വിദേശം

ഹീത്രൂവില്‍ നിന്ന് ഹൂസ്റ്റണിലേക്ക് തിരിച്ച ബ്രിട്ടീഷ് എയര്‍വേസ് 9 മണിക്കൂറിനു ശേഷം തിരിച്ചിറക്കി

ലണ്ടന്‍ ഹീത്രൂവില്‍ നിന്ന് ഹൂസ്റ്റണിലേക്ക് യാത്രക്കാരുമായി പറന്ന ബ്രിട്ടീഷ് എയര്‍വേയ്സ് വിമാനം ഒമ്പത് മണിക്കൂറിലധികം ലണ്ടനില്‍ തന്നെ തിരിച്ചിറക്കി. 7,779 കിലോമീറ്റര്‍ സഞ്ചരിച്ച വിമാനം വടക്കേ അമേരിക്കയിലെത്തിയ ശേഷമാണ് അവിടെ നിന്നും തിരിച്ച് ലണ്ടനിലേക്ക് തന്നെ പറന്നത്. വിമാനത്തിന്റെ സാങ്കേതിക തകരാര്‍ മൂലമാണ് തിരിച്ചു പറത്തേണ്ടി വന്നത്. ഹൂസ്റ്റണിലെ ജോര്‍ജ്ജ് ബുഷ് ഇന്റര്‍കോണ്ടിനെന്റല്‍ എയര്‍പോര്‍ട്ടിലേക്ക് പോവുകയായിരുന്ന ബോയിംഗ് 787-9 ഡ്രീംലൈനര്‍ കനേഡിയന്‍ അതിര്‍ത്തിയും കടന്ന ശേഷമാണ് തിരിച്ചു പറന്നത്.

ട്രാക്കിംഗ് സൈറ്റായ ഫ്‌ലൈറ്റ് റഡാര്‍ 24 അനുസരിച്ച് അറ്റ്‌ലാന്റിക് സമുദ്രം രണ്ടുതവണ കടന്ന് ഒമ്പതര മണിക്കൂറിലധികം വിമാനം ആകാശത്ത് പറന്നു. ഹൂസ്റ്റണിലേക്ക് എത്താന്‍ സാധാരണ ഗതിയില്‍ 30-40 മിനിറ്റ് കൂടി സമയമാണ് ബാക്കിയുള്ളത്. വിമാനം ഉടനടി നിലത്തിറക്കാന്‍ വേണ്ടത്ര ഗൗരവമുള്ളതായിരുന്നില്ല പ്രശ്‌നം, പക്ഷേ അടിയന്തിരമായ പരിശോധനയും എഞ്ചിനീയറിംഗ് ജോലികളും ആവശ്യമായ ഘട്ടത്തിലാണ് വിമാനം ഹീത്രൂവിലേക്ക് മടങ്ങിയത്. വിമാനം തിരിച്ചെത്തിയപ്പോഴേക്കും പ്രശ്‌നം പരിഹരിക്കാന്‍ സാങ്കേതിക വിദഗ്ധരും സംവിധാനങ്ങളും സജ്ജമാക്കിയിരുന്നു.

