അസോസിയേഷന്‍

മെയ്ഡ്‌സ്റ്റോണ്‍ മലയാളി അസോസിയേഷന് നവനേതൃത്വം; രാജി കുര്യന്‍ നയിക്കും

മെയ്ഡ്‌സ്റ്റോണ്‍: കെന്റിലെ പ്രമുഖ മലയാളി അസ്സോസിയേഷനായ മെയ്ഡ്‌സ്റ്റോണ്‍ മലയാളി അസോസിയേഷന്റെ 2021 ലെ സാരഥികളെ തെരഞ്ഞെടുത്തു. കോവിഡിന്റെ പശ്ചാത്തലത്തില്‍ ഓണ്‍ലൈനില്‍ ചേര്‍ന്ന വാര്‍ഷിക പൊതുയോഗത്തിലാണ് പുതിയ ഭരണസമിതിയെ തെരഞ്ഞെടുത്തത്. പ്രസിഡന്റായി രാജി കുര്യന്‍, സെക്രട്ടറിയായി ബിനു ജോര്‍ജ്, ട്രഷററായി രെഞ്ചു വര്‍ഗീസ് എന്നിവരാണ് തെരഞ്ഞെടുക്കപ്പെട്ടത്. എക്‌സിക്യൂട്ടീവ് കമ്മറ്റി അംഗങ്ങളായി ഷാജി പി ജെയിംസ്, ബൈജു ഡാനിയേല്‍, ആന്റണി മിലന്‍ സേവ്യര്‍, ലിന്‍സി കുര്യന്‍, സ്‌നേഹ ബേബി എന്നിവരെയും തെരഞ്ഞെടുത്തു.

കോവിഡ് ഉയര്‍ത്തിയ പ്രതിസന്ധികള്‍ അതിജീവിച്ച് അസോസിയേഷന്റെ പ്രവര്‍ത്തനങ്ങളെ ഏകോപിപ്പിച്ച് വിജയത്തിലെത്തിച്ച കഴിഞ്ഞ വര്‍ഷത്തെ കമ്മറ്റിയെ പൊതുയോഗം അഭിനന്ദിക്കുകയും പുതിയ കമ്മറ്റിക്ക് ഭാവുകങ്ങള്‍ നേരുകയും ചെയ്തു. മെയ്ഡ്‌സ്റ്റോണ്‍ ആന്‍ഡ് ടണ്‍ബ്രിഡ്ജവെല്‍സ് എന്‍എച്ച്എസ് ചാരിറ്റിയുമായി സഹകരിച്ചു നടത്തിയ 'ഗോ ദി ഡിസ്റ്റന്‍സ്' എന്ന ഫണ്ട് റേസിംഗ് മാരത്തണ്‍ വന്‍ വിജയമായിരുന്നു. കോവിഡ് മാനദണ്ഡങ്ങള്‍ പാലിച്ചുകൊണ്ട് പല ബബിളുകളായി 50 ല്‍ അധികം അംഗങ്ങള്‍ പങ്കെടുത്ത ഈ ഇവന്റിലൂടെ സമാഹരിച്ച തുക മുഴുവനായും എന്‍എച്എസിന് നല്‍കിക്കൊണ്ട് അസോസിയേഷന്‍ തങ്ങളുടെ പ്രതിബദ്ധത തെളിയിച്ചിരുന്നു. കൂടാതെ പരിമിതമായ സാഹചര്യങ്ങളില്‍ നിന്നുകൊണ്ട് നടത്തപ്പെട്ട മറ്റുപരിപാടികളും ഈ മഹാമാരിയുടെ നടുവില്‍ ചെറുതല്ലാത്ത ആശ്വാസമാണ് അംഗങ്ങള്‍ക്ക് നല്‍കിയത്.

