യു.കെ.വാര്‍ത്തകള്‍

യുകെയില്‍ പ്രതിദിന കോവിഡ് കേസുകള്‍ തുടരെ ആറാം ദിവസവും കുറയുകയും പ്രതിദിന കോവിഡ് കേസുകള്‍ കാല്‍ലക്ഷത്തിനു താഴെയായിട്ടും ആശ്വസിക്കാറായില്ലെന്ന് വിദഗ്ധര്‍. ഇന്നലെ സ്ഥിരീകരിക്കപ്പെട്ടിരിക്കുന്നത് 24,950 പുതിയ കോവിഡ് കേസുകളാണ്. ഒരാഴ്ച മുമ്പ് 39,950 കേസുകള്‍ രേഖപ്പെടുത്തിയതുമായി താരതമ്യപ്പെടുത്തുമ്പോള്‍ ഇക്കാര്യത്തില്‍ 15,000 കേസുകളുടെ കുറവാണുണ്ടായിരിക്കുന്നത്. 14 മരണങ്ങളാണ് രേഖപ്പെടുത്തിയത്. നവംബറിന് ശേഷം ഇതാദ്യമായിട്ടാണ് ഇത്തരത്തില്‍ ആറ് ദിവസമായി കേസുകള്‍ കുറയുന്നത്. എന്നാല്‍ ഇതൊരു താല്‍ക്കാലിക പ്രതിഭാസം മാത്രമാണെന്നാണ് ഇമ്യൂണോളജിസ്റ്റായ പ്രഫ. പീറ്റര്‍ ഓപ്പണ്‍ഷാ പറയുന്നത്. ദൈനംദിന കേസുകളില്‍ തുടര്‍ച്ചയായി കുറവുണ്ടാകുന്നത് സന്തോഷമേകുന്നുവെങ്കിലും കോവിഡ് കേസുകള്‍ റിപ്പോര്‍ട്ട് ചെയ്യപ്പെടുന്നതിലുള്ള കാലതാമസമാണ് ദൈനംദിന കേസുകള്‍ താഴുന്നതിന് പ്രധാന കാരണമെന്നും ബിബിസി റേഡിയോയുടെ 4 പിഎം പ്രോഗ്രാമില്‍

യുകെയില്‍ പതിവിനു വിപരീതമായി സമ്മര്‍ പേമാരിയും വെള്ളപ്പൊക്കത്തിനും സാക്ഷ്യം വഹിക്കുന്നു. ഒരു മാസം കൊണ്ട് പെയ്യേണ്ട മഴ ഒരൊറ്റ ദിവസം പെയ്തു കഴിഞ്ഞ ദിവസം ദുരിതം വിതച്ച അവസ്ഥ ഇനിയും തുടരുമെന്നാണ് മുന്നറിയിപ്പ്. അടുത്ത നാല് ദിവസം കൂടി ഇടിമിന്നലോട് കൂടിയ മഴ പെയ്യുമെന്ന് മെറ്റ് ഓഫീസ് അറിയിച്ചു. ലണ്ടനിലും, സൗത്ത് മേഖലകളിലും ആശുപത്രികളും, വീടുകളും, ട്യൂബ് സ്റ്റേഷനിലും വെള്ളപ്പൊക്കം രൂപപ്പെട്ടതിന് പിന്നാലെ ഇടിമിന്നലിനും, മഴയ്ക്കുമുള്ള യെല്ലോ മുന്നറിയിപ്പാണ് മെറ്റ് ഓഫീസ് പുറപ്പെടുവിച്ചിരിക്കുന്നത്. ജനങ്ങള്‍ക്ക് നാല് ദിവസം കൂടി ഈ ദുരിതം നേരിടാന്‍ തയ്യാറെടുക്കണമെന്നാണ് മുന്നറിയിപ്പ്. വ്യാഴാഴ്ച വരെയാണ് മഴ മുന്നറിയിപ്പ് നല്‍കിയിട്ടുള്ളത്. വ്യാഴാഴ്ച മഴ സ്‌കോട്ട്‌ ലണ്ടിലും എത്തും. ഇന്ന് ഉച്ചയ്ക്ക് മുതല്‍ 12 മണിക്കൂര്‍ നേരത്തേക്ക് സ്‌കോട്ട്‌ലണ്ടില്‍ യെല്ലോ തണ്ടര്‍സ്‌റ്റോം

