യു.കെ.വാര്‍ത്തകള്‍

ഡെപ്യൂട്ടി ചീഫ് മെഡിക്കല്‍ ഓഫീസര്‍ പദവിയില്‍ നിന്നും രാജിവെച്ച് ജോന്നാഥന്‍ വാന്‍-ടാം

ഇംഗ്ലണ്ടിന്റെ ഡെപ്യൂട്ടി ചീഫ് മെഡിക്കല്‍ ഓഫീസര്‍ പദവിയില്‍ നിന്നും ജോന്നാഥന്‍ വാന്‍ ടാം രാജിവച്ചു. പ്രധാനമന്ത്രി കാര്യാലയത്തില്‍ ലോക്ക്ഡൗണ്‍ നിയമങ്ങള്‍ ലംഘിച്ച് നടന്ന പാര്‍ട്ടിയില്‍ പങ്കെടുത്തതിന് രാജ്യത്തോട് മാപ്പ് പറയാന്‍ ബോറിസ് നിര്‍ബന്ധിതനായി മണിക്കൂറുകള്‍ പിന്നിടുമ്പോഴാണ് രാജി. പ്രധാനമന്ത്രിയെ പ്രശംസിച്ച് ഒരുവാക്ക് പോലും പറയാതെയാണ് 57-കാരനായ ജോന്നാഥന്‍ പദവി ഒഴിഞ്ഞത്.

ഡെപ്യൂട്ടി ചീഫ് മെഡിക്കല്‍ ഓഫീസറുടെ രാജിയെ പ്രതിപക്ഷം ആയുധമാക്കി. ലോക്ക്ഡൗണ്‍ ലംഘിച്ച് പാര്‍ട്ടി നടത്തിയതായി സത്യം വളച്ചൊടിച്ച് സമ്മതിച്ച ബോറിസ് ജോണ്‍സന്റെ നിലപാട് മൂലമാണ് ജോന്നാഥന്റെ രാജിയെന്ന് ലേബര്‍ ഷാഡോ ഹെല്‍ത്ത് മിനിസ്റ്റര്‍ സൂചിപ്പിച്ചു. എന്നാല്‍ 2017 മുതല്‍ നോട്ടിംഗ്ഹാം യൂണിവേഴ്‌സിറ്റിയില്‍ നിന്നും വായ്പയെടുത്ത വിദഗ്ധന്‍ സേവന കാലാവധി പൂര്‍ത്തിയാക്കിയാണ് മടങ്ങുന്നതെന്നാണ് സര്‍ക്കാര്‍ സ്രോതതസുകളുടെ വാദം.

മഹാമാരിക്ക് എതിരായ പോരാട്ടത്തിന്റെ മുന്‍നിരയില്‍ നിന്ന സര്‍ ജോന്നാഥന് ന്യൂ ഇയര്‍ ഹോണേഴ്‌സ് ലിസ്റ്റിലാണ് നൈറ്റ്ഹുഡ് സമ്മാനിച്ചത്. നിയമങ്ങള്‍ വ്യക്തമാണ് അത് എല്ലാവര്‍ക്കും ബാധകവുമാണെന്ന് ടിവിയില്‍ നടത്തിയ പത്രസമ്മേളനത്തില്‍ വ്യക്തമാക്കുക കൂടി ചെയ്ത ശേഷമാണ് ജോന്നാഥന്റെ വിടവാങ്ങലെന്നത് ശ്രദ്ധേയമാണ്. ഇത്തരത്തില്‍ സത്യങ്ങള്‍ വളച്ചൊടിക്കുന്നവര്‍ക്കൊപ്പം ജോലി ചെയ്യുന്നത് ചിന്തിക്കാന്‍ കഴിയുമോയെന്നാണ് ലേബര്‍ ഷാഡോ ഹെല്‍ത്ത് സെക്രട്ടറി വെസ് സ്ട്രീറ്റിംഗിന്റെ ചോദ്യം.

പ്രധാനമന്ത്രിക്കൊപ്പം ജോലി ചെയ്യാന്‍ സന്ന്യാസിയെ പോലെ ക്ഷമ വേണമെന്നും സ്ട്രീറ്റിംഗ് പറഞ്ഞു. രാഷ്ട്രീയ ജീവിതത്തില്‍ പിടിച്ചുനില്‍ക്കാന്‍ കഷ്ടപ്പെടുന്ന പ്രധാനമന്ത്രിക്ക് മറ്റൊരു തിരിച്ചടിയാണ് വാന്‍-ടാമിന്റെ രാജി.

  • ആറുമക്കളെ ഒറ്റയ്ക്ക് വളര്‍ത്തി ഐ ടി കമ്പനി നടത്തുന്ന ഇന്ത്യാക്കാരന്റെ ജീവിതം ബ്രിട്ടീഷ് മാധ്യമങ്ങളില്‍
  • കോവിഡ് ബാധിച്ചാലും എന്‍എച്ച്എസ് ജീവനക്കാര്‍ക്ക് ഇനി സ്‌പെഷ്യല്‍ പെയ്ഡ് സിക്ക് ലീവില്ല!
  • മാഞ്ചസ്റ്ററിലെ നൈറ്റ്ക്ലബില്‍ കയറി 14-കാരന്‍ യുവതിയെ ബലാത്സംഗം ചെയ്തു
  • നികുതിയും വിലക്കയറ്റവും: ഇംഗ്ലണ്ടിലെയും വെയില്‍സിലെയും പബ്ബ് വ്യവസായവും തകര്‍ച്ചയില്‍
  • പെട്രോള്‍ വില ദിവസങ്ങള്‍ക്കുള്ളില്‍ 2 പൗണ്ട് കടക്കും; ഇന്ധന ഡ്യൂട്ടി വീണ്ടും കുറയ്ക്കണമെന്ന് ആവശ്യം
  • ആവേശത്തിരയിളക്കി ചെല്‍റ്റന്‍ഹാമില്‍ യുകെയിലെ ക്നാനായക്കാരുടെ മഹാസംഗമം
  • കോവിഡ് കുതിയ്ക്കുന്നു; യുകെയില്‍ ലോക്ക്ഡൗണ്‍ ഉള്‍പ്പെടെ വേണ്ടിവരുമോ?
  • 50 വര്‍ഷത്തെ മോര്‍ട്ട്‌ഗേജ് ഡീലുകള്‍ വരുന്നു; വീടിനൊപ്പം തിരിച്ചടവും മക്കള്‍ക്ക് കൈമാറാം
  • യുകെ വിമാനത്താവളങ്ങളിലെ പ്രതിസന്ധി രൂക്ഷം; യാത്രക്കാര്‍ നരകയാതനയില്‍
  • സെക്കന്‍ഡ് ഹാന്‍ഡ് കാറുകള്‍ മോഷണമുതലാവാം; ജാഗ്രത പാലിക്കണമെന്ന് മുന്നറിയിപ്പ്
  •  
        © 2022 ukmalayalamnews.com All rights reserved. Powered by PI Digi-Logical Solutions