നാട്ടുവാര്‍ത്തകള്‍

ബിബിസി ചര്‍ച്ചയില്‍ പ്രധാനമന്ത്രിയുടെ അമ്മയ്‌ക്കെതിരെ അധിക്ഷേപം; വിവാദം

ന്യൂഡല്‍ഹി : പ്രധാനമന്ത്രി നരേന്ദ്ര മോദിയുടെ അമ്മ ഹീരാബെന്‍ മോദിക്കെതിരെ ബിബിസി ചാനല്‍ ചര്‍ച്ചയില്‍ അധിക്ഷേപം. സംഭവം വിവാദമായതോടെ ചാനല്‍ ബഹിഷ്‌കരിക്കാന്‍ ട്വിറ്ററില്‍ ഇന്ത്യക്കാരുടെ 'ബോയ്‌ക്കോട്ട് ബിബിസി' ഹാഷ് ടാഗ് വൈറലായി. ബിബിസി ഏഷ്യന്‍ നെറ്റ് വര്‍ക്കിന്റെ ബിഗ് ഡിബേറ്റ് റേഡിയോ ഷോയിലേക്ക് വിളിച്ച ശ്രോതാവാണ് പ്രധാനമന്ത്രിയുടെ അമ്മ ഹീരാബെന്‍ മോദിക്കെതിരെ അധിക്ഷേപ വാക്കുകള്‍ ചൊരിഞ്ഞത്.

യുകെയിലെ സിഖ്കാര്‍ക്കും ഇന്ത്യക്കാര്‍ക്കുമെതിരായ വംശീയ അധിക്ഷേപങ്ങളെക്കുറിച്ചുള്ള ചര്‍ച്ച , മോദി സര്‍ക്കാരിന്റെ കര്‍ഷകബില്ലുകള്‍ക്കെതിരെ രാജ്യത്ത് നടക്കുന്ന പ്രതിഷേധങ്ങള്‍ എന്ന വിഷയത്തിലെത്തി. അതിനിടയിലാണ് ഷോയിലേക്ക് വിളിച്ച ഒരാള്‍ പ്രധാനമന്ത്രിയുടെ അമ്മയ്‌ക്കെതിരെ നിന്ദ്യമായ വാക്കുകള്‍ പറഞ്ഞത്. ഇതിനെ എതിര്‍ക്കാത്തതും , സംപ്രേക്ഷണം ചെയ്യാന്‍ അനുവദിച്ചതിനെതിരെയും നിരവധിപേര്‍ റേഡിയോ ഷോ അവതാരകനെയും ബിബിസി റേഡിയോയ്‌ക്കെതിരെയും വിമര്‍ശനവുമായി രംഗത്തെത്തി. പിന്നാലെ 'ബോയ്‌ക്കോട്ട് ബിബിസി' എന്ന ഹാഷ് ടാഗ് ചാനലിനെതിരെ ട്വിറ്ററില്‍ പ്രചരിപ്പിക്കുകയും ചെയ്തു. പരിപാടിയുടെ വിവാദ എപ്പിസോഡ് സമൂഹ മാധ്യമങ്ങളില്‍ പ്രചരിക്കുന്നുണ്ട്.

യുകെ ഉള്‍പ്പെടെയുള്ള രാജ്യങ്ങളില്‍ കാര്‍ഷക പ്രതിഷേധങ്ങളുടെ ചര്‍ച്ചകള്‍ നടക്കുന്നുണ്ട്. ഡല്‍ഹി അതിര്‍ത്തിയില്‍ കര്‍ഷകബില്ലിനെതിരെ പഞ്ചാബ്, ഹരിയാന, പടിഞ്ഞാറന്‍ യു പി എന്നിവിടങ്ങളില്‍ നിന്നുള്ള ആയിരക്കണക്കിന് കര്‍ഷകരുടെ സമരം 100 ദിവസത്തിലേക്ക് അടുക്കുകയാണ്. റോഡ് ഉപരോധം, ട്രാക്ടര്‍ റാലി എന്നിവയ്ക്ക പുറമെ സമരത്തിന്റെ 85 ാം ദിവസം കര്‍ഷകര്‍ രാജ്യവ്യാപകമായി ട്രെയിന്‍ തടയല്‍ നടത്തിയിരുന്നു. തങ്ങളുടെ ആവശ്യം അംഗികരിക്കാതെ സമരത്തില്‍ നിന്ന പിന്‍ങ്ങില്ലായെന്നാണ് സമരസമിതിയുടെ നിലപാട്.

  • രണ്ടാം പിണറായി സര്‍ക്കാറിന്റെ സത്യപ്രതിജ്ഞ വെര്‍ച്വലായി നടത്തണമെന്ന് ഐഎംഎ
  • മലപ്പുറത്ത് കോവിഡ് രോഗിയെ ആംബുലന്‍സില്‍ പീഡിപ്പിക്കാന്‍ ശ്രമം; അറ്റന്‍ഡര്‍ അറസ്റ്റില്‍
  • രാജ്യത്ത് ഇന്നലെയും മൂന്ന് ലക്ഷത്തിന് മുകളില്‍ രോഗികള്‍; 3890 മരണം
  • സൗമ്യയുടെ മൃതദേഹം ഡല്‍ഹിയിലെത്തിച്ചു; വൈകിട്ട് കൊച്ചിയില്‍
  • ചികിത്സയിലിരുന്ന കോവിഡ് രോഗിയെ നഴ്‌സ് ബലാത്‌സംഗം ചെയ്‌തു; ​രോഗി മരിച്ചു
  • അഭയ കേസ് പ്രതികള്‍ക്ക് പരോള്‍; നിയമവ്യവസ്ഥയോടും ജനങ്ങളോടുമുള്ള വെല്ലുവിളിയെന്ന് ജോമോന്‍ പുത്തന്‍പുരയ്ക്കല്‍
  • 24 മണിക്കൂറിനിടെ രാജ്യത്ത് കോവിഡ് സ്ഥിരീകരിച്ചത് 3,43,144 പേര്‍ക്ക്; 4,000 പേര്‍ മരിച്ചു
  • നടന്‍ രാജന്‍ പി ദേവിന്റെ മകന്റെ ഭാര്യയുടെ മരണത്തില്‍ ദുരൂഹത; പരാതിയുമായി കുടുംബം
  • ഇന്ത്യയിലെ കോവിഡ് വ്യാപനത്തിന് കാരണം രാഷ്ട്രീയ- മതപരിപാടികള്‍: ലോകാരോഗ്യ സംഘടന
  • ചികിത്സ കിട്ടുന്നില്ലെന്ന് പരാതി പറഞ്ഞ കോവിഡ് രോഗി തൃശൂര്‍ മെഡിക്കല്‍ കോളേജില്‍ മരണമടഞ്ഞു
  •  
        © 2020 ukmalayalamnews.com All rights reserved. Powered by Phoenix Infoway