യുകെയില്‍ വീട് വിലകള്‍ വര്‍ധിക്കുന്നത് 2022 ലും തുടരുമെന്ന് പ്രവചിച്ച് പ്രോപ്പര്‍ട്ടി വെബ്‌സൈറ്റായ സൂപ്ല. ആളുകള്‍ കൂടുതല്‍ സ്ഥലസൗകര്യങ്ങളുള്ള വീടുകള്‍ക്കായി വിപണിയിലെത്തിയതാണ് വിലയുടെ കുതിപ്പിന് വഴിയൊരുക്കിയത്. കോവിഡ് കാലത്തു സ്റ്റാമ്പ് ഡ്യൂട്ടി ഹോളിഡേ പ്രഖ്യാപിച്ചതാണ് വീടുവിപണിയെ കരുത്താക്കിയത്. എന്നാല്‍ ആദ്യ വാങ്ങലുകാരില്‍ ഭൂരിഭാഗത്തിനും ഇതിന്റെ പ്രയോജനം ലഭിക്കുന്നതിന് മുമ്പേ വീട് വില കുതിച്ചു. സ്റ്റാമ്പ് ഡ്യൂട്ടി ഹോളിഡേയുടെ ഗുണം മലയാളികള്‍ക്ക് ലഭിച്ചതുമില്ല. അതിനു മുമ്പ് വീടുവില കുതിച്ചു കയറുകയായിരുന്നു കോവിഡ് ലോക്ക്ഡൗണ്‍ കാലത്ത് ജോലിയും ജീവിതവും വീടുകളിലൊതുക്കാന്‍ നിര്‍ബന്ധിതരായതിനെ തുടര്‍ന്നാണ് ജനം കൂടുതല്‍ സൗകര്യങ്ങളുളള വീടുകള്‍ വാങ്ങാന്‍ താല്‍പര്യം വര്‍ധിപ്പിച്ചത്. വീടുകള്‍ക്കുള്ള ഇപ്പോഴത്തെ ഡിമാന്റ് ചുരുങ്ങിയ് 2022 വരെയെങ്കിലും നിലനില്‍ക്കുമെന്നാണ് കണക്കാക്കുന്നത്.

യുകെയില്‍ തുടര്‍ച്ചയായ അഞ്ചാം ദിവസവും കോവിഡ് കേസുകള്‍ കുറഞ്ഞതോടെ രാജ്യത്ത് മൂന്നാം വ്യാപനം പീക്ക് ഘട്ടം പിന്നിട്ടിരിക്കാന്‍ സാധ്യതയെന്ന് വിദഗ്ധര്‍. പോസിറ്റീവ് കേസുകളില്‍ വലിയ കുറവുണ്ട്. ഇന്നലെ 29,173 കേസുകളാണ് റിപ്പോര്‍ട്ട് ചെയ്യപ്പെട്ടത്. കഴിഞ്ഞ ഞായറാഴ്ച 49,000 കേസുകളായിരുന്നു. രാജ്യം മൂന്നാം വ്യാപനത്തില്‍ നിന്നും പുറത്തുകടക്കുന്നതിന്റെ സൂചനയാണ് 40 ശതമാനത്തിന്റെ ഈ കുറവെന്ന് വിലയിരുത്തലുകളുണ്ട്. ജൂലൈ 6ന് ശേഷം ആദ്യമായാണ് കേസുകള്‍ 30,000ല്‍ താഴെ എത്തുന്നത്. ദൈനംദിന മരണങ്ങളില്‍ 28 കേസുകള്‍ കൂടി റിപ്പോര്‍ട്ട് ചെയ്തു. ഇതിന് മുന്‍പ് അഞ്ച് ദിവസം കേസുകള്‍ കുറഞ്ഞത് ഫെബ്രുവരിയിലാണ്, യുകെ വിന്റര്‍ വ്യാപനം പൂര്‍ത്തിയാക്കിയ ശേഷമായിരുന്നു ഇത്. അഞ്ച് ദിവസം തുടര്‍ച്ചയായി കേസുകള്‍ കുറഞ്ഞത് ഉറപ്പ് നല്‍കുന്ന ട്രെന്‍ഡാണെന്ന് ഈസ്റ്റ് ആംഗ്ലിയ യൂണിവേഴ്‌സിറ്റിയിലെ മെഡിസിന്‍ പ്രൊഫസര്‍ പോള്‍ ഹണ്ടര്‍ പറഞ്ഞു. പ്രതീക്ഷിച്ചതിലും

