|
|
|
സ്പിരിച്വല്‍
കെന്റ് അയ്യപ്പ ക്ഷേത്രത്തില്‍ നവരാത്രി - ആഘോഷം 18 മുതല്‍ 21 വരെ
യുകെയിലെ മലയാളി സമൂഹത്തിന്റെ പ്രധാന ആരാധനാലയമായ കെന്റ് അയ്യപ്പ ക്ഷേത്രത്തില്‍ (1 Northgate, Rochester, ME1 1LS) ഈ വര്‍ഷത്തെ നവരാത്രി ആഘോഷങ്ങള്‍ വിപുലമായ പരിപാടികളോടെ നടക്കും.
നവരാത്രി ആഘോഷത്തിന്റെ ഭാഗമായി ഒക്ടോബര്‍ 18, ഞായറാഴ്ച വൈകീട്ട് 6 മണി മുതല്‍ 8.30 വരെ ക്ഷേത്രാങ്കണത്തില്‍ കലാസന്ധ്യ അരങ്ങേറും. പ്രശസ്ത നര്‍ത്തകര്‍ അണിനിരക്കുന്ന നൃത്ത പരിപാടികളാണ് ഒരുക്കിയിരിക്കുന്നത്.
പങ്കെടുക്കുന്ന നര്‍ത്തകര്‍ :
സുചിത്ര കൊച്ചുവീട്ടില്‍ - BFA Bharatanatyam, RLV കുമാരിയുടെയും ഡോ. പത്മിനി കൃഷ്ണന്റെയും ശിഷ്യ.
അരുണിമ ജയന്‍ - സുന്ദരേശന്‍ മാസ്റ്ററുടെ (സുന്ധരോധയ കലാക്ഷേത്രം) ശിഷ്യ.
വിനീത് വിജയകുമാര്‍ പിള്ള - കഥകളി, കലാമണ്ഡലം വിജയകൃഷ്ണന്‍ ഉണ്ണിത്താന്റെ ശിഷ്യന്‍
രമ്യ അരുണ്‍കൃഷ്ണന്‍ (ദൂരദര്‍ശന്‍ ഗ്രേഡഡ് ആര്‍ട്ടിസ്റ്റ്) - 'ഹര സ്‌പേസ് ഫോര്‍ ഡാന്‍സിന്റെ' സ്ഥാപക, ഗുരു ശ്രീ ഹരിപദ്മന്റെ ശിഷ്യ.
കീര്‍ത്തന ജിതേഷ് - ഭരതനാട്യം
More »
ജപമാല മണികളില്‍ കൈവിരല്‍ അമരുമ്പോള്‍' ഭക്തിസാന്ദ്രമായ മാതാവിന്റെ ഗാനം ചെസ്റ്റര്‍ഫീല്‍ഡില്‍ റിലീസ് ചെയ്തു
ചെസ്റ്റര്‍ഫീല്‍ഡ് :ക്രീയേറ്റീവ് മലയാളം യുകെയുടെ ബാനറില്‍ ഈ കൊന്ത മാസത്തില്‍ മാതാവിന്റെ നാമം വിളിച്ച് പ്രാര്‍ത്ഥിക്കുമ്പോള്‍, ജപമാല ചൊല്ലി തീരും മുബേ ഉള്ളില്‍ അനുഗ്രഹം നിറയുവാന്‍ എന്നും മാതാവ് അരികിലുണ്ടാകും.
ഷിജോ സെബാസ്റ്റ്യന്‍ എഴുതിയ വരികകള്‍ക്ക് ഈണം നല്‍കി പാടിയത് ഷൈന്‍ വെങ്കിടങ് ആണ്. ജെജെ സ്പൈസസ് സ്‌പോണ്‍സര്‍ ചെയ്ത ഈ ഗാനത്തില്‍ പ്രാത്ഥനയോടെ ഇതില്‍ പങ്കുചേര്‍ന്നത് ഫാ. ജോ മാത്യു, സ്റ്റാന്‍ലി ജോസഫ്, അന്ന ജോസഫ്, ആന്‍ മരിയ ജോസഫ്, സെലിസ്റ്റിന്‍ ജോസഫ്, ജയരാജ് രാജന്‍ എന്നിവരാണ്.
