യുകെയിലെ കെറ്ററിംഗില് ഹൃദയാഘാതം മൂലം അന്തരിച്ചു. യുകെകെസിഎ കെറ്ററിംഗ് യൂണിറ്റ് അംഗമായ ഷൈജു ഫിലിപ്പ്(51) ആണ് നിര്യാതനായത്. ഞായറാഴ്ച വൈകുന്നേരം വീട്ടില് മക്കളും ഭാര്യയുമായി സംസാരിച്ചിരിക്കവേ ഷൈജു പൊടുന്നനെ കുഴഞ്ഞു വീഴുക ആയിരുന്നു എന്നാണ് വീട്ടില് എത്തിയ മലയാളികള് പങ്കുവയ്കുന്ന വിവരം.
വീട്ടില് കുഴഞ്ഞ് വീണ ഉടന സമീപവാസികളായ ഷിബു, ഷാജി, ജോബ് എന്നിവരെല്ലാം ഓടിയെത്തിയെങ്കിലും ജീവന് രക്ഷിക്കാനായില്ല. വിവരമറിഞ്ഞു ഒട്ടേറെ ആളുകളാണ് പൊടുന്നനെ വീട്ടിലേക്ക് എത്തിയത്. മൃതദേഹം ഉടനടി കെറ്ററിംഗ് ജനറല് ആശുപത്രി മോര്ച്ചറിയിലേക്ക് മാറ്റുകയും ചെയ്തിരിക്കുകയാണ്.
കെറ്ററിംഗ് മലയാളി അസോസിയേഷന് സജീവ പ്രവര്ത്തകനായിരുന്ന ഷൈജു ഭാര്യ ലിന്സിയ്ക്കും യൂണിവേഴ്സിറ്റി വിദ്യാര്ത്ഥിനിയായ മകള് ആന്മരിയ ഷൈജുവിനും എ ലെവല് വിദ്യാര്ത്ഥിയായ അന്സില് ഷൈജുവിനും ഒപ്പം കെറ്ററിംഗില് തന്നെയായിരുന്നു താമസം.
ഡല്ഹിയിലെ മുന് പോലീസ് ഉദ്യോഗസ്ഥനായിരുന്ന ഷൈജു ഫിലിപ്പ് കോട്ടയം കൈപ്പുഴ പാലത്തുരുത്ത് സെന്റ് തെരേസാസ് ക്നാനായ ഇടവകാംഗമാണ്. സംസ്കാരം സംബന്ധിച്ച കൂടുതല് വിവരങ്ങള് പിന്നീട് അറിയിക്കുമെന്ന് ബന്ധുക്കള് അറിയിച്ചു.
