ആരോഗ്യം

ഓക്‌സ്‌ഫോര്‍ഡ് വാക്‌സിനെ ഭയക്കേണ്ട- യുകെ മെഡിസിന്‍സ് റെഗുലേറ്റര്‍

ലണ്ടന്‍ : ഓക്സ്ഫോര്‍ഡ്-അസ്ട്രാസെനകയുടെ കോവിഡ് 19 വാക്സിന്‍ രക്തം കട്ട പിടിക്കാനിടയാക്കുമെന്ന പ്രചാരണത്തിന് തെളിവുകളൊന്നുമില്ലെന്ന് യുകെ മെഡിസിന്‍സ് റെഗുലേറ്ററായ ദി മെഡിസിന്‍സ് ആന്‍ഡ് ഹെല്‍ത്ത് കെയര്‍ പ്രൊഡക്ട്സ് റെഗുലേറ്ററി ഏജന്‍സി (എംഎച്ച്ആര്‍എ). ഗുരുതരമായ രീതിയില്‍ രക്തം കട്ട പിടിക്കുന്നതിന് ഈ വാക്സിന്‍ കാരണമാകുന്നുവെന്ന ആശങ്ക കാരണം നിരവധി യൂറോപ്യന്‍ രാജ്യങ്ങള്‍ ഈ വാക്സിന്‍ നല്‍കുന്നത് നിര്‍ത്തി വച്ചിരുന്നു. മാത്രമല്ല ഈ വാര്‍ത്ത വാക്സിനായി കാത്തിരിക്കുന്ന യുകെയിലെ മലയാളികളെയും ആശങ്കപ്പെടുത്തിയിരുന്നു

എന്നാല്‍ വാക്സിന്‍ നല്‍കുന്നത് നിര്‍ത്തി വയ്ക്കാന്‍ കാരണമൊന്നും കണ്ടെത്താന്‍ സാധിച്ചിട്ടില്ലെന്നാണ് ലോകാരോഗ്യ സംഘടന പറയുന്നത്. ഡെന്‍മാര്‍ക്കിലും നോര്‍വേയിലും ഈ വാക്സിന്‍ നല്‍കിയതിനെ തുടര്‍ന്ന് നിരവധി പേര്‍ക്ക് രക്തം കട്ട പിടിച്ചതടക്കമുള്ള പാര്‍ശ്വഫലങ്ങള്‍ പ്രശ്നം റിപ്പോര്‍ട്ട് ചെയ്തതിനെ തുടര്‍ന്ന് മുന്‍കരുതെന്ന നിലയിലാണ് ഈ വാക്സിന്‍ നല്‍കുന്നത് നിര്‍ത്തി വച്ചിരിക്കുന്നതെന്നാണ് നെതര്‍ലാന്‍ഡ്സ് ഒഫീഷ്യലുകള്‍ വിശദീകരണം നല്‍കിയിരിക്കുന്നത്.

എന്നാല്‍ തങ്ങളുടെ വാക്സിന് ഈ വക പാര്‍ശ്വഫലങ്ങളുണ്ടെന്നതിന് തെളിവുകളൊന്നും ലഭിച്ചിട്ടില്ലെന്നാണ് നിര്‍മാതാക്കളായ അസ്ട്രാസെനക പറയുന്നത്. ഈ വാക്സിന്‍ സ്വീകരിക്കാന്‍ ജനം ഭയക്കേണ്ടതില്ലെന്നും അതിനാല്‍ ഓരോരുത്തരുടെയും സമയം ആകുമ്പോള്‍ ഇത് സ്വീകരിക്കേണ്ടതാണെന്നുമാണ് എംഎച്ച്ആര്‍എയിലെ വാക്സിന്‍ സേഫ്റ്റി ലീഡായ ഡോ.ഫില്‍ ബ്രിയാന്‍ പറയുന്നത്. ഈ വാക്സിന്‍ നല്‍കിയ ഭൂരിഭാഗം പേര്‍ക്കും പ്രശ്നങ്ങളൊന്നുമില്ലെന്നും ചിലര്‍ക്ക് വാക്സിനെടുത്താല്‍ രക്തം കട്ട പിടിക്കുന്നത് സ്വാഭാവികമാണെന്നും ഇതില്‍ ആപത് സാധ്യതയൊന്നുമില്ലെന്നും ഇത് സംബന്ധിച്ച റിപ്പോര്‍ട്ടുകളെ സൂക്ഷ്മമായി അവലോകനം ചെയ്ത് വരുകയാണെന്നുമാണ് ബ്രിയാന്‍ പറയുന്നത്.

