യുകെ മലയാളികള്‍ക്കു വേദനയായി 2 മരണങ്ങള്‍
യുകെയിലെ മലയാളി സമൂഹത്തിനു വേദനയായി നാട്ടില്‍ രണ്ട് മരണങ്ങള്‍. മുന്‍ ക്രോയ്‌ഡോന്‍ മലയാളി കൊല്ലം പരവൂര്‍ സ്വദേശി അനുരാജിന്റെയും മൂന്നു മക്കള്‍ യുകെയിലുള്ള കോട്ടയം മാന്നാനം സ്വദേശിയായ റോസമ്മ സെബാസ്റ്റിയന്റെ മരണവുമാണ് മലയാളികളെ ദുഃഖത്തിലാഴ്ത്തിയത്.
പത്തുവര്‍ഷത്തോളം യുകെയിലുണ്ടായിരുന്ന ആളാണ് അനുരാജ്. ഇന്നലെ രാത്രിയാണ് മരണം. എറണാകുളം അമൃത ഹോസ്പിറ്റലില്‍ കരള്‍ മാറ്റ ശസ്ത്രക്രിയയെ തുടര്‍ന്ന് വിശ്രമത്തിലായിരുന്നു. കഴിഞ്ഞ നവംബറില്‍ നടത്തിയ ശസ്ത്രക്രിയയെ തുടര്‍ന്ന് ആരോഗ്യനില വീണ്ടെടുക്കവെയാണ് അപ്രതീക്ഷിതമായി മരണം എത്തിയത്. ചികിത്സയുടെ ഭാഗമായി എറണാകുളത്തു താല്‍ക്കാലികമായി താമസ സൗകര്യം ഒരുക്കിയിടത്തു നിന്നും രാത്രി തന്നെ മൃതദേഹം സ്വദേശത്തു എത്തിച്ചു. രാവിലെ സംസ്കാര കര്‍മ്മങ്ങള്‍ പൂര്‍ത്തിയാക്കി. ആയിരുന്നു. ഭാര്യ സുനന്ദ, മക്കളായ ആരോമല്‍, അര്‍ജുന്‍ എന്നിവരുടെ സാന്നിധ്യത്തിലാണ് മരണം സംഭവിച്ചത് .
More »
ദേശാഭിമാനി ലേഖകന്‍ കോവിഡ് ബാധിച്ച് മരിച്ചു
ദേശാഭിമാനി ചിറയിന്‍കീഴ് ലേഖകന്‍ ഷിബുമോഹന്‍(46) കോവിഡ് ബാധിച്ച് മരിച്ചു. കോവിഡ് ബാധിച്ച് ചികിത്സയിലിരിക്കെയാണ് മരണം. കഴിഞ്ഞ മൂന്നാം തിയതി മറ്റുചില അസുഖങ്ങള്‍ കാരണം ചികിത്സയ്ക്കായി അദ്ദേഹത്തെ തിരുവനന്തപുരം മെഡിക്കല്‍ കോളജിലേക്കു മാറ്റിയിരുന്നു. മള്‍ട്ടിസ്‌പെഷ്യാലിറ്റിയില്‍ വെന്റിലെറ്റര്‍ സഹായത്തോടെ ചികിത്സയില്‍ തുടരുന്നതിനിടെയാണ് അന്ത്യം. സംസ്കാരം ഇന്നു വൈകിട്ട് തൈക്കാട് ശാന്തികവാടത്തില്‍ നടക്കും.
ഭാര്യ സുനിത ആറ്റിങ്ങല്‍ ബീവറേജിലെ ജീവനക്കാരിയാണ്. രണ്ട് ആണ്മക്കളുണ്ട്.
More »
ഗ്ലാസ്ഗോ മലയാളികളുടെ 'വല്യേട്ടന്‍' രാജു സ്റ്റീഫന്റെ പൊതുദര്‍ശനം ഇന്ന്; സംസ്കാരം നാളെ
ഗ്ലാസ്ഗോ മലയാളികളുടെ പ്രിയങ്കരനായിരുന്ന കോട്ടയം,കോതനല്ലൂര്‍ സ്വദേശി രാജു സ്റ്റീഫന് (58) മലയാളി സമൂഹം ഇന്ന് വിട നല്‍കും. ക്ലൈഡ്ബാങ്ക് കോപ്പറേറ്റീവ് ഫ്യൂണറല്‍ പാര്‍ലറില്‍ നടക്കും. ഓപ്പണ്‍ കാസ്ക്കറ്റ് പൊതുദര്‍ശനമാണ് ഉണ്ടായിരിക്കുക. രാവിലെ 10 മണി മുതല്‍ വൈകിട്ട് മൂന്നു മണി വരെയാണ് സമയം അനുവദിച്ചിരിക്കുന്നത്.