കേരളത്തിലെ തുലാവര്‍ഷ കാലത്തെ അനുസ്മരിപ്പിച്ചു ഇംഗ്ലണ്ടില്‍ കനത്തമഴയും മഴയും കാറ്റും ഇടിമിന്നലും. ലണ്ടനില്‍ വെള്ളപ്പൊക്കം രൂക്ഷമായി. ട്യൂബ് സ്റ്റേഷനുകളും തെരുവുകളും വെള്ളത്തിനടിയിലായി. തലസ്ഥാനത്തെയും വീടുകളെയും ബിസിനസുകളെയും വെള്ളപ്പൊക്ക ഭീഷണി ബാധിച്ചു. ചില ഹോം കൗണ്ടികളെ ബാധിക്കുന്ന കൊടുങ്കാറ്റുകള്‍ക്ക് ഉണ്ടാകാമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കിയിട്ടുണ്ട്. ശക്തമായ ഇടിമിന്നല്‍ തുടരുമെന്നും മുന്നറിയിപ്പുണ്ട് ഡസന്‍ കണക്കിന് റോഡുകള്‍ വെള്ളത്തിനടിയിലായി. വാഹനങ്ങള്‍ പലയിടത്തും ഒറ്റപ്പെട്ടുപോയി. ഭൂഗര്‍ഭ ലൈനുകളെയും വെള്ളപ്പൊക്കം ബാധിച്ചു. 100 മില്ലിമീറ്റര്‍ മഴയാണ് മിക്കയിടങ്ങളിലും രേഖപ്പെടുത്തിയത്. ഫയര്‍ഫോഴ്‌സ് സേവനം ആവശ്യപ്പെട്ടു  ഞായറാഴ്ച നൂറുകണക്കിന് കോളുകളാണ് എത്തിയത്. ലണ്ടനിലെ വോര്‍സെസ്റ്റര്‍ പാര്‍ക്കിലെ ബെവര്‍ലി ബ്രൂക്കിനും വെസ്റ്റ് ബാര്‍ണസിനും സമീപം പരിസ്ഥിതി

