ലണ്ടന്‍: സൗത്താംപ്റ്റണിലെ മലയാളി സമൂഹത്തെയാകെ ദുഃഖത്തിലാഴ്ത്തി കുഞ്ഞ് ഏബലിന്റെ വിയോഗം. ജന്മനാ ശാരീരിക ബുദ്ധിമുട്ടുകള്‍ അലട്ടിയിരുന്ന ഏബല്‍ ഞായറാഴ്ചയാണ് യാത്രയായത്.കണ്ണൂര്‍ ഇരുട്ടി ആനപ്പന്തിയില്‍ വാഴക്കാലായില്‍ വീട്ടില്‍ സന്തോഷിന്റെയും ചെമ്പത്തൊട്ടി മേലേമുറിയില്‍ ബിന്ദുവിന്റെയും മകനാണ് ഒന്‍പതു വയസ്സുകാരനായിരുന്ന ഏബല്‍.
സൗത്താംപ്റ്റണ്‍ യൂണിവേഴ്സിറ്റി ഹോസ്പിറ്റലിലെ ഐ.ടി. ഡിപ്പാര്‍ട്ട്മെന്റില്‍ ഉദ്യോഗസ്ഥനാണ് സന്തോഷ്. ബിന്ദു ഇതേ ആശുപത്രിയില്‍ നഴ്സായും ജോലി ചെയ്യുന്നു. ദമ്പതിമാര്‍ക്ക് ഏബലിനെ കൂടാതെ ഗബ്രിയേല്‍, ഡാനിയേല്‍, ആഡം എന്നിങ്ങനെ മറ്റു മൂന്നു കുട്ടികള്‍ കൂടിയുണ്ട് .
നവംബര്‍ അഞ്ചിന് രാവിലെ 11ന് സൗത്താംപ്റ്റണ്‍ റെഡ്ബ്രിഡ്ജ് ഹില്ലിലെ (SO16 4PL) ഹോളി ഫാമിലി പള്ളിയില്‍ പൊതുദര്‍ശനത്തിനും വിശുദ്ധ കുര്‍ബാനയ്ക്കും ശേഷം ഹോളിബ്രൂക്ക് സെമിത്തേരിയിലാണ് (SO16 6HW) സംസ്കാരം. ഗ്രേറ്റ് ബ്രിട്ടണ്‍ സിറോ മലബാര്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍, വികാരി ഫാ. ജോണ്‍ പുളിന്താനത്ത് എന്നിവര്‍ സംസ്കാര ശുശ്രൂഷകള്‍ക്ക് നേതൃത്വം നല്‍കും.
