നാട്ടുവാര്‍ത്തകള്‍

വിദേശത്ത് നിന്നെത്തി തട്ടിക്കൊണ്ടുപോകപ്പെട്ട ബിന്ദു സ്വര്‍ണക്കടത്തിലെ കണ്ണി



ആലപ്പുഴ മാന്നാറില്‍ വിദേശത്ത് നിന്നെത്തി, തട്ടിക്കൊണ്ടുപോകപ്പെട്ട ബിന്ദു സ്വര്‍ണക്കടത്തിലെ കണ്ണിയാണെന്ന് പൊലീസ് . വിദേശത്ത് നിന്നും വരുമ്പോള്‍ നിരവധി തവണ സ്വര്‍ണം കടത്തിയിട്ടുണ്ടെന്നും ഏറ്റവും ഒടുവിലായി ഒന്നര കിലോ സ്വര്‍ണം കൊണ്ട് വന്നിട്ടുണ്ടെന്നും യുവതി ഒടുവില്‍ മൊഴി നല്‍കിയിട്ടുണ്ട്. ദുബായില്‍ നിന്ന് മാലിദ്വീപ് വഴി കേരളത്തിലേക്ക് വന്നപ്പോള്‍ ആണ് ഒന്നരക്കിലോ സ്വര്‍ണം കൊണ്ടുവന്നത്. പിടിക്കെടുമെന്നായപ്പോള്‍ ഇത് വഴിയിയില്‍ ഉപേക്ഷിക്കുകയാണെന്നും ഇവര്‍ അന്വേഷണസംഘത്തിന് മൊഴി നല്‍കി.

അതിനിടെ, ബിന്ദുവിനെ തട്ടികൊണ്ടുപോയ സംഭവത്തില്‍ ഒരാള്‍ പിടിയിലായി. മാന്നാര്‍ സ്വദേശിയായ പീറ്ററിനെയാണ് പൊലീസ് കസ്റ്റഡിയില്‍ എടുത്തത്. അക്രമി സംഘത്തിന് യുവതിയുടെ വീട് കാട്ടി കൊടുത്തത് പീറ്ററാണെന്നാണ് സംശയിക്കുന്നത്.

തിങ്കളാഴ്ച്ച പുലര്‍ച്ചെയായിരുന്നു വിദേശത്ത് നിന്നും എത്തിയ ബിന്ദുവിനെ അജ്ഞാത സംഘം തട്ടികൊണ്ട് പോയത്. തുടര്‍ന്ന് പാലക്കാട് വടക്കഞ്ചേരി മുടപ്പല്ലൂരില്‍
ദേശീയ പാതയോരത്ത് യുവതിയെ കണ്ടെത്തുകയായിരുന്നു. ഗള്‍ഫില്‍ നിന്ന് കൊടുത്തുവിട്ട സ്വര്‍ണത്തെക്കുറിച്ച് ചോദിച്ചായിരുന്നു സംഘം വീട്ടിലെത്തിയത്. എന്നാല്‍ ആരും തന്റെ കൈവശം സ്വര്‍ണം തന്നുവിട്ടിട്ടില്ലെന്ന് ബിന്ദു പറഞ്ഞതോടെ ആള് മാറിപോയെന്ന് പറഞ്ഞ് മൂവര്‍ സംഘം തിരിച്ചു പോയി. ഇതിന് പിന്നാലെയാണ് വീടിന് നേരെ ആക്രമണമുണ്ടായതും ബിന്ദുവിനെ തട്ടിക്കൊണ്ടുപോയതും.

സംഭവത്തിന് പിന്നില്‍ സ്വര്‍ണക്കടത്ത് സംഘത്തിന് പങ്കുണ്ടെന്നു പൊലീസ് പറയുന്നു. ബിന്ദു നാട്ടിലെത്തിയത് മുതല്‍ നിരീക്ഷണത്തിലായിരുന്നു. തുടര്‍ന്നാണ് തട്ടിക്കൊണ്ടുപോകാന്‍ സംഘം പദ്ധതിയിട്ടതെന്ന് പൊലീസ് പറഞ്ഞു. സംഭവത്തില്‍ വിശദമായി അന്വേഷണം തുടരുകയാണെന്നും സിസി ടിവി ദൃശ്യങ്ങളും ഫോണ്‍ വിവരങ്ങളും ശേഖരിച്ചിട്ടുണ്ടെന്നും പൊലീസ് അറിയിച്ചു.

  • ഗ്രാമത്തിലെ സ്ത്രീകളുടെ വസ്ത്രങ്ങള്‍ അലക്കിക്കൊടുക്കണമെന്ന വ്യവസ്ഥയില്‍ പീഡനക്കേസ് പ്രതിക്ക് ജാമ്യം!
  • കോവിഷീല്‍ഡ്‌: യുകെയുടെ നിര്‍ബന്ധത്തിന് വഴങ്ങി ജനനതീയതിയുള്ള സര്‍ട്ടിഫിക്കറ്റ് നല്‍കും
  • പ്രധാനമന്ത്രിക്ക് ജുഡീഷ്യറിയില്‍ എന്ത് കാര്യം; സുപ്രീം കോടതിയുടെ ഔദ്യോഗിക ഇ-മെയിലില്‍ നിന്ന് മോദിയുടെ ചിത്രം നീക്കി
  • പുന:സംഘടന; രാഷ്ട്രീയ കാര്യ സമിതിയില്‍ നിന്നു സുധീരന്‍ രാജിവച്ചു
  • നാര്‍ക്കോട്ടിക്ക് ജിഹാദ് വിവാദം: പാല ബിഷപ്പ്‌ പറഞ്ഞത് സഭയുടെ ആശങ്ക; ഉറച്ച പിന്തുണയുമായി രൂപതകള്‍
  • പ്രണയം നിരസിച്ചതിന് പെണ്‍കുട്ടിയുടെ കഴുത്തറത്തു യുവാവ്; ആത്മഹത്യയ്ക്ക് ശ്രമിച്ച പ്രതി ആശുപത്രിയില്‍
  • ഡല്‍ഹി കോടതിയില്‍ ഗുണ്ടാസംഘങ്ങളുടെ വെടിവെപ്പ്; ഗുണ്ടാത്തലവനടക്കം 4 മരണം
  • വിവാഹം മുടക്കാന്‍ യുവതിയുടെ സ്വകാര്യ ദൃശ്യങ്ങള്‍ വാട്സ് ആപ്പ് വഴി പ്രചരിപ്പിച്ചു; നാലുപേര്‍ അറസ്റ്റില്‍
  • അവളുമാരുടെ പണി എന്താണെന്ന് അറിയില്ലെ; കുറുവിലങ്ങാട് മഠത്തിലെ കന്യാസ്ത്രീകള്‍ക്കെതിരെ വീണ്ടും അധിക്ഷേപ പരാമര്‍ശവുമായി പി.സി ജോര്‍ജ്
  • എന്ത് വില കൊടുത്തും സിദ്ദു മുഖ്യമന്ത്രിസ്ഥാനത്ത് എത്തുന്നത് തടയുമെന്ന് അമരീന്ദര്‍ സിംഗ്
  •  
        © 2020 ukmalayalamnews.com All rights reserved. Powered by Phoenix Infoway