യു.കെ.വാര്‍ത്തകള്‍

ലേബര്‍ വന്നപ്പോള്‍ മെരുങ്ങി ജൂനിയര്‍ ഡോക്ടര്‍മാര്‍; തിരഞ്ഞെടുപ്പ് സമയത്തെ സമരം സംശയകരം

റിഷി സുനാക് സര്‍ക്കാരിന്റെ ചര്‍ച്ചയും അഭ്യര്‍ത്ഥനയും ചെവിക്കൊള്ളാതെ തിരഞ്ഞെടുപ്പിന് മുമ്പ് അഞ്ചുദിവസ സമരം നടത്തിയ ബിഎംഎ അധികാരമാറ്റത്തിന് പിന്നാലെ തങ്ങളുടെ പിടിവാശി വിടുന്നു. ലേബര്‍ വന്നപ്പോള്‍ ജൂനിയര്‍ ഡോക്ടര്‍മാര്‍ മെരുങ്ങിഎന്ന് മാത്രമല്ല, കാത്തിരിപ്പിനുള്ള സന്നദ്ധതയും അറിയിച്ചിരിക്കുകയാണ്. ഇത് ടോറി സര്‍ക്കാരിനെതിരായ തന്ത്രമായി വിശേഷിപ്പിക്കപ്പെടുന്നുണ്ട്.

പുതിയ ഹെല്‍ത്ത് സെക്രട്ടറി വെസ് സ്ട്രീറ്റിംഗുമായി നേരിട്ടുള്ള ആദ്യ ചര്‍ച്ചയ്ക്ക് ശേഷമാണ് എന്‍എച്ച്എസിനെ ശ്വാസംമുട്ടിച്ച സമരങ്ങളില്‍ നിന്നും ജൂനിയര്‍ ഡോക്ടര്‍മാര്‍ പിന്‍വാങ്ങാന്‍ ഒരുങ്ങുന്നത്. കൂടുതല്‍ സമരങ്ങള്‍ ഒഴിവാക്കി എന്‍എച്ച്എസ് ശമ്പളതര്‍ക്കം പരിഹരിക്കാന്‍ കഴിയുമെന്നാണ് പ്രതീക്ഷിക്കുന്നതെന്ന് ആത്മവിശ്വാസം ലഭിച്ചതായി ജൂനിയര്‍ ഡോക്ടര്‍മാരുടെ നേതാക്കള്‍ പറഞ്ഞു.

ഹെല്‍ത്ത് സെക്രട്ടറിയുമായി നടത്തിയ ആദ്യ ചര്‍ച്ച ആദ്യത്തെ പോസിറ്റീവ് ചുവടുവെപ്പാണെന്ന് ബ്രിട്ടീഷ് മെഡിക്കല്‍ അസോസിയേഷന്‍ ജൂനിയര്‍ ഡോക്ടേഴ്‌സ് കമ്മിറ്റി കോ-ചെയറുകളായ ഡോ. വിവേക് തൃവേദിയും, ഡോ. റോബര്‍ട്ട് ലോറെന്‍സണും പറഞ്ഞു.

ശമ്പളവിഷയത്തില്‍ 20 മാസക്കാലമായി ജൂനിയര്‍ ഡോക്ടര്‍മാര്‍ സമരത്തിലായിരുന്നു. തര്‍ക്കത്തിന് പരിഹാരം ഉണ്ടാകുമെന്ന ധാരണയിലല്ല ചര്‍ച്ചയ്ക്ക് എത്തിയതെന്നും, തങ്ങളെ കേള്‍ക്കുമെന്ന പ്രതീക്ഷയാണ് ഉണ്ടായിരുന്നതെന്നും, അതാണ് നടന്നതെന്നും തൃവേദി പറഞ്ഞു. 2022 ഡിസംബര്‍ മുതലാണ് എന്‍എച്ച്എസില്‍ ഡോക്ടര്‍മാര്‍, നഴ്‌സുമാര്‍, ഫിസിയോതെറാപ്പിസ്റ്റുകള്‍, പാരാമെഡിക്കുകള്‍, മറ്റ് ജീവനക്കാര്‍ എന്നിവര്‍ സമരങ്ങള്‍ നടത്തിയത്.

