യു.കെ.വാര്‍ത്തകള്‍

സഹായികളെ ഒഴിവാക്കി കസേര സംരക്ഷിക്കാന്‍ ബോറിസിന്റെ ശ്രമം


ലോക്ക്ഡൗണ്‍ ലംഘിച്ച് പാര്‍ട്ടി സംഘടിപ്പിച്ച പ്രതിസന്ധി വിവാദത്തില്‍ പ്രധാനമന്ത്രി കസേര നഷ്ടപ്പെടാതിരിക്കാനുള്ള തീവ്ര ശ്രമവുമായി ബോറിസ് ജോണ്‍സണ്‍. നമ്പര്‍ 10 ഗാര്‍ഡന്‍ പാര്‍ട്ടിക്കായി സ്വന്തം മദ്യം കൊണ്ടുവരാന്‍ ആവശ്യപ്പെട്ട് ഇമെയില്‍ അയച്ച പ്രധാനമന്ത്രിയുടെ പ്രിന്‍സിപ്പല്‍ പ്രൈവറ്റ് സെക്രട്ടറി മാര്‍ട്ടിന്‍ റെയ്‌നോള്‍ഡ്‌സും, ഇദ്ദേഹത്തിന്റെ ഡെപ്യൂട്ടി സ്റ്റുവര്‍ട്ട് ഗ്ലാസ്‌ബോറാവും ഡൗണിംഗ് സ്ട്രീറ്റില്‍ നിന്നും പുറത്താവുമെന്നാണ് റിപ്പോര്‍ട്ടുകള്‍. ചീഫ് ഓഫ് സ്റ്റാഫ് ഡാന്‍ റോസെന്‍ഫീല്‍ഡിനും സ്ഥാനം നഷ്ടപ്പെട്ടേക്കുമെന്നാണ് സൂചന.

എന്നാല്‍ ലോക്ക്ഡൗണ്‍ ലംഘിച്ച് ഡൗണിംഗ് സ്ട്രീറ്റില്‍ നടന്ന പാര്‍ട്ടികളുടെ പേരില്‍ ക്യാബിനറ്റിലും, ടോറി ബാക്ക്‌ബെഞ്ചിലും രോഷം ശമിച്ചിട്ടില്ല. ഇതേക്കുറിച്ച് നടക്കുന്ന ഔദ്യോഗിക അന്വേഷണം ബോറിസിനെ നേരിട്ട് കുറ്റപ്പെടുത്തുന്നത് ഒഴിവാക്കുമെന്ന പ്രതീക്ഷയിലാണ് പ്രധാനമന്ത്രിയുടെ അടുപ്പക്കാര്‍. ഇതുവഴി അധികാരത്തില്‍ പിടിച്ചുനില്‍ക്കാന്‍ സാധിക്കുമെന്നാണ് പ്രതീക്ഷ.

അതേസമയം, പ്രധാനമന്ത്രിക്ക് രാജ്യത്തെ നയിക്കാനുള്ള അധികാരം നഷ്ടപ്പെട്ടെന്ന് ലേബര്‍ നേതാവ് കീര്‍ സ്റ്റാര്‍മര്‍ പറഞ്ഞു. ദേശീയ താല്‍പര്യം മുന്‍നിര്‍ത്തി ബോറിസ് പ്രധാനമന്ത്രി പദം രാജിവെയ്ക്കണമെന്നും അദ്ദേഹം ആവശ്യപ്പെട്ടു. ലണ്ടന്‍ ആസ്ഥാനമായ ഇടത് സോഷ്യലിസ്റ്റ് തിങ്ക്-ടാങ്ക് ഫാബിയന്‍ സൊസൈറ്റിയില്‍ സംസാരിക്കവെയാണ് ലേബര്‍ നേതാവ് പ്രധാനമന്ത്രിക്കെതിരെ ആഞ്ഞടിച്ചത്.

ലോക്ക്ഡൗണ്‍ ലംഘിച്ച് പാര്‍ട്ടി നടത്തിയ പ്രധാനമന്ത്രി പ്രതിസന്ധി ഘട്ടത്തില്‍ മുങ്ങിനടക്കുകയാണെന്ന് കീര്‍ സ്റ്റാര്‍മര്‍ ആരോപിച്ചു. ബോറിസിനെ പ്രധാനമന്ത്രി പദത്തില്‍ നിന്നും പുറത്താക്കാന്‍ ആവശ്യമായ നടപടികള്‍ സ്വീകരിക്കാനാണ് ടോറി എംപിമാരോട് ലേബര്‍ നേതാവ് ആവശ്യപ്പെടുന്നത്.

  • ഹാരിയുടെയും മെഗാന്റെയും വീട്ടിലും ക്യാമറ വെച്ച് നെറ്റ്ഫ്‌ളിക്‌സ്; ജീവിതരീതിയും പകര്‍ത്തും
  • കൗണ്‍സില്‍ ടാക്‌സ് അടക്കം പ്രധാനപ്പെട്ട മൂന്ന് നികുതികളില്‍ ഇളവ് നല്‍കാന്‍ ചാന്‍സലര്‍
  • ഗാര്‍ഡന്‍ പാര്‍ട്ടിയില്‍ നിന്നും രാജ്ഞി പിന്‍വാങ്ങി; പകരക്കാരിയായി നയിച്ച് കെയ്റ്റ്
  • ലിങ്കണ്‍ഷയറിലെ ഗെയിന്‍സ്ബറോയില്‍ കാന്‍സര്‍ ചികിത്സയിലായിരുന്ന മലയാളി നഴ്സ് മരണമടഞ്ഞു
  • സ്റ്റുഡന്റ് ലോണുകളുടെ കുതിച്ചുയരുന്ന പലിശ നിരക്കിന് ക്യാപ്പ് ഏര്‍പ്പെടുത്താന്‍ മന്ത്രിമാര്‍
  • യുകെയില്‍ തൊഴിലില്ലായ്മ നിരക്ക് 50 വര്‍ഷത്തിനിടെ ഏറ്റവും കുറഞ്ഞ നിരക്കില്‍; ജോലിക്കാര്‍ക്ക് നേട്ടം
  • ഇന്‍കംടാക്‌സില്‍ 1 പെന്‍സ്കുറയ്ക്കാന്‍ സുനാക്; ഹീറ്റിംഗ് ബില്ലുകള്‍ കുറയ്ക്കാനും സഹായം
  • എനര്‍ജി പ്രൈസ് ക്യാപില്‍ വര്‍ഷത്തില്‍ നാല് തവണ മാറ്റം വരുത്താന്‍ ഓഫ്‌ജെം
  • ബലാല്‍സംഗക്കേസില്‍ കണ്‍സര്‍വേറ്റിവ് എംപി അറസ്റ്റില്‍; നാണക്കേടില്‍ ഭരണകക്ഷി
  • യുകെ മലയാളികള്‍ക്ക് അഭിമാന നേട്ടമായി റോയിസ്റ്റണ്‍ കൗണ്‍സിലിന്റെ പുതിയ മേയര്‍ കൊച്ചിക്കാരി മേരി റോബിന്‍
  •  
        © 2022 ukmalayalamnews.com All rights reserved. Powered by PI Digi-Logical Solutions