നിങ്ങള്‍ ഓരോരുത്തരും നല്‍കുന്ന വിലയേറിയ പിന്തുണക്ക് നന്ദി അറിയിക്കുന്നു. മാതാവിന്റെ അനുഗ്രഹം എന്നും നമ്മില്‍ ഉണ്ടാകട്ടെ, പ്രാര്‍ത്ഥനയോടെ ക്രീയേറ്റീവ് മലയാളം യുകെ.
https ://youtu.be/NLARKy6eSvU ?is=7NHHPklxy3TQ956C
More »
മലങ്കര യാക്കോബായ സുറിയാനി ഓര്‍ത്തഡോക്‌സ് ഭദ്രാസനത്തിന് സ്വന്തം ആസ്ഥാന മന്ദിരം
യുകെയിലെ 52 പള്ളികള്‍ ഉള്‍പ്പെടുന്ന മലങ്കര യാക്കോബായ സുറിയാനി ഓര്‍ത്തഡോക്‌സ് സഭാ ഭദ്രാസനത്തിന് ഇനി സ്വന്തമായി പുതിയ ആസ്ഥാന മന്ദിരം . ഭദ്രാസനാധിപനും യുകെ പാത്രിയാര്‍ക്കല്‍ വികാരിയുമായ ഐസക് മാര്‍ ഓസ്താത്തിയോസിന്റെ നേതൃത്വത്തില്‍ ഭദ്രാസനത്തിലെ ഇടവകകള്‍ കൈകോര്‍ത്താണ് യുകെയിലെ സഭാ മക്കളുടെ ചിരകാല സ്വപ്‌നം സാക്ഷാത്കരിക്കുന്നത്.
ലെസ്റ്ററി സമീപം ഏള്‍ ഷില്‍റ്റനിലാണ് ചാപ്പലും ഓഡിറ്റോറിയവും ബിഷപ് ഹൗസും ഓഫീസ് മുറികളും ഹാളുകളും ഉള്‍പ്പെടുന്ന മന്ദിരം സഭ സ്വന്തമാക്കിയത്. ഭദ്രാസന ജനറല്‍ ബോഡി ചുമതലപ്പെടുത്തിയതനുസരിച്ച് ഭദ്രാസന സെക്രട്ടറി ഫാ എബിന്‍ മാര്‍ക്കോസ് ഊന്നുകല്ലിങ്കല്‍, ട്രഷറര്‍ ഷിബി ചേപ്പനത്ത്, കൗണ്‍സില്‍ അംഗങ്ങളായ കെ പി വിജി, ജിബി ജോയി എന്നീവര്‍ തീറാധാരത്തില്‍ ഒപ്പുവച്ചു.
ബില്‍ഡിങ് കമ്മിറ്റി അംഗ മനോജ് വര്‍ഗീസിന്റെ നേതൃത്വത്തില്‍ മന്ദിരത്തിന്റെ താക്കോല്‍ കൗണ്‍സില്‍ അംഗങ്ങള്‍ ഏറ്റുവാങ്ങി.
More »
കെന്റില്‍ വിനായക ചതുര്‍ത്ഥി ആഘോഷവും സൂര്യകാലടി മഹാഗണപതിഹോമവും ഭക്തിസാന്ദ്രമായി
ഗ്രേവ്‌സെന്റ് (കെന്റ്) : യുണൈറ്റഡ് കിംഗ്ഡം കെന്റ് ഹിന്ദു സമാജത്തിന്റെ ആഭിമുഖ്യത്തില്‍ കെന്റ് അയ്യപ്പ ക്ഷേത്രത്തിന്റെ നേതൃത്വത്തില്‍ സംഘടിപ്പിച്ച വിനായക ചതുര്‍ത്ഥി ആഘോഷത്തിന്റ ഭാഗമായി വിനായക ഭക്തര്‍ക്കായി സംഘടിപ്പിച്ച സൂര്യകാലടി അഷ്ടദ്രവ്യ മഹാഗണപതിഹോമം ഭക്തിസാന്ദ്രമായി സമാപിച്ചു.
