അമേരിക്കന് പ്രസിഡന്റ് ഡോണള്ഡ് ട്രംപിനെ വധിക്കാന് ശ്രമിച്ച കേസിലെ പ്രതി റയാന് റൂത്തിന് ജീവപര്യന്തം തടവുശിക്ഷ. 2024-ല് ഫ്ലോറിഡയിലെ ഗോള്ഫ് കോഴ്സില് വെച്ച് ട്രംപിനെ വധിക്കാന് ശ്രമിച്ച കേസിലാണ് വിധി പ്രഖ്യാപിച്ചത്. പരോളില്ലാത്ത ജീവപര്യന്തമാണ് പ്രതി അനുഭവിക്കേണ്ടത്. ഇതോടൊപ്പം തോക്ക് കേസില് 7 വര്ഷം തടവും അനുഭവിക്കണം.
അമേരിക്കന് പ്രസിഡന്റ് തെരഞ്ഞെടുപ്പ് പ്രചാരണത്തിന്റെ ഭാഗമായി ഫ്ലോറിഡയില് പ്രസംഗിച്ചപ്പോള് ആയിരുന്നു ട്രംപിന് നേരെ പ്രതി വെടിയുതിര്ത്തത്. സംഭവത്തില് ട്രംപിന് പരിക്കേറ്റിരുന്നു. പ്രതി ചെയ്ത കുറ്റം ഒരു തരത്തിലും അംഗീകരിക്കാനാവില്ലെന്ന് ഫെഡറല് പ്രോസിക്യൂട്ടര് വ്യക്തമാക്കിയതിന് പിന്നാലെയായിരുന്നു ശിക്ഷാവിധി. യു എസ് ഡിസ്ട്രിക്റ്റ് ജഡ്ജി ഐലീന് കാനന് ആണ് വിധി പ്രഖ്യാപിച്ചത്.
വിധിയില് അസിസ്റ്റന്റ് യു എസ് അറ്റോര്ണി പ്രതികരണം രേഖപ്പെടുത്തി. സ്ഥാനാര്ത്ഥികളെ ഇല്ലാതാക്കാന് വ്യക്തികള് നിയമം കൈയിലെടുത്താല് യുഎസിന്റെ ജനാധിപത്യം ശരിയായി പ്രവര്ത്തിക്കില്ല. അതുതന്നെയാണ് ഈ വ്യക്തി ചെയ്യാന് ശ്രമിച്ചത് എന്നായിരുന്നു പ്രതികരണം.
സെപ്റ്റംബറില് റയാന് റൂത്ത് കുറ്റക്കാരനാണെന്ന് ജൂറി അംഗങ്ങള് കണ്ടെത്തിയിരുന്നു. പിന്നാലെ ഇയാള് കോടതി മുറിയില് സ്വയം കുത്തി പരുക്കേല്പ്പിക്കാന് ശ്രമം നടത്തിയിരുന്നു.
