യു.കെ.വാര്‍ത്തകള്‍

ബെഡ്‌ഫോര്‍ഡിലെ മുതിര്‍ന്ന മലയാളി ഡോ ജോയ് മാതേക്കന്‍ മരണമടഞ്ഞു

ബെഡ്ഫോര്‍ഡിലെ മുതിര്‍ന്ന യുകെ മലയാളിയും ഡോക്ടറുമായ ഡോ. ജോയ് മാതേക്ക(൮൨)ന്‍ അന്തരിച്ചു. വയറുസംബന്ധമായ അസുഖത്തെ തുടര്‍ന്ന് ശസ്ത്രക്രിയയ്ക്ക് വിധേയനായിരിക്കെ ഉണ്ടായ അപ്രതീക്ഷിത മരണം എല്ലാവരെയും ദുഃഖത്തിലാഴ്ത്തി.

കഴിഞ്ഞ 18 വര്‍ഷമായി ബെഡ്‌ഫോര്‍ഡ് നഗരത്തിലെ മലയാളി സമൂഹത്തിനിടയില്‍ സജീവ സാന്നിധ്യമായിരുന്നു അദ്ദേഹം. സമൂഹ പ്രവര്‍ത്തനങ്ങളിലും ആരോഗ്യരംഗത്തും അദ്ദേഹത്തിന്റെ പങ്കാളിത്തം ശ്രദ്ധേയമായിരുന്നു.

കോഴിക്കോട് ഗവണ്‍മെന്റ് മെഡിക്കല്‍ കോളജ് കോഴിക്കോടിലെ എംബിബിഎസ് ഏഴാം ബാച്ച് വിദ്യാര്‍ത്ഥിയായിരുന്ന ഡോ. ജോയ്, തുടര്‍ന്ന് അയര്‍ലണ്ടിലെ ഡബ്ലിന്‍ നഗരത്തില്‍ സര്‍ജിക്കല്‍ ട്രെയ്‌നിങ്ങും എഫ്ആര്‍സിഎസ്, എഫ്ഐസിഎസ് യോഗ്യതകളും നേടി. നാട്ടില്‍ മുക്കന്നൂര്‍ ആശുപത്രിയില്‍ സേവനം ചെയ്ത ശേഷം ലിസി ആശുപത്രി, കൂത്താട്ടുകുളം കോ-ഓപ്പറേറ്റീവ് ആശുപത്രി, കോതമംഗലം ധര്‍മ്മഗിരി തുടങ്ങിയ കേന്ദ്രങ്ങളില്‍ പ്രവര്‍ത്തിച്ചു.

പിന്നീട് സ്‌കോട്‌ലന്‍ഡിലെ ഫാല്‍ക്കിര്‍ക്കിലും തുടര്‍ന്ന് വീണ്ടും ബെഡ്‌ഫോര്‍ഡിലും സ്ഥിരതാമസമാക്കി സേവനം തുടരുകയായിരുന്നു.

ഭാര്യ: ആന്‍ ജോയ് (മുണ്ടാടന്‍)

മക്കള്‍: ഡോ. സീന്‍ മാതേക്കന്‍, ഷീന മാതേക്കന്‍, ഡോ. ഷിവോണ്‍ മാതേക്കന്‍

മരുമക്കള്‍: ആലീസ് കര്‍ട്ടിസ് റൗസ്, റിയാന്‍ മോനിഹന്‍, ഡോ. ഡേവിസ്

പേരക്കുട്ടികള്‍: ജോസഫ്, ജോണ്‍, ജോയ്‌സ്, ഒലീവ്

മൂവാറ്റുപുഴ ആരക്കുഴ സ്വദേശിയായ മാതേക്കന്‍ കുടുംബാംഗമായിരുന്നു അദ്ദേഹം. പരേതരായ കുര്യാക്കോസ്-ഏലി ദമ്പതികളുടെ മകനാണ്.

സംസ്‌കാര ചടങ്ങുകള്‍ ബുധനാഴ്ച നടക്കും. രാവിലെ 10.45ന് ആര്‍സി ചര്‍ച്ച് ഓഫ് ദി ഹോളി ചൈല്‍ഡ് ആന്‍ഡ് സെന്റ് ജോസഫില്‍ വിശുദ്ധ കുര്‍ബ്ബാനയും ചടങ്ങുകളും നടക്കും. തുടര്‍ന്ന് ഉച്ചയ്ക്ക് 12 മണിയോടെ നോഴ്സ് റോഡ് സെമിത്തേരിയില്‍ സംസ്‌കാരം നടക്കും. ചടങ്ങുകള്‍ ലൈവായി സംപ്രേക്ഷണം ചെയ്യുന്നതായും അറിയിച്ചിട്ടുണ്ട്.


  • അമേരിക്കന്‍ വ്യോമഗതാഗതം താറുമാറായി; ബ്രിട്ടനില്‍ നിന്നുള്ള വിമാനങ്ങളെയും ബാധിച്ചു
  • ടൈപ്പ് 1 പ്രമേഹം പ്രതിരോധിക്കാനുള്ള പുതിയ മരുന്ന് ബ്രിട്ടനില്‍ ആദ്യമായി നല്‍കി
  • 70 പെണ്‍കുട്ടികളെ ലൈംഗിക ചൂഷണം ചെയ്തു; ഇന്ത്യന്‍ വിദ്യാര്‍ഥിക്ക് 30 വര്‍ഷം തടവ്
  • സ്റ്റുഡന്റ് വിസാ ആപ്ലിക്കേഷനുകള്‍ 31% ഇടിഞ്ഞു; ഇന്ത്യന്‍ വിദ്യാര്‍ത്ഥികള്‍ യുകെ ഒഴിവാക്കുന്നു
  • പ്രധാനമന്ത്രിയുടെ മുന്നറിയിപ്പ്; സൂപ്പര്‍മാര്‍ക്കറ്റുകളില്‍ വന്‍ തിരക്ക്, വെള്ളവും ടിന്‍ ഭക്ഷണവും വാങ്ങിക്കൂട്ടി ജനം!
  • പലിശ നിരക്ക് വര്‍ധന തിരിച്ചടിയായി; ആദ്യ വീട് വാങ്ങലുകാരുടെ അന്വേഷണം കുറഞ്ഞു
  • ആര്‍ട്ടിക് ബ്ലാസ്റ്റ്; യുകെ തണുത്തുവിറയ്ക്കുന്നു, താപനില മൈനസ് എട്ട് വരെയാകും
  • മുഖം തിരിച്ചറിയല്‍ സാങ്കേതിക വിദ്യയില്‍ പിഴവുകള്‍; നിരപരാധികള്‍ അറസ്റ്റിലാകുമെന്ന് ആശങ്ക
  • യുകെയിലെ നൂറ് കണക്കിന് സ്‌കൂളുകള്‍ക്ക് ബോംബ് ഭീഷണി
  • ഭവനവിലകള്‍ താഴുന്നത് തുടരും; പലിശ നിരക്കുകള്‍ വാങ്ങലുകാരെ അകറ്റുന്നു
  •  
        © 2022 ukmalayalamnews.com All rights reserved. Powered by PI Digi-Logical Solutions