സെപ്റ്റംബര്‍ 20 ഞായറാഴ്ച രാവിലെ 10 മണി മുതല്‍ ഡബ്ബ്‌സ് ഫെയ്‌സ് ഫാം, ഗ്രേവ്‌സെന്റ് (DA13 9BL)ല്‍ വെച്ചാണ് ചടങ്ങുകള്‍ നടന്നത്.
കേരളത്തിലെ പ്രശസ്ത താന്ത്രികാചാര്യന്‍ മുഖ്യകാര്‍മ്മികന്‍ തന്ത്രി ബ്രഹ്‌മശ്രീ. സൂര്യകാലടി സൂര്യന്‍, ജയസൂര്യന്‍ ഭട്ടതിരിപ്പാട് മുഖ്യ കാര്‍മ്മികത്വം വഹിച്ചു. ഐശ്വര്യം, സമാധാനം, ദിവ്യാനുഗ്രഹം എന്നിവ നല്‍കുന്ന നാളികേരവും മറ്റ് ശുഭകരമായ ദ്രവ്യങ്ങളും അഗ്‌നിയില്‍ അര്‍പ്പിക്കുന്ന അതീവ പവിത്രമായ ചടങ്ങാണ് അഷ്ടദ്രവ്യ മഹാഗണപതിഹോമം. തടസ്സങ്ങള്‍ നീക്കുന്നവനും ജ്ഞാനം നല്‍കുന്നവനുമായ ഗണപതിക്ക്
More »
കെന്റ് അയ്യപ്പ ക്ഷേത്രത്തില്‍ വിനായക ചതുര്‍ത്ഥി പ്രത്യേക പൂജകള്‍ ഭക്തിസാന്ദ്രമായി നടത്തപ്പെട്ടു
കെന്റ് അയ്യപ്പ ക്ഷേത്രത്തില്‍ വിനായക ചതുര്‍ത്ഥിയോടനുബന്ധിച്ച് പ്രത്യേക പൂജകളും ഹോമങ്ങളും ഭക്തിനിര്‍ഭരമായ അന്തരീക്ഷത്തില്‍ നടന്നു. സെപ്റ്റംബര്‍ 14 തിങ്കളാഴ്ച നടന്ന ചടങ്ങുകളില്‍ നിരവധി ഭക്തര്‍ പങ്കെടുത്തു.
രാവിലെ ക്ഷേത്രം തുറന്നതിനെ തുടര്‍ന്ന് നിര്‍മാല്യ ദര്‍ശനം, അഭിഷേകം, മലര്‍ നിവേദ്യം, ഉഷഃപൂജ എന്നിവ നടന്നു. തുടര്‍ന്ന് സൂര്യ കാലടി മഹാഗണപതി ഹോമം ഭക്തിപൂര്‍വം നടത്തി. ക്ഷേത്രത്തിലെ ഗണപതി പ്രതിഷ്ഠ നടത്തിയ തന്ത്രി ബ്രഹ്‌മശ്രീ സൂര്യ കാലടി മന സൂര്യന്‍ ജയസൂര്യ ഭട്ടതിരിപ്പാടിന്റെ മുഖ്യ കാര്‍മികത്വത്തിലായിരുന്നു ചടങ്ങുകള്‍.
രാവിലെ 10 മണിക്ക് കലശപൂജയും 11 മണിക്ക് കലശാഭിഷേകവും നടന്നു. തുടര്‍ന്ന് ഉച്ചപൂജയ്ക്ക് ശേഷം ക്ഷേത്രം അടച്ചു.
വൈകുന്നേരം ക്ഷേത്രം വീണ്ടും തുറന്നതോടെ പ്രത്യേക ദീപാരാധന നടന്നു. തുടര്‍ന്ന് അത്താഴപൂജയും അപ്പം മൂടലും ഉള്‍പ്പെടെയുള്ള ചടങ്ങുകള്‍ക്ക് ശേഷം രാത്രി 9 മണിയോടെ ക്ഷേത്രം അടച്ചു.