ഇതുവഴി ഏകദേശം 1.5 മില്ല്യണ്‍ അപ്പോയിന്റ്‌മെന്റുകളും, പ്രൊസീജ്യറും, ഓപ്പറേഷനുകളും മാറ്റിവെയ്ക്കുകയും, 3 ബില്ല്യണിലേറെ നഷ്ടം വരുത്തിവെയ്ക്കുകയും ചെയ്തു. 15 വര്‍ഷമായി വരുമാന നഷ്ടം നേരിടുന്നതിനാല്‍ 35% വര്‍ദ്ധന വേണമെന്നാണ് ജൂനിയര്‍ ഡോക്ടര്‍മാര്‍ ആവശ്യപ്പെടുന്നത്. ഇതിന് സ്ട്രീറ്റിംഗ് അനുകൂലമല്ലെങ്കിലും പല വര്‍ഷങ്ങളിലായി വര്‍ദ്ധന അനുവദിക്കുമോയെന്നാണ് അറിയാനുള്ളത്.

  • 1.5 മില്ല്യണ്‍ പുതിയ ഭവനങ്ങളെന്ന സ്വപ്‌നം സാക്ഷാത്കരിക്കാന്‍ ലേബറിന് സാധിക്കില്ലെന്ന്
  • സ്‌പോണ്‍സേര്‍ഡ് സ്റ്റഡി വിസകള്‍ക്കുള്ള അപേക്ഷകളില്‍ 40% ഇടിവ്
  • കെന്റിലെ ഗുരുദ്വാരയില്‍ സിഖ് വിശ്വാസികളെ കൊലപ്പെടുത്താന്‍ ശ്രമിച്ച 17-കാരന്‍ അറസ്റ്റില്‍; കുത്തേറ്റത് 2 പേര്‍ക്ക്
  • 50 വര്‍ഷം മുമ്പ് ലിവര്‍പൂളില്‍ സ്ഥിരതാമസമാക്കിയ ആഫ്രിക്കക്കാരന് ഒടുവില്‍ പിആര്‍
  • ലിവര്‍പൂളിലെ പ്രൈമറി സ്കൂളിലെ 2 കുട്ടികളുടെ മരണത്തില്‍ ആശങ്ക
  • കുടിയേറ്റ പ്രതിസന്ധി വഷളാകുമെന്ന് കീര്‍ സ്റ്റാര്‍മര്‍; റുവാന്‍ഡ സ്‌കീം റദ്ദാക്കിയതിന് സമ്മിശ്ര പ്രതികരണം
  • എന്‍എച്ച്എസ് രോഗികളെ കൈമാറുന്ന കാലതാമസം ഒരു മാസം 32,000 ജീവനുകള്‍ കവരുന്നു!
  • ഭഗവത്ഗീതയില്‍ തൊട്ട് ടോറി എംപിയായി ഇന്ത്യന്‍ വംശജയുടെ സത്യപ്രതിജ്ഞ
  • യുവതി പ്രണയബന്ധം അവസാനിപ്പിച്ചതില്‍ കലിപൂണ്ട മുന്‍ കാമുകന്‍ ഹെര്‍ട്ട്‌ഫോര്‍ഡ്ഷയറില്‍ കൂട്ടക്കൊല നടത്തി
  • യുവ എംപിമാര്‍ക്കും വനിതകള്‍ക്കും താക്കോല്‍ സ്ഥാനം നല്‍കി സ്റ്റാര്‍മര്‍
  •  
        © 2022 ukmalayalamnews.com All rights reserved. Powered by PI Digi-Logical Solutions