വിദേശം

ബില്‍ ഗേറ്റ്‌സും ഭാര്യയും വേര്‍പിരിയുന്നു; വമ്പന്‍ സെറ്റില്‍മെന്റ്


ലോകത്തെ ഏറ്റവും വമ്പന്‍ വിവാഹ മോചനകേസുമായി ബില്‍ ഗേറ്റ്‌സ്. 27 വര്‍ഷത്തെ ദാമ്പത്യം അവസാനിപ്പിച്ചു ബില്‍ ഗേറ്റ്‌സും മെലിന്‍ഡയും വേര്‍പിരിയുകയാണ്. ലോകത്തിലെ നാലാമത്തെ ധനികനും മൈക്രോസോഫ്റ്റ് സ്ഥാപകനായ ബില്‍ ഗേറ്റ്‌സില്‍ നിന്നും വിവാഹമോചനം തേടി ഭാര്യ മെലിന്‍ഡ ഗേറ്റ്‌സ് ആണ് രംഗത്തെത്തിയത്.

27 വര്‍ഷക്കാലത്തെ ദാമ്പത്യബന്ധം അവസാനിക്കുകയാണെന്ന് 65-കാരന്‍ ബില്‍ ഗേറ്റ്‌സും, 56-കാരി മെലിന്‍ഡയും ട്വിറ്ററിലൂടെ പ്രഖ്യാപിച്ചു. അഞ്ച് സ്റ്റേറുകളിലായുള്ള പ്രോപ്പര്‍ട്ടികള്‍, ഒരു സ്വകാര്യ ജെറ്റ്, വമ്പന്‍ ആര്‍ട്ട് കളക്ഷന്‍, ആഡംബര കാറുകളുടെ ശ്രേണി എന്നിങ്ങനെയുള്ള സമ്പത്തുകള്‍ പങ്കുവെയ്ക്കാനുള്ള എഗ്രിമെന്റില്‍ ഒപ്പിടാത്തതിനാല്‍ പോരാട്ടം കോടതിയില്‍ എത്തും. മെലിന്‍ഡയാണ് വിവാഹമോചനം തേടി കോടതിയെ സമീപിച്ചത്. ദമ്പതികളുടെ മൂത്ത മകള്‍ കുടുംബം വെല്ലുവിളി നിറഞ്ഞ സമയം നേരിടുന്നതായി വെളിപ്പെടുത്തിയതോടെയാണ് വാര്‍ത്ത പുറത്തുവന്നത്.

സ്വന്തം വികാരങ്ങളെ പിന്തുണയ്ക്കുന്നതോടൊപ്പം കുടുംബാംഗങ്ങളെയും പിന്തുണയ്ക്കാനുള്ള ശ്രമത്തിലാണെന്ന് 25-കാരി ജെന്നിഫര്‍ ഗേറ്റ്‌സ് ഇന്‍സ്റ്റാഗ്രാമില്‍ കുറിച്ചു. ജെന്നിഫറിനെ കൂടാതെ 21-കാരന്‍ റോറി, 18-കാരി ഫോബെ എന്നിവരും ദമ്പതികളുടെ മക്കളാണ്. വളരെയേറെ ചിന്തകള്‍ക്കും, പ്രവൃത്തികള്‍ക്കും ഒടുവിലാണ് വിവാഹബന്ധം അവസാനിപ്പിക്കാനുള്ള തീരുമാനം കൈക്കൊണ്ടതെന്ന് ബില്ലും, മെലിന്‍ഡയും സംയുക്ത പ്രഖ്യാപനത്തില്‍ അറിയിച്ചു. '27 വര്‍ഷക്കാലം മൂന്ന് മികച്ച കുട്ടികളെ വളര്‍ത്തിയതിനൊപ്പം, ലോകമെമ്പാടും വളരുന്ന, ആളുകളുടെ ജീവിതം മെച്ചപ്പെടുത്തുന്ന ഫൗണ്ടേഷനും വളര്‍ത്തി. ഇതില്‍ ഒരുമിച്ച് തന്നെ മുന്നോട്ട് നീങ്ങുമെങ്കിലും ജീവിതത്തിന്റെ അടുത്ത ഘട്ടത്തില്‍ ദമ്പതികളായി ഇനി വളരാന്‍ കഴിയില്ലെന്നാണ് തോന്നുന്നത്', ദമ്പതികള്‍ വിശദമാക്കി,