More »
ലണ്ടന്‍ ഹാരോയില്‍ കൃപാസനം മരിയന്‍ ഉടമ്പടി ധ്യാനം ശനിയാഴ്ച്ച മുതല്‍
ലണ്ടന്‍ : പ്രമുഖ മരിയന്‍ ധ്യാന കേന്ദ്രവും, ആത്മീയ കൃപകള്‍ക്കും, നവീകരണത്തിനും, അനുഗ്രഹീത സന്നിധിയുമായ 'കൃപാസനം മരിയന്‍ സെന്റര്‍' ലണ്ടനില്‍ ത്രിദിന കൃപാസനം ധ്യാനം സംഘടിപ്പിക്കുന്നു. ലണ്ടനിലെ ഹാരോയില്‍, ബയറണ്‍ ഹാളില്‍ വെച്ച് ആഗസ്റ്റ് 29,30,31 തീയതികളിലായാണ് കൃപാസനം ഉടമ്പടി ധ്യാനം ക്രമീകരിച്ചിരിക്കുന്നത്.
കോഴിക്കോട് റോമന്‍ കത്തോലിക്കാ അതിരൂപതയുടെ മെട്രോപൊളിറ്റന്‍ ആര്‍ച്ച് ബിഷപ്പ് മാര്‍ വര്‍ഗീസ് ചക്കാലക്കല്‍, കൃപാസനം മരിയന്‍ റിട്രീറ്റ് സെന്ററിന്റെ സ്ഥാപകനും, ഡയറക്ടറുമായ റവ.ഡോ ജോസഫ് വലിയവീട്ടില്‍, കദോഷ് മരിയന്‍ മിനിസ്ട്രികളുടെ സ്പിരിച്ച്വല്‍ ഡയറക്ടറും, സെന്റ് ജോര്‍ജ്ജ് കത്തീഡ്രലിന്റെ സബ് ഡീനുമായ ഫാ. ജാക്സണ്‍ സെബാസ്റ്റ്യന്‍, കദോഷ് മരിയന്‍ മിനിസ്ട്രീസ് ചെയര്‍മാന്‍ ബ്രദര്‍ തോമസ് ജോര്‍ജ്ജ് എന്നിവരാവും കൃപാസനം ഉടമ്പടി ധ്യാനത്തിന് ലണ്ടനിലെ ഹാരോയില്‍ നേതൃത്വം വഹിക്കുക.
രാവിലെ എട്ടുമണിക്ക് ജപമാല
More »
ശ്രീകൃഷ്ണ ജയന്തി ആഘോഷങ്ങള്‍ 28ന്
മോഹന്‍ജി ഫൗണ്ടേഷനും, ലണ്ടന്‍ ശ്രീ ഗുരുവായൂരപ്പ സേവാ സംഘവും സംയുക്തമായി ശ്രീകൃഷ്ണ ജയന്തി ആഘോഷങ്ങള്‍ സംഘടിപ്പിക്കുന്നു. ഓഗസ്റ്റ് 28 ശനിയാഴ്ച വൈകുന്നേരം 6 മണി മുതല്‍ തോണ്ടന്‍ ഹീത്തിലുള്ള വെസ്റ്റ് തോണ്ടന്‍ കമ്മ്യൂണിറ്റി സെന്ററില്‍ വച്ചാണ് ചടങ്ങുകള്‍ സഘടിപ്പിച്ചിരിക്കുന്നത്. അന്നേ ദിവസം വൈകിട്ട് 6 മണി മുതല്‍ GSS ടീം അവതരിപ്പിക്കുന്ന നൃത്തം, നാരായണീയ പാരായണം, (സൗമ്യ ആനന്ത് ) രക്ഷാബന്ധന്‍, തുടര്‍ന്ന് ദീപാരാധനയും, ശേഷം അന്നദാനവും ഉണ്ടായിരിക്കുന്നതാണ്.
കൂടുതല്‍ വിവരങ്ങള്‍ക്ക് താഴെ കൊടുത്തിരിക്കുന്ന നമ്പറുകളില്‍ ബന്ധപ്പെടാവുന്നതാണ് .
