വിദേശം

യുക്രൈനിന്റെ ഇ.യു അംഗത്വം: ആദ്യ ചുവടുമായി യൂറോപ്യന്‍ കമ്മിഷന്‍

ബ്രസല്‍സ്: റഷ്യ-യുക്രൈന്‍ യുദ്ധം തുടരുന്നതിനിടെ, യുക്രൈന് യൂറോപ്യന്‍ യൂണിയന്‍ അംഗത്വം നല്‍കുന്നതിനുള്ള ആദ്യ ചുവടുമായി യുറോപ്യന്‍ കമ്മിഷന്‍. യൂറോപ്യന്‍ യൂണിയനില്‍ ചേരുന്നതിനുള്ള 'സ്ഥാനാര്‍ഥി'യായി യുക്രൈനെ അംഗീകരിക്കാന്‍ യൂറോപ്യന്‍ കമ്മിഷന്‍ ശുപാര്‍ശ ചെയ്തു.

അംഗത്വം നല്‍കുന്നതിനായുള്ള സുദീര്‍ഘമായ പ്രക്രിയകളുടെ തുടക്കമാണിത്. യുക്രൈന്റെ മുന്‍ സോവിയറ്റ് അയല്‍രാജ്യമായ മോള്‍ഡോവയ്ക്കും 'സ്ഥാനാര്‍ഥി പദവി' ശുപാര്‍ശ ചെയ്തിട്ടുണ്ട്. എന്നാല്‍, ജോര്‍ജിയയുടെ കാര്യത്തില്‍ തീരുമാനമായില്ല. അംഗത്വത്തിനായി ശ്രമിക്കുന്ന സ്ഥാനാര്‍ഥി രാജ്യമെന്ന നിലയില്‍ യുക്രൈനെ സ്വാഗതം ചെയ്യുകയാണെന്നും സുപ്രധാന ജോലികള്‍ ബാക്കിയുണ്ടെന്നും യൂറോപ്യന്‍ കമ്മിഷന്‍ മേധാവി ഉര്‍സുല വോണ്‍ഡെര്‍ ലെയന്‍ പറഞ്ഞു.

യുക്രൈന് സ്ഥാനാര്‍ഥി പദവി നല്‍കണമെങ്കില്‍ യൂറോപ്യന്‍ യൂണിയനിലെ 27 അംഗങ്ങളും പച്ചക്കൊടി കാട്ടണം. അടുത്തയാഴ്ച ബ്രസല്‍സില്‍ നടക്കുന്ന ഉച്ചകോടിയില്‍ നേതാക്കള്‍ ഇക്കാര്യം ചര്‍ച്ചചെയ്ത് തീരുമാനമെടുക്കും.

റഷ്യന്‍ അധിനിവേശത്തിന്റെ സാഹചര്യത്തില്‍ എത്രയുംവേഗം യൂറോപ്യന്‍ യൂണിയന്റെ ഭാഗമാക്കണമെന്നാണ് യുക്രൈന്റെ ആവശ്യം. എന്നാല്‍, യുക്രൈനെ തിടുക്കത്തില്‍ സ്വീകരിക്കുന്നതിനോട് നെതര്‍ലന്‍ഡ്‌സ് ഉള്‍പ്പെടെ ചില രാജ്യങ്ങള്‍ക്ക് എതിര്‍പ്പുണ്ട്. അതേ സമയം, ഫ്രാന്‍സ്, ജര്‍മനി, ഇറ്റലി തുടങ്ങിയ രാജ്യങ്ങള്‍ യുക്രൈന് ശക്തമായ പിന്തുണ പ്രഖ്യാപിച്ചിട്ടുണ്ട്.

ആദ്യ ചുവട് അംഗീകരിക്കപ്പെട്ടാല്‍ തന്നെ അംഗത്വം ലഭിക്കണമെങ്കില്‍ നിരവധിപിന്നെയും കടമ്പകളുണ്ട്. യുക്രൈന്‍ നിരവധി പരിഷ്‌കരണ നടപടികള്‍ കൈക്കൊള്ളേണ്ടിവരും. ജുഡീഷ്യല്‍ രംഗത്തെ നവീകരണം, അഴിമതി ഇല്ലാതാക്കാനുള്ള നപടികള്‍ തുടങ്ങിയവ സ്വീകരിക്കേണ്ടിവരുമെന്നും യൂറോപ്യന്‍ കമ്മിഷന്‍ മേധാവി അറിയിച്ചു. യുക്രൈന്‍ യൂറോപ്യന്‍ യൂണിയന്‍ അംഗത്വത്തിലേയ്ക്ക് അടുക്കുന്നത് റഷ്യയെ പ്രകോപിക്കുമെന്നു ഉറപ്പാണ്. ആക്രമണം ശക്തമാക്കുകയോ ഇ യു അംഗങ്ങളെ ഭീഷണിപ്പെടുത്തുന്നതിലേയ്‌ക്കോ അത് എത്താം.

  • കോപ്പന്‍ഹേഗനിലെ ഷോപ്പിംഗ് സെന്ററില്‍ യുവാവിന്റെ വെടിവയ്പ്പ്; നിരവധി മരണം
  • ലൈംഗിക പീഡനം: എപ്സ്റ്റീന്റെ കൂട്ടാളി ജിസെലിന്‍ മാക്‌സ്‌വെലിന് 20 വര്‍ഷം തടവ്
  • ടെക്‌സസില്‍ 46 കുടിയേറ്റക്കാര്‍ ട്രക്കിനുള്ളില്‍ ശ്വാസംമുട്ടി മരിച്ച നിലയില്‍
  • റഷ്യക്കെതിരെ പുതിയ സഹകരണം പ്രഖ്യാപിച്ച് ജി7 നേതാക്കള്‍
  • അഫ്ഗാനിസ്ഥാനില്‍ വന്‍ഭൂചലനം; മുന്നൂറോളം പേര്‍ മരിച്ചു
  • വിദേശ യുവതിയെ ലൈംഗിക പീഡനത്തിന് ഇരയാക്കി എയര്‍പോര്‍ട്ടില്‍ തള്ളി, ഓസ്‌കര്‍ ജേതാവ് അറസ്റ്റില്‍
  • വെംബ്ലിയില്‍ യൂറോ ചാമ്പ്യന്മാരായ ഇറ്റലിയെ പഞ്ഞിക്കിട്ടു മെസിയും പിള്ളേരും
  • നാല് ഇന്ത്യക്കാര്‍ ഉള്‍പ്പെടെ 22 പേരുമായി നേപ്പാളില്‍ കാണാതായ വിമാനം തകര്‍ന്നു വീണു
  • യു.എസിലെ സ്‌കൂളില്‍ 18കാരന്‍ നടത്തിയ വെടിവെപ്പില്‍ 18 വിദ്യാര്‍ഥികളടക്കം 21 പേര്‍ കൊല്ലപ്പെട്ടു
  • ന്യൂസിലാന്റ് എയര്‍പോര്‍ട്ടില്‍ യാത്രക്കാരനില്‍ നിന്നും ഗോമൂത്രം പിടിച്ചെടുത്ത് നശിപ്പിച്ചു
  •  
        © 2022 ukmalayalamnews.com All rights reserved. Powered by PI Digi-Logical Solutions