'നിയമനിര്മ്മാണത്തിനായി കരട് നിര്ദ്ദേശങ്ങള് സമര്പ്പിക്കണം'; ഹേമ കമ്മിറ്റിയില് അമിക്കസ് ക്യൂറിയെ നിയമിച്ച് ഹൈക്കോടതി
ഹേമ കമ്മിറ്റിയില് അമിക്കസ് ക്യൂറിയെ നിയമിച്ച് ഹൈക്കോടതി. സിനിമാ മേഖലയിലെ സ്ത്രീകളുടെ പ്രശ്നങ്ങള് പരിഹരിക്കാന് നിയമനിര്മ്മാണം നടത്തുന്നതിന് സര്ക്കാരിനെ സഹായിക്കാന് കരട് നിര്ദ്ദേശങ്ങള് സമര്പ്പിക്കാമെന്ന് ഹൈക്കോടതി അറിയിച്ചു. ഇത് ക്രോഡീകരിക്കാന് അമിക്കസ് ക്യൂറിയായി അഡ്വ. മിത സുരേന്ദ്രനെ ഡിവിഷന് ബഞ്ച് നിയമിച്ചു. അതേസമയം ഹര്ജികള് ഈ മാസം 21 ന് വീണ്ടും പരിഗണിക്കും.
നിയമ നിര്മാണത്തിന്റെ കരട് തയാറാക്കിയിട്ടുണ്ടെന്ന് ഡബ്ല്യുസിസി കോടതിയെ അറിയിച്ചു. ഇത് സംസ്ഥാന സര്ക്കാരിന് കൈമാറാമെന്ന് ഡിവിഷന് ബെഞ്ച് വ്യക്തമാക്കി. ഹേമ കമ്മറ്റി റിപ്പോര്ട്ടുമായി ബന്ധപ്പെട്ട അന്വേഷണ പുരോഗതി റിപ്പോര്ട്ടും സര്ക്കാര് സമര്പ്പിച്ചു. പ്രത്യേക ഹൈക്കോടതി ബെഞ്ചാണ് ഹേമ കമ്മിറ്റി റിപ്പോര്ട്ടുമായി ബന്ധപ്പെട്ട കേസ് പരിഗണിച്ചത്.
അന്വേഷണം നല്ല രീതിയില് പുരോഗമിക്കുന്നുണ്ടെന്ന് കോടതി വിലയിരുത്തി. ഡിസംബര് 31 ന് മുതല് അന്വേഷണം പൂര്ത്തിയാക്കുമെന്ന് പ്രതീക്ഷിയെന്നും കോടതി പറഞ്ഞു. 26 എഫ്ഐആര് രജിസ്റ്റര് ചെയ്തതില് കമ്മിറ്റിക്ക് മൊഴി നല്കിയ 5 പേര് പൊലീസ് അന്വേഷണവുമായി സഹകരിക്കില്ലെന്ന് അറിയിച്ചിട്ടുണ്ട്. തങ്ങള് പറഞ്ഞതുപോലെയല്ല ഹേമ കമ്മിറ്റി റിപ്പോര്ട്ടില് വന്നതെന്ന് മൂന്ന് പേര് പറഞ്ഞതായും എജി അറിയിച്ചു. മൂന്നു പേര്ക്ക് മൊഴി കൊടുത്തോയെന്ന് ഓര്മയില്ലെന്നും പറയുന്നു.
