ലണ്ടന്: യുകെയില് മരിച്ച കോട്ടയം കുറുവിലങ്ങാട് സ്വദേശി സാബു മാത്യുവിന്റെ (55) സംസ്കാരം 17ന്. സാബു ഏറെക്കാലും ജീവിച്ച റെഡിങ്ങില് തന്നെ സംസ്കാര ചടങ്ങുകള് നടത്താനാണ് കുടുംബാംഗങ്ങളുടെ തീരുമാനം. 17ന് രാവിലെ 10ന് റെഡിങ്ങിലെ ടില്ഹസ്റ്റ് സെന്റ് ജോസഫ് ദേവാലയത്തിലാണ് സംസ്കാര ശുശ്രൂഷകള്. പൊതുദര്ശനത്തിനു ശേഷം ഹെന്ലി റോഡ് സെമിത്തേരിയിലാണ് സംസ്കാരം.
റെഡിങ്ങിലെ റോയല് ബെര്ക്ക്ഷെയര് എന്എച്ച്എസ് ആശുപത്രിയിലെ സ്റ്റാഫ് നഴ്സായിരുന്ന സാബു ഹൃദയാഘാതത്തെത്തുടര്ന്ന് നവംബര് 24നാണ് അന്തരിച്ചത്. ഇതേ ആശുപത്രിയില് നഴ്സായിരുന്ന ഭാര്യ ഷാന്റി ജോണ് ജോലി കഴിഞ്ഞു വീട്ടിലെത്തിയപ്പോള് സാബുവിനെ അബോധാവസ്ഥയില് കണ്ടെത്തുകയായിരുന്നു. അടിയന്തര മെഡിക്കല് സഹായം തേടിയെങ്കിലും രക്ഷിക്കാനായില്ല.
കുറുവിലങ്ങാട് കളത്തൂര് പുളിയംതൊട്ടിയില് പരേതരായ പി.എം. മാത്യുവിന്റെയും റോസമ്മ മാത്യുവിന്റെയും ഇളയ മകനാണ് സാബു. യൂണിവേഴ്സിറ്റി വിദ്യാര്ഥിനിയായ ജൂണ, സിക്സ്ത് ഫോം വിദ്യാര്ഥിയായ ജ്യൂവല് എന്നിവരാണ് മക്കള്.