അന്ത്യാഞ്ജലി അര്‍പ്പിക്കുവാന്‍ എത്തുന്നവര്‍ കോവിഡ് മാനദണ്ഡങ്ങള്‍ അനുസരിച്ച് അഞ്ചു പേരടങ്ങുന്ന ചെറു ഗ്രൂപ്പുകളായി എത്തണമെന്നും തങ്ങളുടെ അവസരം എത്തുന്നതു വരെ വാഹനങ്ങളില്‍ തന്നെ ഇരിക്കണമെന്നുമാണ് കുടുംബാംഗങ്ങള്‍ അഭ്യര്‍ത്ഥിച്ചിട്ടുള്ളത്. പാര്‍ലറില്‍ നിന്നും ഒരു മിനുട്ട് മാത്രം നടക്കാനുള്ള അകലത്തില്‍ അബോട്സ് ഫോര്‍ഡ് റോഡില്‍ പാര്‍ക്കിംഗ് സൗകര്യം ലഭ്യമാണ്.
ഔര്‍ ഹോളി റെഡീമര്‍ ചര്‍ച്ചില്‍ നാളെയാണ് സംസ്കാര ചടങ്ങുകള്‍ നടക്കുക. രാവിലെ 11 മണി മുതല്‍ ചടങ്ങുകള്‍ ആരംഭിക്കും. 50 പേര്‍ക്കാണ് ദേവാലയത്തിലേക്ക്
More »
മാടമ്പ് കുഞ്ഞുകുട്ടന്‍ കോവിഡ് ബാധിച്ച് മരിച്ചു
തൃശൂര്‍ : നടനും എഴുത്തുകാരനുമായ മാടമ്പ് കുഞ്ഞുകുട്ടന്‍(81) അന്തരിച്ചുു. കോവിഡ് ബാധിച്ച് തൃശൂരില്‍ ചികിത്സയിലായിരുന്നു. ജയരാജ് സംവിധാനം ചെയ്ത കരുണം എന്ന ചിത്രത്തിന്റെ തിരക്കഥയ്ക്ക് 2000 ത്തില്‍ ദേശീയ അവാര്‍ഡ് ലഭിച്ചു. ദേശാടനം, സഫലം, ഗൗരീശങ്കരം, മകള്‍ക്ക് തുടങ്ങിയ ചിത്രങ്ങള്‍ക്ക് തിരക്കഥയൊരുക്കി.
ആറാംതമ്പുരാന്‍, ദേശാടനം, ചിത്രശലഭം അഗ്‌നിസാക്ഷി, കരുണം, കാറ്റുവന്നു വിളിച്ചപ്പോള്‍, അഗ്‌നിനക്ഷത്രം, വടക്കുംനാഥന്‍, പോത്തന്‍ വാവ, ആനചന്തം തുടങ്ങിയ സിനിമകളില്‍ അഭിനയിച്ചു.
അശ്വത്ഥാമാവ്, മഹാപ്രസ്ഥാനം, അവിഘ്‌നമസ്തു, ഭ്രഷ്ട്, എന്തരോ മഹാനുഭാവുലു, നിഷാദം, പാതാളം, ആര്യാവര്‍ത്തം, അമൃതസ്യ പുത്രഃ തുടങ്ങിയവയാണ് നോവലുകള്‍.