കോവിഡ് വ്യാപനം കണക്കിലെടുത്തു ഏര്‍പ്പെടുത്തിയ യാത്രാ നിരോധനം പുനഃപരിശോധിക്കാന്‍ യുകെയോട് ഇന്ത്യ. ഇന്ത്യയെ റെഡ് ലിസ്റ്റില്‍പ്പെടുത്തിയതോടെ രണ്ടു ഡോസ് വാക്കിനെടുത്തവര്‍ക്കു പോലും പത്തു ദിവസം ഹോട്ടല്‍ ക്വറന്റൈന്‍ വേണ്ട സ്ഥിതിയാണ്. ആംബര്‍ ലിസ്റ്റിലായാല്‍ ഇത് പരിഹരിക്കപ്പെടും. നിലവിലുള്ള യാത്രാ നിരോധനം പ്രവാസികളുടെ വരവും പോക്കും പ്രതിസന്ധിയിലാക്കിയിരിക്കുകയാണ്. ഇതിനുള്ള പരിഹാരമായാണ് നിലവിലുള്ള യാത്രാ നിരോധനം പുനഃപരിശോധിക്കാന്‍ യുകെയോട് ഇന്ത്യ ആവശ്യപ്പെട്ടിരിക്കുന്നത്. ഇന്ത്യയിലെ അവസ്ഥയെക്കുറിച്ച് യുകെ വിദേശകാര്യ കാര്യാലയം അറിയിച്ചിട്ടുണ്ടെന്ന് ഇന്ത്യന്‍ വിദേശകാര്യ സെക്രട്ടറി ഹര്‍ഷ് വര്‍ധന്‍ ശ്രിംഗ്ല പറഞ്ഞു. ഇന്ത്യയില്‍ നിന്നുള്ള യാത്രാ വിലക്ക് അവലോകനം ചെയ്യാന്‍ യുകെയെ പ്രോത്സാഹിപ്പിക്കുകയെന്ന ലക്ഷ്യത്തിലാണ് ഇന്ത്യ. ഈ സമയത്ത് പല ഇന്ത്യന്‍ നഗരങ്ങളും കോവിഡില്‍ നിന്ന് മുക്തമാണെന്ന് ശ്രിംഗ്ല

യുകെയില്‍ പ്രതിദിന കോവിഡ് കേസുകളില്‍ തുടര്‍ച്ചയായി മൂന്നാം ദിവസവും കുറവ് രേഖപ്പെടുത്തി. ഇന്നലെ 36,389 പുതിയ കോവിഡ് കേസുകളാണ് രേഖപ്പെടുത്തിയിരിക്കുന്നത്. ജൂലൈ 20ന് 46,558 കോവിഡ് കേസുകള്‍ രേഖപ്പെടുത്തിയതില്‍ നിന്നുള്ള താഴ്ചയാണിത്. എന്നാല്‍ ജൂലൈ 19ന് ഇംഗ്ലണ്ടില്‍ ശേഷിക്കുന്ന കോവിഡ് നിയന്ത്രണങ്ങള്‍ കൂടി എടുത്ത് മാറ്റിയതിന്റെ പ്രത്യാഘാതം പ്രകടമാകാന്‍ ഇനിയും ദിവസങ്ങള്‍ എടുക്കുമെന്നതിനാല്‍ ആശ്വസിക്കാറായിട്ടില്ല എന്നാണ് വിദഗ്ധര്‍ അഭിപ്രായപ്പെടുന്നത്. ഫ്രീഡം ഡേ യുടെ പ്രത്യാഘാതം അറിയാന്‍ ഇനിയും ആഴ്ചകള്‍ കാത്തിരിക്കേണ്ടി വരുമെന്നും അതിനെ തുടര്‍ന്ന് പ്രതിദിന കേസുകള്‍ വീണ്ടും കുതിച്ചുയരാന്‍ തുടങ്ങുമെന്നുമാണ് വിദഗ്ധര്‍ മുന്നറിയിപ്പേകുന്നത്. നിലവില്‍ പ്രതിദിന കേസുകള്‍ താഴുന്നത് താല്‍ക്കാലിക പ്രവണത മാത്രമാണെന്നും അടുത്ത വാരം അവസാനമാകുമ്പോഴേക്കും കേസുകള്‍ വീണ്ടും കുതിച്ചുയരുമെന്നുമാണ് യൂണിവേഴ്‌സിറ്റി ഓഫ്

