ആരോഗ്യം

രണ്ടാം തരംഗം യുവാക്കളെ ആക്രമിച്ചപ്പോള്‍ മൂന്നാം തരംഗം കുട്ടികളെ; മുന്നറിയിപ്പുമായി ലോകാരോഗ്യ സംഘടന

കോവിഡ് രണ്ടാം തരംഗം യുവാക്കളെ കൂടുതലായി ആക്രമിച്ചപ്പോള്‍ മൂന്നാം തരംഗം ഇന്ത്യയിലെ കുട്ടികളെയാകും ബാധിക്കുക എന്ന നിരീക്ഷണവുമായി ലോകാരോഗ്യ സംഘടനയിലെ മുഖ്യ ശാസ്ത്രജ്ഞയായ ഡോ. സൗമ്യ സ്വാമിനാഥന്‍. കുട്ടികളെ രൂക്ഷമായി ബാധിക്കുന്ന മൂന്നാം തരംഗത്തെ പ്രതിരോധിക്കുന്നതിനായി ഇന്ത്യന്‍ നിര്‍മ്മിത 'നേസല്‍ കൊവിഡ് വാക്‌സിന്‍' ഫലപ്രദമായിരിക്കുമെന്നും സൗമ്യ സ്വാമിനാഥന്‍ നിരീക്ഷിച്ചു.

കുത്തിവെയ്പ്പില്ലാതെ മൂക്കിലൂടെ സ്വീകരിക്കാനാകുന്ന ഈ വാക്‌സിന്‍ ഈ വര്‍ഷം ലഭ്യമാവില്ലെങ്കിലും കുട്ടികളിലെ രോഗബാധയെ പ്രതിരോധിക്കുന്നതിന് ഇത് ഏറെ ഗുണം ചെയ്യുമെന്ന് ശിശുരോഗ വിദഗ്ധകൂടിയായ സൗമ്യ വ്യക്തമാക്കി. ഇന്ത്യയില്‍ നിര്‍മ്മിക്കാന്‍ പോകുന്ന നേസല്‍ വാക്‌സിനുകള്‍ കുട്ടികളിലെ പ്രതിരോധശേഷി വര്‍ദ്ധിപ്പിക്കും. ഇവ ശ്വാസകോശ നാളികള്‍ക്ക് പ്രതിരോധം നല്‍കും. മുതിര്‍ന്നവര്‍ക്ക്, പ്രത്യേകിച്ച് അധ്യാപകര്‍ക്ക് വാക്‌സിന്‍ നല്‍കേണ്ടത് അത്യാവശ്യമാണെന്നും അവര്‍ വ്യക്തമാക്കി.

അധ്യാപകര്‍ക്ക് വാക്‌സിനേഷന്‍ നല്‍കിയാല്‍, അതൊരു വലിയ ചുവടുവെപ്പായിരിക്കും. നേസല്‍ വാക്‌സിന്‍ കുത്തിവെപ്പിനെക്കാള്‍ എളുപ്പമാര്‍ഗമായതിനാല്‍ അത് വിപണിയില്‍ എത്തിയാല്‍ ജനപ്രിയമായി തീരും എന്നതില്‍ സംശയമില്ലെന്നും സൗമ്യ നിരീക്ഷിക്കുന്നു.

കോവിഡ് വ്യാപന സാധ്യത കുറഞ്ഞെങ്കില്‍ മാത്രമേ സ്‌കൂളുകള്‍ വീണ്ടും തുറക്കാനാവൂ. അതുകൊണ്ട് കുട്ടികള്‍ക്ക് വാക്‌സിന്‍ നല്‍കും. എന്നാല്‍ ഈ വര്‍ഷം അത് നടപ്പിലാകും എന്ന് കരുതുന്നില്ല, കമ്മ്യൂണിറ്റി ട്രാന്‍സ്മിഷന്‍ കുറയുമ്പോള്‍ സ്‌കൂളുകള്‍ തുറക്കണം. ബാക്കി രാജ്യങ്ങള്‍ അതാണ് ചെയ്തത്- അവര്‍ പറഞ്ഞു.

ഒക്ടോബറോടെ ഇന്ത്യയില്‍ മൂന്നാമ തരംഗത്തിന് സാധ്യതയുണ്ടെന്നു ശാസ്ത്രജ്ഞര്‍ നേരത്തെ പറഞ്ഞിരുന്നു. ഇന്ത്യയില്‍ വകഭേദം സംഭവിച്ച രണ്ടാം തരംഗത്തില്‍ 50 വയസില്‍ താഴെയുള്ളവര്‍ കൂടുതലായി മരണമടഞ്ഞിരുന്നു.

  • കുട്ടികള്‍ വീണ്ടും ഓഫ്‌ലൈനിലേക്ക്, കണ്ണുകളുടെ ആരോഗ്യം ഉറപ്പാക്കണം
  • പൊണ്ണത്തടി കുറയ്ക്കണോ? രാവിലെ 11 മണി വരെ പ്രഭാതഭക്ഷണം കഴിക്കരുത്!
  • പ്രതീക്ഷയായി പുതിയ കാന്‍സര്‍ മരുന്ന്: പരീക്ഷിച്ചവര്‍ക്കെല്ലാം രോഗ മുക്തി
  • സ്ത്രീകള്‍ രാവിലെയും പുരുഷന്മാര്‍ രാത്രിയിലും വ്യായാമം ചെയ്യുന്നതാണ് ഉത്തമമെന്ന് പഠനം
  • സ്‌മാര്‍ട്ട്‌ഫോണ്‍ ഉപയോഗം ദിവസം ഒരു മണിക്കൂര്‍ കുറയ്ക്കുന്നത് ഉത്കണ്ഠ മാറ്റും, ജീവിതത്തില്‍ സംതൃപ്തി കൂടും!
  • ഒമിക്രോണിന്റെ പുതിയ വകഭേദം അതിവേഗം പടരുന്നു, 57 രാജ്യങ്ങളില്‍ സ്ഥിരീകരിച്ചു
  • ജീവന്‍രക്ഷാ സ്കാനുകള്‍ക്കായി രണ്ട് വര്‍ഷമായി കാത്തിരിക്കുന്ന ആയിരക്കണക്കിന് ഹൃദ്രോഗികള്‍ മരിക്കാനിടയുണ്ടെന്നു മുന്നറിയിപ്പ്
  • രാത്രി 10 നും 11 നും ഇടയില്‍ ഉറങ്ങാന്‍ കിടക്കുന്നത് ഏറ്റവും ഉത്തമം; ഹൃദ്രോഗ സാധ്യത 25% വരെ കുറയ്ക്കുമെന്ന് പഠനം
  • 2030 ഓടെ ബ്രിട്ടനില്‍ പത്തില്‍ ഒരാള്‍ പ്രമേഹ രോഗി: പൊണ്ണത്തടി രോഗത്തിന്റെ എണ്ണം ഇരട്ടിയാക്കുന്നു
  • ഓക്‌സ്‌ഫോര്‍ഡ് വാക്‌സിനെ ഭയക്കേണ്ട- യുകെ മെഡിസിന്‍സ് റെഗുലേറ്റര്‍
  •  
        © 2022 ukmalayalamnews.com All rights reserved. Powered by PI Digi-Logical Solutions