ചെറിയ സാങ്കേതിക തകരാര്‍ കാരണം മുന്‍കരുതലെന്ന നിലയിലാണ് വിമാനം ലണ്ടന്‍ ഹീത്രൂവിലേക്ക് തിരിച്ചതെന്ന് ബിഎ പ്രസ്താവനയില്‍ പറഞ്ഞു. അത് സുരക്ഷിതമായി ലാന്‍ഡ് ചെയ്യുകയും യാത്രക്കാര്‍ സാധാരണ നിലയില്‍ ഇറങ്ങുകയും ചെയ്തു. യാത്ര തടസ്സപ്പെട്ടതില്‍ ക്ഷമാപണം നടത്തിയെന്നും എല്ലാ യാത്രക്കാരെയും ഹൂസ്റ്റണിലേക്ക് മറ്റു വിമാനങ്ങളിലായി റീബുക്ക് ചെയ്‌തെന്നും അധികൃതര്‍ അറിയിച്ചു. കണക്ടിംഗ് ഫ്‌ളൈറ്റ് മിസ്സായവരുടെയടക്കം യാത്രാ പ്രശ്‌നങ്ങള്‍ പരിഹരിച്ചാണ് അധികൃതര്‍ യാത്രക്കാരുടെ പ്രശ്‌നങ്ങള്‍ പരിഹരിച്ചത്. മാത്രമല്ല, താമസ സൗകര്യങ്ങള്‍ക്കും ഭക്ഷണത്തിനുമായി ചെലവാകുന്ന അധിക തുക എങ്ങനെ ക്ലെയിം ചെയ്യാം എന്നതിനെക്കുറിച്ചുള്ള വിവരങ്ങളും നല്‍കി.

മുമ്പ് നവംബറിലും ഇതുപോലൊരു പ്രശ്‌നം ഉണ്ടായിട്ടുണ്ട്. ഓക്ക്ലന്‍ഡില്‍ നിന്ന് ചിക്കാഗോയിലേക്കുള്ള NZ26 എന്ന 15 മണിക്കൂര്‍ ഷെഡ്യൂള്‍ ചെയ്ത വിമാനം നാല് മണിക്കൂര്‍ പിന്നിട്ടപ്പോള്‍ മടങ്ങാന്‍ തീരുമാനിക്കുകയായിരുന്നു.

  • ആകാശച്ചുഴിയില്‍പ്പെട്ട് സിംഗപ്പൂര്‍ എയര്‍ലൈന്‍സ്; ഒരാള്‍ മരിച്ചു, 30 പേര്‍ക്ക് പരിക്ക്
  • ഇറാന്‍ പ്രസിഡന്റ് ഇബ്രാഹിം റെയ്‌സി ഹെലികോപ്ടര്‍ അപകടത്തില്‍ കൊല്ലപ്പെട്ടു!
  • ഓസ്‌ട്രേലിയന്‍ വിദ്യാര്‍ത്ഥി വിസയ്ക്ക് ഇനി 16 ലക്ഷം രൂപ ഡിപ്പോസിറ്റ് വേണം; വിദേശ വിദ്യാര്‍ത്ഥികളുടെ തള്ളിക്കയറ്റം കുറയ്ക്കാന്‍ നടപടികള്‍
  • മീന്‍പിടിക്കുന്നതിനിടെ ന്യൂസീലന്‍ഡില്‍ 2 മലയാളികളെ കടലില്‍ കാണാതായി
  • കാനഡയില്‍ വിദേശ വിദ്യാര്‍ഥികള്‍ക്ക് ആഴ്ചയില്‍ 24 മണിക്കൂര്‍ ജോലി ചെയ്യാം
  • ഇറാനില്‍ ഇസ്രയേലിന്റെ മിസൈലാക്രമണം; ആശങ്കയില്‍ ലോകം
  • കാനഡയില്‍ വെടിവയ്പ്; ഇന്ത്യക്കാരനുള്‍പ്പടെ 2 പേര്‍ കൊല്ലപ്പെട്ടു
  • കുടിയേറ്റം നിയന്ത്രിക്കാന്‍ വിസ നിയമങ്ങള്‍ കര്‍ശനമാക്കാന്‍ ന്യൂസിലന്‍ഡ്
  • മോസ്‌കോയില്‍ ഭീകരാക്രമണം, 60 പേര്‍ കൊല്ലപ്പെട്ടു; ഉത്തരവാദിത്വം ഏറ്റെടുത്ത് ഐഎസ്
  • 92-ാം വയസില്‍ അഞ്ചാം വിവാഹത്തിന് മര്‍ഡോക്ക്; വധു 67-കാരിയായ ശാസ്ത്രജ്ഞ
  •  
        © 2022 ukmalayalamnews.com All rights reserved. Powered by PI Digi-Logical Solutions