സുരേഷ് ബാബു - 07828137478
അനൂപ് ശശി -07743024090
രമ രാജന്‍ - 07576492822
ശാലിനി രവി - 07529394745
More »
കെന്റ് അയ്യപ്പ ക്ഷേത്രത്തില്‍ ചിങ്ങ മാസ പൂജ ശനിയാഴ്ച
ഇംഗ്ലണ്ടിലെ കെന്റ് അയ്യപ്പ ക്ഷേത്രത്തില്‍ ചിങ്ങ മാസ പൂജ ഓഗസ്റ്റ് 22 ശനിയാഴ്ച നടക്കും. രാവിലെ 8 :30 ന് ഗണപതി ഹോമം, വൈകുന്നേരം 6 മുതല്‍ അഭിഷേകം, ധാര, ദീപാരാധന, വിളക്ക് പൂജ, ലളിത സഹസ്ര നാമ അര്‍ച്ചന, ഭജന, നീരാഞ്ജനം, പടിപൂജ, ഹരിവരാസനം എന്നിവ നടത്തപ്പെടുന്നതാണ്. വിളക്ക് പൂജയില്‍ പങ്കെടുക്കുന്ന ഭക്തര്‍ അതിനു ആവശ്യമായ പൂക്കളും, ഒരു നിലവിളക്കും, നീരാഞ്ചനത്തിന് ഒരു നാളികേരവും കൊണ്ട് വരേണ്ടതാണ്. പൂജകള്‍ക്ക് അഭിജിത്ത് പ്രധാന കാര്‍മികത്വവും വെള്ളിയോട്ടില്ലം അദ്രിത് വാസുദേവ് സഹ കര്‍മികത്വവും വഹിക്കും.
അമ്പലത്തിന്റെ വിലാസം
KENT AYYAPPA TEMPLE
1 Northgate, Rochester ME1 1LS
കൂടുതല്‍ വിവരങ്ങള്‍ക്ക് ബന്ധപെടുക
07838170203, 07985245890, 07507766652, 07906130390,
07973 151975
More »
മലങ്കരയുടെ വിശ്വാസപൈതൃകവുമായി വാല്‍സിംഗ്ഹാമിലേക്ക്; മഹാതീര്‍ത്ഥാടനം 29ന്
വാല്‍സിംഗ്ഹാം : മലങ്കരയുടെ വിശ്വാസപൈതൃകവും അന്ത്യോഖ്യന്‍ ആരാധനാപാരമ്പര്യത്തിന്റെ ആത്മീയചൈതന്യവുമായി മലങ്കര സുറിയാനി കത്തോലിക്കാ സഭയുടെ യുകെ റീജിയന്‍ സംഘടിപ്പിക്കുന്ന വാര്‍ഷിക വാല്‍സിംഗ്ഹാം മരിയന്‍ മഹാതീര്‍ത്ഥാടനം ഈമാസം 29ന് നടക്കും. ഇംഗ്ലണ്ടിലെ പ്രമുഖ മരിയന്‍ തീര്‍ഥാടന കേന്ദ്രമായ റോമന്‍ കാത്തലിക് നാഷനല്‍ ഷ്രൈന്‍ ഓഫ് ഔര്‍ ലേഡി ഓഫ് വാല്‍സിംഗ്ഹാമാണ് വേദി.
'Mary, Cause of Our Joy' എന്ന ആപ്തവാക്യത്തില്‍ നടക്കുന്ന തീര്‍ഥാടനം പരിശുദ്ധ ദൈവമാതാവിനോടുള്ള മലങ്കര സഭയുടെ ആഴമേറിയ ഭക്തിയുടെയും പ്രവാസഭൂമിയിലെ വിശ്വാസകൂട്ടായ്മയുടെയും സാക്ഷ്യമായി മാറും.
യുകെയുടെ വിവിധ ഭാഗങ്ങളിലായി പ്രവര്‍ത്തിക്കുന്ന 25 ഓളം മലങ്കര കത്തോലിക്കാ മിഷനുകളില്‍നിന്ന് വൈദികരും കുടുംബങ്ങളും യുവജനങ്ങളും കുട്ടികളുമുള്‍പ്പെടെ നൂറുകണക്കിന് വിശ്വാസികള്‍ വാല്‍സിംഗ്ഹാമിലെ പുണ്യഭൂമിയിലേക്ക് എത്തുമെന്നാണ് പ്രതീക്ഷ.
രാവിലെ 10.30ന് പ്രാരംഭ
More »
|
| |
|
|
|
