വിദേശം

കേരളത്തിന്റെ നാടന്‍ വാറ്റ് കാനഡയില്‍ അവതരിപ്പിച്ച് മലയാളികള്‍; വന്‍ ഡിമാന്റ്

കേരളത്തില്‍ വാറ്റ് നിയമവിരുദ്ധവും ശിക്ഷാര്‍ഹവുമാണ്. വീടുകളില്‍ കലര്‍പ്പില്ലാത്ത വസ്തുക്കള്‍ ഉപയോഗിച്ച് വാറ്റിയാലും പിടിവീഴും . എന്നാല്‍ കേരളത്തില്‍ നിയമ വിരുദ്ധമായിട്ടുള്ള സ്വയംഭന്‍ നാടന്‍ വാറ്റ് കാനഡയില്‍ നിര്‍മ്മിച്ച് പുതിയ പേരില്‍ അവതരിപ്പിച്ചപ്പോള്‍ അത് മലയാളികളുടെ ചര്‍ച്ചാവിഷയമായി മാറിയിരിക്കുകയാണ്. കേരളത്തിലെ നാടന്‍ വാറ്റിന് മന്ദാകിനി-മലബാര്‍ വാറ്റ് എന്ന പേരാണ് കാനഡയില്‍ നല്‍കിയിരിക്കുന്നത്. സാമൂഹിക മാധ്യമങ്ങളാണ് മന്ദാകിനിയെ ഏറ്റെടുത്തത്. ഇതോടെ കാനഡയിലെ മലയാളി മദ്യപരെല്ലാം മന്ദാകിനിക്ക് പുറകെയായി.

ടൊറന്റോയില്‍ നിന്ന് മുപ്പതോളം കിലോമീറ്റര്‍ അകലെ വോണിലെ ഒരു ഡിസ്റ്റിലറിയില്‍ മാത്രമാണ് ഇപ്പോള്‍ ഇത് ലഭ്യം. 40 കനേഡിയന്‍ ഡോളറാണ് (2300രൂപ) മദ്യത്തിന്റെ വില. കാനഡയില്‍ സ്ഥിരതാമസമാക്കിയ കോതമംഗലം സ്വദേശികളായ സഹോദരന്മാരും മൂവാറ്റുപുഴക്കാരനായ ഇവരുടെ സുഹൃത്തുമാണ് ആശയത്തിന് പിന്നില്‍. കാനഡയിലെ ലണ്ടന്‍ ഒന്റാരിയോയിലാണ് ഇവര്‍.

കരിമ്പില്‍ നിന്നുള്ള ശര്‍ക്കരയാണ് പരമ്പരാഗതമായി വാറ്റിന്റെ അടിസ്ഥാന ചേരുവ. മന്ദാകിനിയും ഇതേ ചേരുവ ഉപയോഗിച്ചു വാറ്റിയാണ് വിപണനം ചെയ്യുന്നത്. ഒറിയാന്റോ പ്രവിശ്യയില്‍ സര്‍ക്കാര്‍ അനുമതി മദ്യനിര്‍മ്മാണത്തിന് ലഭിച്ചതോടെ മന്ദാകിനി-മലബാര്‍ വാറ്റ് വിപണിയിലിറക്കി. വോണിലെ ലാസ്റ്റ് സ്ട്രോ ഡിസ്റ്റിലറിയിലെ ഡോണ്‍ ഡിമോന്റെയുടെ കരവിരുതിലാണ് മന്ദാകിനി വാറ്റിയെടുക്കുന്നത്.

