ബിസിനസ്‌

ലണ്ടന്‍ : തിരഞ്ഞെടുപ്പിന് മുമ്പ് പണപ്പെരുപ്പം രണ്ടുശതമാനത്തില്‍ എത്തിയിട്ടും ബാങ്ക് ഓഫ് ഇംഗ്ലണ്ട് പലിശ നിരക്ക് കുറയ്ക്കാതെ വന്നത് റിഷി സുനാകിനു വലിയ തിരിച്ചടിയായിരുന്നു. ബാങ്ക് ഓഫ് ഇംഗ്ലണ്ടിന്റെ മോണിറ്ററി പോളിസി കമ്മിറ്റി തുടര്‍ച്ചയായ ഏഴാം സിറ്റിങ്ങിലും പലിശനിരക്ക് അതേപടി നിലനിര്‍ത്താന്‍ തീരുമാനിക്കുകയായിരുന്നു. രാജ്യത്ത് പൊതു തിരഞ്ഞെടുപ്പ് നടക്കുന്ന സാഹചര്യം കണക്കിലെടുത്താണ് പലിശ കുറയ്ക്കാന്‍ സാഹചര്യമുണ്ടായിട്ടും തല്‍കാലം അത് വേണ്ടന്നു വയ്ക്കാന്‍ കമ്മിറ്റി തീരുമാനിച്ചത്. തിരഞ്ഞെടുപ്പ് ബാങ്കിന്റെ തീരുമാനത്തെ ബാധിച്ചിട്ടില്ലെന്ന് മിനിറ്റ്സില്‍ കൃത്യമായി രേഖപ്പെടുത്തിയിട്ടുണ്ടെങ്കിലും നിലവിലെ സാഹചര്യത്തില്‍ ഇതു തന്നെയാണ് ഇത്തരമൊരു തീരുമാനത്തിനു പിന്നിലെന്നാണ് സാമ്പത്തിക വിദഗ്ധരുടെ വിലയിരുത്തല്‍ ഇപ്പോഴിതാ യുകെയുടെ സമ്പദ് വ്യവസ്ഥ മെയ് മാസത്തില്‍ പ്രതീക്ഷിച്ചതിലും കൂടുതല്‍ വളര്‍ച്ചാ

തിരഞ്ഞെടുപ്പിന് ദിവസങ്ങള്‍ മാത്രം അവശേഷിക്കവെ പ്രധാനമന്ത്രി റിഷി സുനാകിന്റെ വാക്കുകള്‍ സത്യമാകുന്നു. രാജ്യത്തിന്റെ സാമ്പത്തിക മേഖല വളര്‍ച്ച കൈവരിക്കാനുള്ള നടപടികളാണ് തങ്ങള്‍ സ്വീകരിക്കുന്നതെന്ന് സുനാകും, ചാന്‍സലര്‍ ജെറമി ഹണ്ടും പല വട്ടം ആവര്‍ത്തിച്ചതാണ്. എന്നാല്‍ ഉയര്‍ന്ന പണപ്പെരുപ്പം തടയാനുള്ള കടുപ്പമേറിയ പദ്ധതികള്‍ ജനങ്ങളുടെ രോഷത്തിന് കാരണമായി. അതിന്റെയെല്ലാം പേരില്‍ വരുന്ന ആഴ്ചയില്‍ ലേബര്‍ ഭരണകൂടം അധികാരത്തില്‍ എത്തുമെന്ന പ്രതീക്ഷ ശക്തമാണ്. ഇതിനിടെയാണ് തങ്ങളുടെ വാക്കുകള്‍ സത്യമാണെന്ന് തെളിയിക്കാന്‍ സുനാകിനും സംഘത്തിനും അവസരം ലഭിക്കുന്നത്. യുകെ സമ്പദ് വ്യവസ്ഥ സാമ്പത്തിക പ്രതിസന്ധിയില്‍ നിന്നും നടത്തിയ തിരിച്ചുവരവ് മുന്‍പ് പ്രതീക്ഷിച്ചതിലും ശക്തമായിരുന്നുവെന്നാണ് തെരഞ്ഞെടുപ്പിന് ദിവസങ്ങള്‍ മാത്രം അവശേഷിക്കവെ സ്ഥിരീകരിക്കപ്പെടുന്നത്. ഈ വര്‍ഷം ജനുവരി മുതല്‍ മാര്‍ച്ച് വരെ

