യു.കെ.വാര്‍ത്തകള്‍

ഡാര്‍ലിംഗ്ടണില്‍ 14 വയസ്സുള്ള സ്‌കൂള്‍ വിദ്യാര്‍ത്ഥിനിയെ കുത്തിക്കൊന്നത് മാതാപിതാക്കള്‍

ഡാര്‍ലിംഗ്ടണില്‍ 14 വയസ്സുള്ള സ്‌കൂള്‍ വിദ്യാര്‍ത്ഥിനിയെ നെഞ്ചില്‍ കത്തി കുത്തിയിറക്കികൊലപ്പെടുത്തി മാതാപിതാക്കള്‍. കഴിഞ്ഞ ദിവസമാണ് ഞെട്ടിക്കുന്ന കൊലപാതകം അരങ്ങേറിയത്. സംഭവത്തില്‍ കൊലപാതക കുറ്റം ചുമത്തി മാതാപിതാക്കളെ കോടതിയില്‍ ഹാജരാക്കി. വെള്ളിയാഴ്ചയാണ് വീട്ടില്‍ മരിച്ച നിലയില്‍ 14-കാരി സ്‌കാര്‍ലെറ്റ് വിക്കേഴ്‌സിനെ കണ്ടെത്തിയത്.

48-കാരന്‍ സിമോണ്‍ വിക്കേഴ്‌സ്, 44-കാരി സാറാ ഹാള്‍ എന്നിവരാണ് ന്യൂട്ടണ്‍ എയ്ക്ലിഫ് മജിസ്‌ട്രേറ്റ്‌സ് കോടതിയില്‍ ഹാജരായത്. ഹൃസ്വമായ വിചാരണയില്‍ പ്രതികള്‍ പേരുവിവരങ്ങളും, വിലാസവും മാത്രമാണ് സ്ഥിരീകരിച്ചത്. വീട്ടില്‍ നടന്ന ഒരു സംഭവവും, അതിന് പിന്നാലെ 14-കാരിയായ മകളെ കുത്തിക്കൊല്ലുകയുമായിരുന്നുവെന്ന് കോടതിയില്‍ വ്യക്തമായി.

ഒരൊറ്റ കുത്തിനാണ് കൊല നടന്നിട്ടുള്ളതെന്ന് പ്രോസിക്യൂട്ടര്‍ വ്യക്തമാക്കി. വിക്കേഴ്‌സിനെയും, ഹാളിനെയും ആഗസ്റ്റ് 5ന് ടീസൈഡ് ക്രൗണ്‍ കോടതിയില്‍ ഹാജരാക്കാനായി കസ്റ്റഡിയില്‍ വിട്ടു. പോലീസും, പാരാമെഡിക്കുകളും സംഭവദിവസം സ്ഥലത്ത് എത്തുമ്പോഴാണ് 14-കാരിയെ കുത്തേറ്റ നിലയില്‍ കണ്ടെത്തുന്നത്.

എന്നാല്‍ പെണ്‍കുട്ടിയുടെ ജീവന്‍ രക്ഷിക്കാനായില്ല. സംഭവസ്ഥലത്ത് വെച്ച് തന്നെ മരണം സ്ഥിരീകരിച്ചു. സ്‌കൂള്‍ വിദ്യാര്‍ത്ഥിനിയ്ക്ക് ആദരാഞ്ജലികള്‍ അര്‍പ്പിച്ച് പഠിച്ചിരുന്ന ഹോട്ടണ്‍ അക്കാഡമി പ്രിന്‍സിപ്പല്‍ സൂ ഗില്‍ വളരെ തമാശകള്‍ പറഞ്ഞിരുന്ന ആളാണ് സ്‌കാര്‍ലെറ്റെന്ന് സ്മരിച്ചു. ബഹുമാനവും, വിനയവും സൂക്ഷിച്ച പെണ്‍കുട്ടിയാണെന്നും പ്രിന്‍സിപ്പല്‍ പറയുന്നു.

  • 1.5 മില്ല്യണ്‍ പുതിയ ഭവനങ്ങളെന്ന സ്വപ്‌നം സാക്ഷാത്കരിക്കാന്‍ ലേബറിന് സാധിക്കില്ലെന്ന്
  • സ്‌പോണ്‍സേര്‍ഡ് സ്റ്റഡി വിസകള്‍ക്കുള്ള അപേക്ഷകളില്‍ 40% ഇടിവ്
  • കെന്റിലെ ഗുരുദ്വാരയില്‍ സിഖ് വിശ്വാസികളെ കൊലപ്പെടുത്താന്‍ ശ്രമിച്ച 17-കാരന്‍ അറസ്റ്റില്‍; കുത്തേറ്റത് 2 പേര്‍ക്ക്
  • 50 വര്‍ഷം മുമ്പ് ലിവര്‍പൂളില്‍ സ്ഥിരതാമസമാക്കിയ ആഫ്രിക്കക്കാരന് ഒടുവില്‍ പിആര്‍
  • ലിവര്‍പൂളിലെ പ്രൈമറി സ്കൂളിലെ 2 കുട്ടികളുടെ മരണത്തില്‍ ആശങ്ക
  • കുടിയേറ്റ പ്രതിസന്ധി വഷളാകുമെന്ന് കീര്‍ സ്റ്റാര്‍മര്‍; റുവാന്‍ഡ സ്‌കീം റദ്ദാക്കിയതിന് സമ്മിശ്ര പ്രതികരണം
  • എന്‍എച്ച്എസ് രോഗികളെ കൈമാറുന്ന കാലതാമസം ഒരു മാസം 32,000 ജീവനുകള്‍ കവരുന്നു!
  • ഭഗവത്ഗീതയില്‍ തൊട്ട് ടോറി എംപിയായി ഇന്ത്യന്‍ വംശജയുടെ സത്യപ്രതിജ്ഞ
  • യുവതി പ്രണയബന്ധം അവസാനിപ്പിച്ചതില്‍ കലിപൂണ്ട മുന്‍ കാമുകന്‍ ഹെര്‍ട്ട്‌ഫോര്‍ഡ്ഷയറില്‍ കൂട്ടക്കൊല നടത്തി
  • യുവ എംപിമാര്‍ക്കും വനിതകള്‍ക്കും താക്കോല്‍ സ്ഥാനം നല്‍കി സ്റ്റാര്‍മര്‍
  •  
        © 2022 ukmalayalamnews.com All rights reserved. Powered by PI Digi-Logical Solutions