ജനുവരി 23 ശനിയാഴ്ച നടന്ന ഓണ്‍ലൈന്‍ കമ്മറ്റി മീറ്റിംഗില്‍ വച്ച് എംഎംഎയിലെ യുവജനങ്ങള്‍ക്കായി 'യൂത്ത് ക്ലബ്' ന് രൂപം നല്‍കി. യൂത്ത് ക്ലബ് കോഓര്‍ഡിനേറ്റേഴ്‌സായി ആന്റണി മിലന്‍ സേവ്യറിനെയും സ്‌നേഹ ബേബിയേയും കമ്മറ്റി ചുമതലപ്പെടുത്തി. 'മെന്‍സ് ക്ലബ് ' കോഓര്‍ഡിനേറ്ററായി ഷാജി പി ജെയിംസും വനിതാ വിഭാഗമായ 'മൈത്രി' യുടെ കോഓര്‍ഡിനേറ്ററായി ലിന്‍സി കുര്യനും പ്രവര്‍ത്തിക്കും. എംഎംഎയുടെ ഒരു വര്‍ഷത്തെ ഇവന്റുകളുടെ ചുമതലയുള്ള പ്രോഗ്രാം കോഓര്‍ഡിനേറ്ററായി ബൈജു ഡാനിയേല്‍ നിയമിക്കപ്പെട്ടു. കോവിഡ് പ്രതിസന്ധിയില്‍ ഒറ്റപ്പെട്ട കുടുംബങ്ങള്‍ക്കും സ്റ്റുഡന്റ്‌സിനും അവശ്യസഹായം എത്തിക്കുവാന്‍ വേണ്ടി 'എംഎംഎ വോളണ്ടിയര്‍ ഗ്രൂപ്പിന് രൂപം കൊടുത്തു.

പുതുതായി തെരഞ്ഞെടുക്കപ്പെട്ട കമ്മറ്റിയുടെ നേതൃത്വത്തിലുള്ള ആദ്യപരിപാടിയായി 2021 മാര്‍ച്ച് 13 ന് 'മദേഴ്‌സ് ഡേ' ആഘോഷങ്ങള്‍ ഓണ്‍ലൈനില്‍ നടത്തപ്പെടും. 'അന്നേദിവസം അസോസിയേഷനിലെ കുടുംബങ്ങളെ പങ്കെടുപ്പിച്ച് കൊണ്ട് 'അന്താക്ഷരി' മത്സരവും നടത്തും. കോവിഡ് സാഹചര്യങ്ങളെ അതിജീവിക്കുവാന്‍ ഉതകുന്ന നിരവധി പ്രോഗ്രാമുകള്‍ കുട്ടികള്‍ക്കും മുതിര്‍ന്നവര്‍ക്കുമായി വിഭാവനം ചെയ്യുന്നതായി കമ്മറ്റി അറിയിച്ചു.

  • സര്‍ഗ്ഗം സ്റ്റിവനേജിന് പുതിയ അമരക്കാര്‍
  • ഭാരതത്തിന്റെ സവിശേഷ ഭാഷാവൈവിധ്യവുമായി കാവ്യാഞ്ജലി; 'മലയാളനാടിന്റെ പെരുമ' പകര്‍ന്ന് ദീപ നായര്‍
  • ലിമയുടെ നേതൃത്വത്തില്‍ കരിയര്‍ ഗൈഡന്‍സ് ക്ലാസ്
  • പ്ലാറ്റിനം ജൂബിലി പതിപ്പുമായി ജ്വാല ഇ മാഗസിന്‍ ഫെബ്രുവരി ലക്കം പ്രസിദ്ധീകരിച്ചു
  • കേരളത്തിലേക്ക് നേരിട്ടുള്ള വിമാന സര്‍വീസുകള്‍ പുനഃസ്ഥാപിക്കണം, മലയാളി യാത്രികര്‍ക്ക് നേരേ പകല്‍ക്കൊള്ള- നിവേദനങ്ങളുമായി യുക്മ
  • സഹജീവികള്‍ക്ക് മാലാഖയാകേണ്ട വിപിന്‍ ഇന്ന് സഹജീവികളുടെ കരുണതേടുന്നു, വോക്കിങ് കാരുണ്യയോട് ചേര്‍ന്ന് പുതുജീവിതം നല്‍കാം
  • ലിവര്‍പൂള്‍ മലയാളി അസോസിയേഷന്‍ കരിയര്‍ ഗൈഡന്‍സ് ക്ലാസ് നല്‍കുന്നു
  • വോക്കിങ് കാരുണ്യയുടെ ക്രിസ്മസ് ന്യൂ ഇയര്‍ സമ്മാനമായി ഒരു ലക്ഷം രൂപ ഭിന്ന ശേഷിക്കാരനായ സജിക്ക് പി സി ജോര്‍ജ് കൈമാറി
  • രാജി മനോജ് എംഎന്‍ഐയുടെ പുതിയ ദേശീയ ട്രഷറര്‍
  • യുകെ മലയാളി സോഷ്യല്‍ വര്‍ക്കേസ് ഫോറം പ്രവര്‍ത്തനോദ്ഘാടനം ശനിയാഴ്ച; ഫാ ചിറമ്മേല്‍ മുഖ്യാതിഥി
  •  
        © 2020 ukmalayalamnews.com All rights reserved. Powered by Phoenix Infoway