ലണ്ടന്‍ : തിരഞ്ഞെടുപ്പിന് മുന്‍പുള്ള റിഷി സുനാകിന്റെ അവസാന കാഞ്ചിത്തുരുമ്പായിരുന്നു ബാങ്ക് ഓഫ് ഇംഗ്ലണ്ട് പലിശ നിരക്ക് കുറയ്ക്കുമെന്നത്. എന്നാല്‍ പണപ്പെരുപ്പം രണ്ടുശതമാനത്തില്‍ എത്തിയിട്ടും ബാങ്ക് ഓഫ് ഇംഗ്ലണ്ട് പലിശ നിരക്ക് കുറച്ചില്ല. ഇന്നലെ ചേര്‍ന്ന ബാങ്ക് ഓഫ് ഇംഗ്ലണ്ടിന്റെ മോണിറ്ററി പോളിസി കമ്മിറ്റി തുടര്‍ച്ചയായ ഏഴാം സിറ്റിങ്ങിലും പലിശനിരക്ക് അതേപടി നിലനിര്‍ത്താന്‍ തീരുമാനിക്കുകയായിരുന്നു. രാജ്യത്ത് പൊതു തിരഞ്ഞെടുപ്പ് നടക്കുന്ന സാഹചര്യം കണക്കിലെടുത്താണ് പലിശ കുറയ്ക്കാന്‍ സാഹചര്യമുണ്ടായിട്ടും തല്‍കാലം അത് വേണ്ടന്നു വയ്ക്കാന്‍ കമ്മിറ്റി തീരുമാനിച്ചത്. തിരഞ്ഞെടുപ്പ് ബാങ്കിന്റെ തീരുമാനത്തെ ബാധിച്ചിട്ടില്ലെന്ന് മിനിറ്റ്സില്‍ കൃത്യമായി രേഖപ്പെടുത്തിയിട്ടുണ്ടെങ്കിലും നിലവിലെ സാഹചര്യത്തില്‍ ഇതു തന്നെയാണ് ഇത്തരമൊരു തീരുമാനത്തിനു പിന്നിലെന്നാണ് സാമ്പത്തിക വിദഗ്ധരുടെ വിലയിരുത്തല്‍. പുതിയ

ലണ്ടന്‍ : നീണ്ട ഇടവേളയ്ക്കു ശേഷം, യുകെയില്‍ 11 ശതമാനത്തിനു മുകളിലായിരുന്ന പണപ്പെരുപ്പ നിരക്ക് രണ്ടു ശതമാനത്തില്‍ എത്തി. മൂന്നുവര്‍ഷത്തിനിടെ ആദ്യമായാണ് പണപ്പെരുപ്പ നിരക്ക് രണ്ടു ശതമാനത്തില്‍ എത്തുന്നത്. കഴിഞ്ഞ മാസം 2.3 ശതമാനത്തിലായിരുന്ന പണപ്പെരുപ്പ നിരക്കാണ് ഓഫിസ് ഓഫ് നാഷണല്‍ സ്റ്റാറ്റിസ്റ്റിക്സിന്റെ കണക്കില്‍ രണ്ടുശതമാനത്തില്‍ എത്തിയത്. പലിശനിരക്ക് കുറയ്ക്കാന്‍ ബാങ്ക് ഓഫ് ഇംഗ്ലണ്ട് ലക്ഷ്യമിട്ടിരുന്ന നിലയിലേക്ക് പണപ്പെരുപ്പ നിരക്ക് എത്തിച്ചേര്‍ന്നതിന്റെ ആശ്വസത്തിലാണ് ബ്രിട്ടനിലെ വീട് ഉടമകളും വീടു വാങ്ങാന്‍ കാത്തിരിക്കുന്നവരും. പണപ്പെരുപ്പ നിരക്ക് സ്ഥിരമായി രണ്ടശതമാനത്തിനടുത്ത് നിലനില്‍ക്കുന്ന സാഹചര്യമുണ്ടായാലേ പലിശനിരക്കില്‍ കുറവു വരുത്താനാകൂ എന്ന നിലപാടിലായിരുന്നു ബാങ്ക് ഓഫ് ഇംഗ്ലണ്ട്. പണപ്പെരുപ്പത്തിലെ ഈ സ്ഥിരത ഉറപ്പുവരുത്തിയശേഷം വേനലിന്റെ മധ്യത്തിലോ അവസാനത്തിലോ പലിശനിരക്കില്‍ കുറവു

