യു.കെ.വാര്‍ത്തകള്‍

ജൂനിയര്‍ ഡോക്ടര്‍മാരുടെ പണിമുടക്ക്; വഴങ്ങാതെ സര്‍ക്കാര്‍ ; ദുരിതത്തിലായി രോഗികള്‍

ജൂനിയര്‍ ഡോക്ടര്‍മാരും, കണ്‍സള്‍ട്ടന്റുമാരും നടത്തുന്ന സമരങ്ങള്‍ 700 മണിക്കൂര്‍ പിന്നിടുമ്പോള്‍ കടുത്ത രോഷം രേഖപ്പെടുത്തി കാന്‍സര്‍ രോഗികള്‍. ജൂനിയര്‍ ഡോക്ടര്‍മാരുടെ മൂന്ന് ദിവസത്തെ പണിമുടക്ക് ഇന്ന് രാവിലെ 7 മണിക്ക് അവസാനിക്കും. ഇതോടെ മാര്‍ച്ച് മുതല്‍ ഇവരുടെ സമരങ്ങള്‍ 22 ദിവസമായി ഉയര്‍ന്നു.

സീനിയര്‍ ഡോക്ടര്‍മാര്‍ 6 ദിവസമാണ് പിക്കറ്റിംഗ് സംഘടിപ്പിച്ചത്. ബുധനാഴ്ച ജൂനിയര്‍ ഡോക്ടര്‍മാര്‍ക്കൊപ്പം കൈകോര്‍ത്ത് സമരം ചെയ്തത് ചരിത്രത്തില്‍ ആദ്യത്തെ സംഭവമായി. ഒക്ടോബര്‍ 2ന് വീണ്ടും വാര്‍ഡുകളില്‍ നിന്നും വിട്ടുനില്‍ക്കാന്‍ ബ്രിട്ടീഷ് മെഡിക്കല്‍ അസോസിയേഷന്‍ ജൂനിയര്‍ ഡോക്ടര്‍മാരോടും, കണ്‍സള്‍ട്ടന്റുമാരോടും ആവശ്യപ്പെടും.

മാഞ്ചസ്റ്ററില്‍ കണ്‍സര്‍വേറ്റീവ് പാര്‍ട്ടി കോണ്‍ഫറന്‍സ് നടക്കുന്ന ഘട്ടത്തിലാണ് ബിഎംഎ സമരപ്രക്ഷോഭം ശക്തിപ്പെടുത്തുന്നത്. ഒരു മില്ല്യണോളം അപ്പോയിന്റ്‌മെന്റുകളും, ഓപ്പറേഷനുകളുമാണ് ഈ ഘട്ടത്തില്‍ റദ്ദാക്കപ്പെട്ടതെന്നാണ് കരുതുന്നത്. നിരവധി രോഗികള്‍ക്ക് പല തവണ ഈ ദുരിതം നേരിടേണ്ടി വന്നിട്ടുണ്ട്.

എന്‍എച്ച്എസ് വെയ്റ്റിംഗ് ലിസ്റ്റ് റെക്കോര്‍ഡ് ഉയരമായ 7.7 മില്ല്യണിലാണുള്ളത്. ക്യാന്‍സര്‍ രോഗികളുടെ കീമോതെറാപ്പി വരെ സമരങ്ങളെ തുടര്‍ന്ന് തടസ്സപ്പെടുന്നുവെന്നത് ഗുരുതരമായ വിഷയമാണ്. കൃത്യമായ ഇടവേളകളില്‍ ചെയ്യുന്ന കീമോതെറാപ്പി നീട്ടിവെയ്ക്കുന്നത് രോഗികള്‍ക്ക് ആശങ്കയ്‌ക്കൊപ്പം ആപത്തായും മാറിയേക്കും.

ഗുരുതര രോഗാവസ്ഥകളുള്ള രോഗികളെ സമരങ്ങള്‍ ബാധിക്കാതെ നോക്കണമെന്നാണ് രോഗികള്‍ ആവശ്യപ്പെടുന്നത്.

  • 1.5 മില്ല്യണ്‍ പുതിയ ഭവനങ്ങളെന്ന സ്വപ്‌നം സാക്ഷാത്കരിക്കാന്‍ ലേബറിന് സാധിക്കില്ലെന്ന്
  • സ്‌പോണ്‍സേര്‍ഡ് സ്റ്റഡി വിസകള്‍ക്കുള്ള അപേക്ഷകളില്‍ 40% ഇടിവ്
  • കെന്റിലെ ഗുരുദ്വാരയില്‍ സിഖ് വിശ്വാസികളെ കൊലപ്പെടുത്താന്‍ ശ്രമിച്ച 17-കാരന്‍ അറസ്റ്റില്‍; കുത്തേറ്റത് 2 പേര്‍ക്ക്
  • 50 വര്‍ഷം മുമ്പ് ലിവര്‍പൂളില്‍ സ്ഥിരതാമസമാക്കിയ ആഫ്രിക്കക്കാരന് ഒടുവില്‍ പിആര്‍
  • ലിവര്‍പൂളിലെ പ്രൈമറി സ്കൂളിലെ 2 കുട്ടികളുടെ മരണത്തില്‍ ആശങ്ക
  • കുടിയേറ്റ പ്രതിസന്ധി വഷളാകുമെന്ന് കീര്‍ സ്റ്റാര്‍മര്‍; റുവാന്‍ഡ സ്‌കീം റദ്ദാക്കിയതിന് സമ്മിശ്ര പ്രതികരണം
  • എന്‍എച്ച്എസ് രോഗികളെ കൈമാറുന്ന കാലതാമസം ഒരു മാസം 32,000 ജീവനുകള്‍ കവരുന്നു!
  • ഭഗവത്ഗീതയില്‍ തൊട്ട് ടോറി എംപിയായി ഇന്ത്യന്‍ വംശജയുടെ സത്യപ്രതിജ്ഞ
  • യുവതി പ്രണയബന്ധം അവസാനിപ്പിച്ചതില്‍ കലിപൂണ്ട മുന്‍ കാമുകന്‍ ഹെര്‍ട്ട്‌ഫോര്‍ഡ്ഷയറില്‍ കൂട്ടക്കൊല നടത്തി
  • യുവ എംപിമാര്‍ക്കും വനിതകള്‍ക്കും താക്കോല്‍ സ്ഥാനം നല്‍കി സ്റ്റാര്‍മര്‍
  •  
        © 2022 ukmalayalamnews.com All rights reserved. Powered by PI Digi-Logical Solutions