1990കളുടെ ആദ്യ ഘട്ടത്തിലാണ് കോടീശ്വരനായ ബില്‍ മെലിന്‍ഡയെ വിവാഹം ചെയ്യുന്നത്. 1975ല്‍ മൈക്രോസോഫ്റ്റ് സ്ഥാപിച്ച ബില്‍ 1987-ല്‍ 31-ാം വയസ്സില്‍ ലോകത്തിലെ ഏറ്റവും പ്രായം കുറഞ്ഞ കോടീശ്വരനായി. സിഇഒ ആയി ബില്‍ സേവനം നല്‍കിയ കമ്പനിയില്‍ ജോലി ചെയ്യാനെത്തിയ മെലിന്‍ഡയെ കണ്ടുമുട്ടി ആറ് വര്‍ഷത്തിന് ശേഷമായിരുന്നു വിവാഹം.


  • ഓസ്‌ട്രേലിയയിലേക്കുള്ള ആദ്യ വിമാനത്തിലെ പകുതിയോളം പേര്‍ക്ക് കൊറോണ
  • വാക്‌സിനേഷന്‍ പൂര്‍ത്തിയായവര്‍ക്ക് ഇനി മാസ്‌ക് ഒഴിവാക്കാം; ബൈഡന്‍
  • സൗമ്യയുടെ മൃതദേഹം ഇന്ത്യന്‍ എംബസി ഏറ്റുവാങ്ങി; ഇസ്രായേലിലുള്ള ഇന്ത്യക്കാര്‍ക്കായി ഹെല്‍പ് ലൈന്‍
  • ഇന്ത്യന്‍ വകഭേദം 44 രാജ്യങ്ങളില്‍; ഏറ്റവും അധികം യുകെയിലെന്ന് ലോകാരോഗ്യ സംഘടന
  • ഹമാസിന്റെ റോക്കറ്റ് ആക്രമണത്തില്‍ ഇടുക്കി സ്വദേശിനിയുടെ മരണം; ഇസ്രായേലിലെ മലയാളി നഴ്‌സുമാര്‍ കടുത്ത ആശങ്കയില്‍
  • പിറന്നാള്‍ പാര്‍ട്ടിക്കിടെ കാമുകിയടക്കം ആറു പേരെ കൊന്ന് യുവാവ് ജീവനൊടുക്കി
  • ബില്‍-മെലിന്‍ഡ ദാമ്പത്യം 2 വര്‍ഷം മുമ്പേ തകര്‍ന്നിരുന്നു! വില്ലനായത് ജെഫ്രി എപ്‌സ്റ്റീന്‍
  • ഇന്ത്യയിലെ വൈറസിനു അതിതീവ്ര വ്യാപനശേഷി; വാക്‌സിന്‍ സുരക്ഷയേയും മറികടന്നേക്കുമെന്ന് ഡബ്ല്യുഎച്ച്ഒ
  • വാക്‌സിന്‍ പേറ്റന്റ് ഉപേക്ഷിക്കല്‍: അമേരിക്കക്ക് യൂറോപ്യന്‍ യൂണിയന്‍ പിന്തുണ
  • കോവിഡിന്റെ ഇന്ത്യന്‍ വകഭേദം സിഡ്‌നിയില്‍; നിയന്ത്രണങ്ങള്‍ കടുപ്പിച്ചു ഓസ്‌ട്രേലിയ
  •  
        © 2020 ukmalayalamnews.com All rights reserved. Powered by Phoenix Infoway