യുകെയുടെ സമ്പൂര്‍ണ്ണ സാമ്പത്തിക ശേഷി കൈവരിക്കാന്‍ 120 പ്രമുഖ ബിസിനസ് നേതാക്കള്‍ ലേബറിന് പരസ്യപിന്തുണയുമായി രംഗത്ത്. പൊതുതെരഞ്ഞെടുപ്പില്‍ ലേബറിനെ പിന്തുണച്ച് 120-ലധികം വ്യവസായ പ്രമുഖര്‍ തുറന്ന കത്ത് എഴുതി. ഷെഫ് ടോം കെറിഡ്ജ്, ഹീത്രൂവിന്റെ മുന്‍ സിഇഒമാരായ ജെപി മോര്‍ഗന്‍, ആസ്റ്റണ്‍ മാര്‍ട്ടിന്‍ എന്നിവരുള്‍പ്പെടെയുള്ള മുതിര്‍ന്ന വ്യക്തികള്‍ പറഞ്ഞത്, യുകെയുടെ മുഴുവന്‍ സാമ്പത്തിക ശേഷി കൈവരിക്കാന്‍ ബിസിനസ്സുമായി പ്രവര്‍ത്തിക്കാന്‍ ലേബറിന്റെ വിജയം ആഗ്രഹിക്കുന്നു എന്നാണ്. രാജ്യത്തെ മാറ്റാനും ബ്രിട്ടനെ ഭാവിയിലേക്ക് നയിക്കാനുമുള്ള അവസരം പൊതുജനങ്ങള്‍ ഇപ്പോള്‍ നല്‍കണമെന്ന് അവര്‍ പറഞ്ഞു. ലേബര്‍ നേതാവ് സര്‍ കീര്‍ സ്റ്റാര്‍മറും അദ്ദേഹത്തിന്റെ ഷാഡോ ചാന്‍സലര്‍ റേച്ചല്‍ റീവ്സും, ജെറമി കോര്‍ബിനില്‍ നിന്ന് പാര്‍ട്ടി ഏറ്റെടുത്തതിനുശേഷം ബിസിനസ്സ് സമൂഹത്തെ കൂടെ നിര്‍ത്താനുള്ള ശ്രമങ്ങള്‍ പണ്ടേ