നിലവില്‍ ഡോണ്‍, ഡിമോന്റെയുടെ വോണിലുള്ള ഡിസ്റ്റലറിയില്‍ മാത്രമാണ് മന്ദാകിനി ലഭ്യമാകൂ. എന്നാല്‍ രാജ്യാന്തര വിപണിതന്നെയാണ് ഇവരുടെ ലക്ഷ്യം. വോണ്‍ നഗരത്തിലും പരിസരങ്ങളിലും ഊബറിലും സാധനം എത്തും. കാനഡയില്‍ എവിടെനിന്നും ഓണ്‍ലൈനില്‍ ബുക്ക് ചെയ്തും വരുത്തിക്കാം. കുപ്പിയില്‍ നാടന്‍ വാറ്റ് എന്നതിനുപുറമെ ദേശി ദാരൂ, നാട്ട് ചരക്ക്, നാടന്‍ വാറ്റ്, നാട്ടു സാര എന്നിങ്ങനെ മലയാളത്തിലും ഹിന്ദിയിലും പഞ്ചാബിയിലും തമിഴിലും തെലുങ്കിലുമെല്ലാം എന്ത് തരം മദ്യമാണ് എന്ന് എഴുതിയിട്ടുണ്ട്. 46 ശതമാനമാണ് മന്ദാകിനിയില്‍ ആല്‍ക്കഹോളിന്റെ അളവ്.

പ്രശസ്തമായ നദിയുടെ പേരായ മന്ദാകിനിയുടെ അര്‍ത്ഥം 'ശാന്തമായി ഒഴുകുന്നവള്‍' എന്നാണ്. 1985ലിറങ്ങിയ ഹിന്ദി ചിത്രം 'രാം തേരി ഗംഗാ മെയ്‌ലി' ഫെയിം നടി മന്ദാകിനിയും 'മറിയം വന്ന് വിളക്കൂതി' എന്ന മലയാളം സിനിമയിലെ മന്ദാകിനി എന്ന ലഹരിവസ്തുവും മന്ദാകിനി വാറ്റിന്റെ നാമകരണത്തില്‍ സ്വാധീനിച്ചിട്ടുണ്ട്.

  • ഓസ്‌ട്രേലിയയില്‍ ഭൂചലനം; പലയിടങ്ങളിലും നാശനഷ്ടങ്ങള്‍, പരിഭ്രാന്തരായി മലയാളി സമൂഹം
  • കാനഡയില്‍ മൂന്നാമതും ജസ്റ്റിന്‍ ട്രൂഡോ; കേവല ഭൂരിപക്ഷമില്ല
  • യൂണിവേഴ്‌സിറ്റിയില്‍ വിദ്യാര്‍ത്ഥിയുടെ വെടിവെപ്പ്: 8 പേര്‍ കൊല്ലപ്പെട്ടു; നിരവധിപ്പേര്‍ക്ക് പരിക്ക്
  • ഓസ്‌ട്രേലിയ വിദേശ യാത്രാ വിലക്ക് മൂന്ന് മാസത്തേക്ക് കൂടി നീട്ടി; വെട്ടിലായി മലയാളികള്‍
  • മാനസികാരോഗ്യം മുഖ്യം; ജീവനക്കാര്‍ക്ക് ഒരാഴ്ച നിര്‍ബന്ധിത അവധി നല്‍കി നൈക്ക്
  • കാബൂള്‍ വിമാനത്താവളത്തിനു പുറത്ത് ഇരട്ട ചാവേര്‍ സ്‌ഫോടനം; 13 യുഎസ് സൈനികരടക്കം 90 മരണം
  • അഫ്ഗാനിലെ മന്ത്രി ഇപ്പോള്‍ ഉപജീവനത്തിന് ജര്‍മനിയില്‍ പിസ ഡെലിവറി ബോയ്
  • അഫ്ഗാനില്‍ രക്ഷാദൗത്യത്തിനെത്തിയ യുക്രൈയിനിന്റെ വിമാനം റാഞ്ചി ഇറാനിലേക്ക് കൊണ്ടുപോയി
  • കാബൂള്‍ എയര്‍പോര്‍ട്ടില്‍ സ്ഥിതി വഷളാവുന്നു; പൗരന്മാര്‍ക്ക് മുന്നറിയിപ്പ് നല്‍കി ജര്‍മനിയും അമേരിക്കയും
  • കൈകഴുകി ബൈഡന്‍: വിമാനത്തില്‍ നിന്നും ആളുകള്‍ താഴെ വീണത് 5 ദിവസം മുമ്പത്തെ കാര്യമെന്ന്
  •  
        © 2020 ukmalayalamnews.com All rights reserved. Powered by Phoenix Infoway