More »
ഡ്യൂട്ടിക്കായി ആശുപത്രിയിലേക്ക് പോകുംവഴി വാഹനാപകടം; നഴ്‌സ് മരിച്ചു
കൊച്ചി : ഡ്യൂട്ടിക്കായി ആശുപത്രിയിലേക്ക് പോകുംവഴി നഴ്‌സ് വാഹനാപകടത്തില്‍ മരിച്ചു. നെട്ടൂരിലെ സ്വകാര്യ ആശുപത്രിയിലെ നഴ്‌സായ ചേര്‍ത്തല വാരണം കണ്ടത്തില്‍ അനു തോമസ് (32) ആണ് മരിച്ചത്. ഇന്നു രാവിലെ ജോലിക്കായി സ്‌കൂട്ടറില്‍ വരുമ്പോള്‍ മാടവന ജങ്ഷനില്‍ വച്ചായിരുന്നു അപകടം. ആലപ്പുഴ ഭാഗത്തുനിന്നു വരികയായിരുന്ന ഇവര്‍, സിഗ്‌നല്‍ ലഭിച്ചതിനെ തുടര്‍ന്ന് സ്‌കൂട്ടര്‍ മുന്നോട്ട് എടുത്തപ്പോള്‍ വൈറ്റില ഭാഗത്തുനിന്ന് അതിവേഗത്തില്‍ വരികയായിരുന്ന ലോറി ഇടിച്ചിടുകയായിരുന്നു. സംഭവസ്ഥലത്തു വച്ചു തന്നെ യുവതി മരിച്ചതായാണ് ദൃക്‌സാക്ഷികള്‍ പറയുന്നത്.
ഭര്‍ത്താവ് വിദേശത്താണ്. മകന്‍ എലന്‍.
More »
മലപ്പുറത്ത് കോവിഡ് ബാധിച്ച് ഒരു കുടുംബത്തിലെ മൂന്ന് പേര്‍ മരിച്ചു
മലപ്പുറം : മലപ്പുറം ജില്ലയിലെ വാഴക്കാട് ഒരു കുടുംബത്തിലെ മൂന്ന് പേര്‍ കോവിഡ് ബാധിച്ച് മരിച്ചു. ചെറുവായൂര്‍ കണ്ണത്തൊടി ലിമേശും ഇയാളുടെ മാതാപിതാക്കളായ രാമര്‍, ലീല ദമ്പതികളുമാണ് രോഗബാധയെ തുടര്‍ന്ന് മരിച്ചത്.
ഏപ്രില്‍ 28നാണ് രോഗബാധയെ തുടര്‍ന്ന് ചികിത്സയിലിരിക്കെ ഓട്ടോ ഡ്രൈവറായിരുന്ന ലീമേഷ് മരിച്ചത്. ഇയാളുടെ രോഗ ഉറവിടം ഇതുവരെ വ്യക്തമല്ല. തുടര്‍ന്ന് ഏപ്രില്‍ 30നായിരുന്നു പിതാവ് രാമര്‍ മരിച്ചത്. ഇതിന് പിന്നാലെയാണ് രാമരുടെ ഭാര്യ ലീല ബുധനാഴ്ച്ച രോഗബാധയെ തുടര്‍ന്ന് മരണമടഞ്ഞത്.
More »
മുന്‍ കേന്ദ്രമന്ത്രി അജിത് സിംഗ് കോവിഡ് ബാധിച്ച് മരിച്ചു
ലഖ്‌നൗ : രാഷ്ട്രീയ ലോക് ദള്‍ (ആര്‍.എല്‍.ഡി) പാര്‍ട്ടി അധ്യക്ഷനും മുന്‍ കേന്ദ്ര മന്ത്രിയുമായ അജിത് സിംഗ്(82) അന്തരിച്ചു. കോവിഡ് ബാധിച്ച് ചികിത്സയിലായിരുന്നു. കോവിഡ് പോസിറ്റീവായതിനെ തുടര്‍ന്ന ഗുരുഗ്രാമം ആശുപത്രിയില്‍ ചികിത്സയില്‍ കഴിഞ്ഞുവന്നിരുന്ന അജിത് സിംഗിന്റെ ആരോഗ്യനില ചൊവ്വാഴ്ച രാത്രിയോടെ ഗുരുതരവസ്ഥയിലാവുകയായിരുന്നു. ശ്വാസകോശത്തില്‍ അണുബാധയുണ്ടായിതിനെ തുടര്‍ന്നാണ് ആരോഗ്യനില അപകടത്തിലായത്. തുടര്‍ന്ന് വ്യാഴാഴ്ച മരിക്കുകയായിരുന്നു.
മുന്‍ പ്രധാനമന്ത്രി ചൗധരി ചരണ്‍ സിംഗിന്റെ മകനായ അജിത് സിംഗ് മധ്യപ്രദേശിലെ ബാഗ്പട്ടില്‍ നിന്നും ഏഴ് തവണയാണ് പാര്‍ലമെന്റിലെത്തിയത്. സിവില്‍ ഏവിയേഷന്‍ വിഭാഗം മന്ത്രിയായും പ്രവര്‍ത്തിച്ചു.