യുകെയില്‍ കുതിച്ചുയര്‍ന്ന പലിശ നിരക്കുകള്‍ ഒടുവില്‍ കുറയാനുള്ള വഴിയൊരുങ്ങി. പണപ്പെരുപ്പം മെല്ലെയാണെങ്കിലും താഴ്ന്ന് വരുന്നുണ്ട്. ഈ ഘട്ടത്തിലാണ് പലിശ നിരക്ക് വെട്ടിക്കുറയ്ക്കാന്‍ സാധ്യത തെളിയുന്നതായി ബാങ്ക് ഓഫ് ഇംഗ്ലണ്ട് ഡെപ്യൂട്ടി ഗവര്‍ണര്‍ ബെന്‍ ബ്രോഡ്‌ബെന്റ് വ്യക്തമാക്കിയിരിക്കുന്നത്. സമ്മറില്‍ ഇതിനുള്ള സാധ്യതയുണ്ടെന്നാണ് ഡെപ്യൂട്ടി ഗവര്‍ണറുടെ അഭിപ്രായം. പണപ്പെരുപ്പ നിരക്കുകള്‍ നാളെ പുറത്തുവരാന്‍ ഇരിക്കവെയാണ് ഈ പ്രതികരണം. പണപ്പെരുപ്പം 2 ശതമാനത്തിന് അടുത്തേക്ക് താഴുമെന്നാണ് പ്രതീക്ഷ. ജൂണ്‍ മാസത്തില്‍ മാത്രമാണ് പലിശ കുറയുകയെന്നാണ് വിപണിയുടെ കണക്കുകൂട്ടല്‍. മുന്‍പ് പണപ്പെരുപ്പ പ്രതിസന്ധികള്‍ ഉടലെടുത്തപ്പോള്‍ നിരക്ക് നിശ്ചയിച്ച രാഷ്ട്രീയക്കാരാണ് ഇപ്പോഴും നേതൃത്വത്തിലെങ്കില്‍ കാര്യങ്ങള്‍ കൂടുതല്‍ വഷളാകുമായിരുന്നുവെന്നാണ് ബ്രോഡ്‌ബെന്റ് വാദിക്കുന്നത്. ഒരു ദശകമായി ബാങ്കിന്റെ

തിരഞ്ഞെടുപ്പ് അടുത്തുവരവേ യുകെ സമ്പദ് വ്യവസ്ഥയ്ക്ക് രണ്ട് വര്‍ഷത്തിനിടെയിലെ ഏറ്റവും വലിയ മുന്നേറ്റം. സമ്പദ് വ്യവസ്ഥ രണ്ട് വര്‍ഷത്തിനിടെ ഏറ്റവും വേഗത്തിലുള്ള വളര്‍ച്ച കൈവരിച്ചത് പൊതുതെരഞ്ഞെടുപ്പിന് മുന്‍പ് ഗവണ്‍മെന്റിനും, കുടുംബങ്ങള്‍ക്കും ആശ്വാസമാണ്. സാമ്പത്തിക പ്രതിസന്ധിയിലേക്ക് വീണതിന് ശേഷം ആദ്യ പാദത്തില്‍ 0.6% വളര്‍ച്ചയുമായാണ് തിരിച്ചുവരവ്. 2021ന് ശേഷം ആദ്യമായാണ് ഈ വേഗത്തിലുള്ള വളര്‍ച്ച. വര്‍ഷത്തിലെ ആദ്യ മൂന്ന് മാസങ്ങളില്‍ ഫ്രാന്‍സ്, ജര്‍മ്മനി, അമേരിക്ക എന്നിവരെ മറികടക്കാനും ബ്രിട്ടീഷ് സമ്പദ് വ്യവസ്ഥയ്ക്ക് സാധിച്ചുവെന്ന് നാഷണല്‍ സ്റ്റാറ്റിസ്റ്റിക്‌സ് ഓഫീസ് കണക്കുകള്‍ വ്യക്തമാക്കുന്നു. 2016 ബ്രക്‌സിറ്റ് മുതല്‍ ജി7 രാജ്യങ്ങളില്‍ മൂന്നാമത്തെ മികച്ച പ്രകടനം കാഴ്ചവെയ്ക്കുന്ന രാജ്യമാണ് യുകെ. യുഎസും, കാനഡയും മാത്രമാണ് മുന്നില്‍. യൂറോപ്യന്‍ എതിരാളികളായ ജര്‍മ്മനി, ഇറ്റലി, ഫ്രാന്‍സ് എന്നിവര്‍