യുകെയിലും, യൂറോപ്യന്‍ യൂണിയനിലും 17 മില്ല്യണ്‍ പേര്‍ക്ക് വാക്‌സിനേഷന്‍ നല്‍കിയതിന്റെ തെളിവുകള്‍ ഉയര്‍ന്ന തോതില്‍ ബ്ലഡ് ക്ലോട്ട് സൃഷ്ടിക്കുന്നില്ലെന്ന് വ്യക്തമാക്കുന്നു. നൂറില്‍ താഴെ ആളുകളിലാണ് ബ്ലഡ് ക്ലോട്ടുകള്‍ റിപ്പോര്‍ട്ട് ചെയ്തിട്ടുള്ളതെന്ന് അസ്ട്രാസെനെക ചീഫ് മെഡിക്കല്‍ ഓഫീസര്‍ ആന്‍ ടെയ്‌ലര്‍ പറഞ്ഞു.അയര്‍ലണ്ട്, ഡെന്‍മാര്‍ക്ക്, ഐസ്‌ലാന്‍ഡ്, നോര്‍വേ എന്നീ രാജ്യങ്ങളാണ് നേരത്തെ വാക്‌സിന്‍ നിര്‍ത്തിവെച്ചത്. ഇറ്റലിയും, ഓസ്ട്രിയയും ഒരു പ്രത്യേക ബാച്ചിന്റെ ഉപയോഗമാണ് നിര്‍ത്തിയത്.

  • കുട്ടികള്‍ വീണ്ടും ഓഫ്‌ലൈനിലേക്ക്, കണ്ണുകളുടെ ആരോഗ്യം ഉറപ്പാക്കണം
  • പൊണ്ണത്തടി കുറയ്ക്കണോ? രാവിലെ 11 മണി വരെ പ്രഭാതഭക്ഷണം കഴിക്കരുത്!
  • പ്രതീക്ഷയായി പുതിയ കാന്‍സര്‍ മരുന്ന്: പരീക്ഷിച്ചവര്‍ക്കെല്ലാം രോഗ മുക്തി
  • സ്ത്രീകള്‍ രാവിലെയും പുരുഷന്മാര്‍ രാത്രിയിലും വ്യായാമം ചെയ്യുന്നതാണ് ഉത്തമമെന്ന് പഠനം
  • സ്‌മാര്‍ട്ട്‌ഫോണ്‍ ഉപയോഗം ദിവസം ഒരു മണിക്കൂര്‍ കുറയ്ക്കുന്നത് ഉത്കണ്ഠ മാറ്റും, ജീവിതത്തില്‍ സംതൃപ്തി കൂടും!
  • ഒമിക്രോണിന്റെ പുതിയ വകഭേദം അതിവേഗം പടരുന്നു, 57 രാജ്യങ്ങളില്‍ സ്ഥിരീകരിച്ചു
  • ജീവന്‍രക്ഷാ സ്കാനുകള്‍ക്കായി രണ്ട് വര്‍ഷമായി കാത്തിരിക്കുന്ന ആയിരക്കണക്കിന് ഹൃദ്രോഗികള്‍ മരിക്കാനിടയുണ്ടെന്നു മുന്നറിയിപ്പ്
  • രാത്രി 10 നും 11 നും ഇടയില്‍ ഉറങ്ങാന്‍ കിടക്കുന്നത് ഏറ്റവും ഉത്തമം; ഹൃദ്രോഗ സാധ്യത 25% വരെ കുറയ്ക്കുമെന്ന് പഠനം
  • 2030 ഓടെ ബ്രിട്ടനില്‍ പത്തില്‍ ഒരാള്‍ പ്രമേഹ രോഗി: പൊണ്ണത്തടി രോഗത്തിന്റെ എണ്ണം ഇരട്ടിയാക്കുന്നു
  • രണ്ടാം തരംഗം യുവാക്കളെ ആക്രമിച്ചപ്പോള്‍ മൂന്നാം തരംഗം കുട്ടികളെ; മുന്നറിയിപ്പുമായി ലോകാരോഗ്യ സംഘടന
  •  
        © 2022 ukmalayalamnews.com All rights reserved. Powered by PI Digi-Logical Solutions