എന്‍എച്ച്എസിനും സര്‍ക്കാരിനും എന്നും തലവേദനയുള്ള വിഷയമാണ് ആളുകളില്‍ വര്‍ധിച്ചു വരുന്ന പൊണ്ണത്തടി. ഇത് സര്‍ക്കാരിന് വലിയ ബാധ്യതയാണുണ്ടാക്കുന്നത്. ഇത് ആളുകളില്‍, പ്രമേഹം, സ്ട്രോക്ക്, ഹൃദയാഘാതം എന്നിവയ്ക്ക് കാരണമാകുന്നുണ്ട്. കുട്ടികളില്‍ പൊണ്ണത്തടി കുറയ്ക്കുന്നതിനായി ബോധവല്‍ക്കരണവും ബജറ്റില്‍ ഷുഗര്‍ ടാക്‌സും സര്‍ക്കാര്‍ ഏര്‍പ്പെടുത്തിയിരുന്നു. എങ്കിലും വ്യായാമക്കുറവും ജീവിത ശൈലിയും പൊണ്ണത്തടി കൂട്ടുകയാണ്. എന്നാല്‍ ഉപദേശം ഫലിക്കാതെ വന്നതോടെ കുറെ ഓഫറുകളുമായി എത്തിയിരിക്കുകയാണ് സര്‍ക്കാര്‍. ഇതിന്റെ ഭാഗമായി ഡിസ്‌കൗണ്ടുകളും, ഫ്രീ ടിക്കറ്റുകള്‍ നല്‍കാനായി സര്‍ക്കാര്‍ പിന്തുണയോടെ റിവാര്‍ഡ്‌സ് പ്രോഗ്രാം ഒരുങ്ങുകയാണ്. ഇതനുസരിച്ചു സൂപ്പര്‍മാര്‍ക്കറ്റില്‍ പണം ചെലവാക്കുന്ന രീതി നിരീക്ഷിക്കും. കലോറി എടുക്കുന്നത് കുറച്ച്, കൂടുതല്‍ പഴങ്ങളും, പച്ചക്കറികളും വാങ്ങുന്നവര്‍ക്ക് റിവാര്‍ഡ്

യുകെയില്‍ ആശങ്കയായി പുതിയ കോവിഡ് വേരിയന്റ് കണ്ടെത്തി പബ്ലിക് ഹെല്‍ത്ത് ഇംഗ്ലണ്ട്. ബി.1.621 എന്ന 'കൊളംബിയന്‍' സ്‌ട്രെയിന്‍ ആണ് പബ്ലിക് ഹെല്‍ത്ത് ഇംഗ്ലണ്ട് കണ്ടെത്തിയത്. ബി.1.621 വേരിയന്റുമായി ബന്ധപ്പെട്ട് 16 കേസുകളാണ് ബ്രിട്ടനില്‍ സ്ഥിരീകരിച്ചിരിക്കുന്നത്. ഈ വേരിയന്റ് കൊളംബിയയില്‍ ഉത്ഭവിച്ചതാണെന്നാണ് കരുതുന്നത്. യുകെയുടെ ആശങ്ക പട്ടികയില്‍ 31 രൂപമാറ്റം വന്ന സ്‌ട്രെയിനുകള്‍ ഇടംപിടിച്ചു. അതേസമയം, ഡെല്‍റ്റ വേരിയന്റിനേക്കാള്‍ മാരകമായി കൊളംബിയന്‍ വേരിയന്റ് മാറുമെന്ന് കരുതാന്‍ ഇപ്പോകള്‍ തെളിവുകള്‍ ലഭിച്ചിട്ടില്ലെന്ന് പബ്ലിക് ഹെല്‍ത്ത് ഇംഗ്ലണ്ട് പറഞ്ഞു. യുകെയിലെ 99 ശതമാനം കേസുകളും ഇപ്പോള്‍ ഡെല്‍റ്റ മൂലമാണ്. നിലവില്‍ ജനങ്ങള്‍ക്ക് നല്‍കുന്ന വാക്‌സിനുകളുടെ ശേഷിയെ മറികടക്കാന്‍ ഈ വേരിയന്റ് കാരണമാകുമെന്നതിനും തെളിവില്ലെന്ന് ഇവര്‍ പറയുന്നു. ബി.1.621 നിലവില്‍ സമൂഹത്തില്‍ പടരുന്നില്ലെന്നും സര്‍ക്കാര്‍