പണപെരുപ്പ നിരക്ക് കുറഞ്ഞു വന്നിട്ടും പലിശ നിരക്കുകളില്‍ മാറ്റം വരുത്താതെ ബാങ്ക് ഓഫ് ഇംഗ്ലണ്ട്. ഇതോടെ ആശങ്ക മോര്‍ട് ഗേജ് വിപണിയില്‍ ആശങ്ക ശക്തമായി. വായ്പാദാതാക്കള്‍ പലിശ നിരക്ക് ഉയര്‍ത്തിവരുകയാണ്. തുടര്‍ച്ചയായ ആറാം തവണയാണ് ബാങ്ക് ഓഫ് ഇംഗ്ലണ്ട് പലിശ നിരക്കുകളില്‍ മാറ്റം വരുത്താത്തത്. എന്നാല്‍ പണപെരുപ്പ നിരക്ക് ശരിയായ ദിശയില്‍ കുറയുന്നതിനാല്‍ ജൂണ്‍ മാസത്തില്‍ പലിശ നിരക്കുകള്‍ കുറയുമെന്ന് ബാങ്ക് ഓഫ് ഇംഗ്ലണ്ട് സൂചന നല്‍കി. ജൂണ്‍ മാസത്തില്‍ പലിശ നിരക്കുകള്‍ കുറയാനുള്ള സാധ്യത വലിയ അനുഗ്രഹമമാകുമെന്നാണ് പൊതുവെ വിലയിരുത്തുന്നത്. കാരണം കൂടുതല്‍ ആളുകള്‍ വായ്പയെടുക്കാനുള്ള സാധ്യത ഭവന വിപണി ഉള്‍പ്പെടെയുള്ള മേഖലകളില്‍ ഉണര്‍വിന് കാരണമാകും. വൈകാതെ തന്നെ പണപ്പെരുപ്പ നിരക്ക് പ്രാഥമിക ലക്ഷ്യമായ 2 % എത്തുമെന്നും രണ്ട് വര്‍ഷത്തിനുള്ളില്‍ അത് 1.6 ശതമാനമായി കുറയുമെന്നുമാണ് പൊതുവെ വിലയിരുത്തുന്നത്. ഇതോടെ ഭാവിയില്‍

യുകെയില്‍ യഥാര്‍ത്ഥ വരുമാന വളര്‍ച്ച രണ്ടര വര്‍ഷത്തിനിടെ ഏറ്റവും ഉയര്‍ന്ന നിരക്കിലാണെന്ന് ഔദ്യോഗിക കണക്കുകള്‍. ശമ്പള വര്‍ധനയുടെ വളര്‍ച്ചാ നിരക്കും പണപ്പെരുപ്പംവും കൂടി പലിശ നിരക്ക് ഉയര്‍ത്താനിടയാക്കുമോയെന്നു ബാങ്ക് ഓഫ് ഇംഗ്ലണ്ടിന് ആശങ്കയുണ്ട്. തിരഞ്ഞെടുപ്പിന് മുമ്പ് പലിശ നിരക്ക് കുറയ്ക്കാനാവുമെന്ന പ്രതീക്ഷയിലായിരുന്നു സര്‍ക്കാര്‍. ബോണസുകള്‍ ഒഴികെയുള്ള ശരാശരി റെഗുലര്‍ പേ ഫെബ്രുവരി വരെ മൂന്ന് മാസങ്ങളില്‍ 6 ശതമാനത്തില്‍ നില്‍ക്കുന്നതായി നാഷണല്‍ സ്റ്റാറ്റിസ്റ്റിക്‌സ് ഓഫീസ് പറഞ്ഞു. പണപ്പെരുപ്പ നിരക്ക് കൂടി പ്രതിഫലിക്കുമ്പോള്‍ വരുമാന വളര്‍ച്ച 2.4 ശതമാനത്തിലാണ്. 2021 ജൂലൈയ്ക്ക് ശേഷമുള്ള ഏറ്റവും ഉയര്‍ന്ന നിരക്കാണിത്. അടിസ്ഥാന നിരക്ക് 5.8 ശതമാനം ആയിരിക്കുമെന്നാണ് ഇക്കണോമിസ്റ്റുകള്‍ പ്രതീക്ഷിച്ചിരുന്നത്. മുന്‍ മാസത്തെ 6.1 ശതമാനത്തില്‍ നിന്നും ചെറിയ താഴ്ച മാത്രമാണ് യഥാര്‍ത്ഥത്തില്‍