പശ്ചിമ ഉത്തര്‍പ്രദേശിലെ ജാട്ട് വിഭാഗത്തിനിടിയില്‍ വലിയ സ്വാധീനമുള്ള നേതാവാണ് അജിത് സിംഗ്. വിവിധ ഘട്ടങ്ങളില്‍ ബി.ജെ.പിയുമായും സമാജ് വാദി പാര്‍ട്ടിയുമായും കോണ്‍ഗ്രസുമായും അദ്ദേഹം
More »
എ.സി പൊട്ടിത്തെറിച്ച് മലയാളി ദമ്പതികള്‍ക്ക് ദാരുണാന്ത്യം
പേരാമ്പ്ര : കോഴിക്കോട് പേരാമ്പ്ര സ്വദേശികളായ ദമ്പതികള്‍ക്ക് കര്‍ണാടക ബെല്ലാരിയില്‍ എ.സി പൊട്ടിത്തെറിച്ച് ദാരുണാന്ത്യം. ബെല്ലാരിയിലെ ബിസിനസുകാരനും പേരാമ്പ്രയിലെ ആദ്യകാല വ്യാപാരിയുമായിരുന്ന പേരാമ്പ്ര കോടേരിച്ചാല്‍ അപ്പക്കല്‍ ജോയിയും(67) ഭാര്യ ഉഷയുമാണ്(60) മരിച്ചത്.
കഴിഞ്ഞ ദിവസം രാത്രിയാണ് വിന്‍ഡോ എയര്‍ കണ്ടീഷന്‍ പൊട്ടിത്തെറിച്ച് അപകടമുണ്ടായത്. പരിക്കേറ്റ് ചികിത്സയിലായിരുന്ന ഉഷ ബുധനാഴ്ച രാവിലെയും ജോയി ഉച്ചയോടെയുമാണ് മരിച്ചത്.
More »
ഡോ.ഫിലിപ്പോസ് മാര്‍ ക്രിസോസ്റ്റം തിരുമേനി വിടവാങ്ങി
തിരുവല്ല : മലങ്കര മാത്തോമാ സഭ വലിയ മെത്രോപ്പോലീത്ത പത്മഭൂഷണ്‍ ഡോ.ഫിലിപ്പോസ് മാര്‍ ക്രിസോസ്റ്റം തിരുമേനി (104) വിടവാങ്ങി. കുമ്പനാട്ടെ സ്വകാര്യ ആശുപത്രിയില്‍ പുലര്‍ച്ചെ 1.15നാണ് അന്ത്യം. വാര്‍ധക്യ സഹജമായ അസുഖങ്ങളെ തുടര്‍ന്ന് ചികിത്സയിലായിരുന്നു. കബറടക്കം നാളെ മൂന്നുമണിക്ക് തിരുവല്ല മാര്‍ത്തോമ്മാ സഭ ആസ്ഥാനത്തെ പള്ളിയില്‍.
ഭൗതികശരീരം കുമ്പനാട് ഫെലോഷിപ് ആശുപത്രി ചാപ്പലില്‍ നിന്ന് തിരുവല്ല ഡോ.അലക്‌സാണ്ടര്‍ മാര്‍ത്തോമ്മാ ഹാളിലേക്കു മാറ്റും. കബറടക്ക ശുശ്രൂഷയുടെ ഒന്നാംഘട്ടവും ഇതോടെ ആരംഭിക്കും.
ലോകത്തിലെ ഏറ്റവും പ്രായം കൂടിയ മെത്രാപ്പോലീത്തയായിരുന്നു. ഏപ്രില്‍ 27നാണ് 104 വയസ് തികഞ്ഞത്. ഇന്ത്യയില്‍ ഏറ്റവും കൂടുതല്‍ കാലം മേല്‍പ്പട്ട സ്ഥാനം അലങ്കരിച്ചെന്ന പ്രത്യേകതയും ഇദ്ദേഹത്തിന് സ്വന്തമാണ്. എത്ര ഗൗരവമുള്ള വിഷയത്തെയും ചിരിയില്‍ ലയിപ്പിച്ചാണ് ക്രിസോസ്റ്റം തിരുമേനി അവതരിപ്പിക്കുക.
പത്തനംതിട്ട ജില്ലയിലെ
More »
