിനഞ്ചുകാരിക്ക്
  • യുഡിഎഫിനെ കടന്നാക്രമിക്കുന്ന വീഡിയോ പങ്കുവെച്ച് നിഷാ ജോസ് കെ മാണി
  • ഇംഗ്ലണ്ടില്‍ കോവിഡ് വാക്സിന്‍ വിതരണത്തിനായി പുതിയ മന്ത്രി
  • ഇടുക്കിയില്‍ നിന്നും വയനാട്ടിലെ വിവാഹവേദിയിലേക്ക് ഹെലികോപ്റ്ററില്‍ വധുവിന്റെ മാസ് എന്‍ട്രി
  • ഓക്‌സ്‌ഫോര്‍ഡില്‍ ബീഫ് നിരോധനം, പിന്നില്‍ ഇന്ത്യന്‍ വിദ്യാര്‍ഥി
  • 'ഞാന്‍ പൊളിറ്റിക്കല്‍ ടാര്‍ഗറ്റ്; രാഷ്ട്രീയനേതാക്കളുടെ പേര് പറയാത്തതുകൊണ്ടാണ് അറസ്റ്റ്- ഇഡിക്കെതിരെ ശിവശങ്കര്‍ കോടതിയില്‍
  • കേരളം ആസ്ഥാനമായി പുതിയ ഐപിഎല്‍ ടീമിനായി മോഹന്‍ലാല്‍!
  • ലിവിങ് ടുഗെതര്‍, 21 വയസ് കഴിഞ്ഞാല്‍ മദ്യപിക്കാം, യുഎഇ നിയമങ്ങള്‍ പൊളിച്ചെഴുതി, പ്രവാസികള്‍ക്ക് ഇളവുകള്‍
  • മയക്കുമരുന്ന് കേസില്‍ ബിനീഷിന്റെ കസ്റ്റഡിക്കായി നാര്‍ക്കോട്ടിക്‌സ് കണ്‍ട്രോള്‍ ബ്യൂറോയും
  • രഹസ്യരേഖകള്‍ വാട്‌സ്‌ആപ്പിലൂടെ സ്വപ്നക്ക് കൈമാറി; ശിവശങ്കറിന്റെ കസ്റ്റഡി നീട്ടി
  •  
        © 2020 ukmalayalamnews.com All rights reserved. Powered by Phoenix Infoway