സെന്‍ട്രല്‍ ലണ്ടനില്‍ സ്ത്രീയെ ലൈംഗീകമായി പീഡിപ്പിച്ച പ്രതിയുടെ ചിത്രം പുറത്ത്. പ്രതി തെരുവിലൂടെ നടക്കുന്ന സിസിടിവി ദൃശ്യങ്ങളാണ് പൊലീസ് പുറത്തുവിട്ടിരിക്കുന്നത്. ആഗസ്ത് 20 പുലര്‍ച്ചെ 5.20നാണ് കേസിന് ആസ്പദമായ സംഭവം നടക്കുന്നത്.
കോവന്റ് ഗാര്‍ഡനിലെ തെരുവിലൂടെ നടക്കുന്നതിനിടെയാണ് 20 കാരിയെ പ്രതി സമീപിച്ചത്. പിന്നീട് പുലര്‍ച്ചെ 5.20 ന് മാക്ലിന്‍ സ്ട്രീറ്റില്‍ വച്ചാണ് യുവതി അക്രമത്തിന് ഇരയായത്. അതിജീവിതയ്ക്ക് സ്‌പെഷ്യലിസ്റ്റ് ഓഫീസര്‍മാരുടെ സേവനം ലഭ്യമാക്കിയതായി പൊലീസ് അറിയിച്ചു.
ഇയാളെ സംബന്ധിച്ചുള്ള വിവരം ലഭിച്ചാല്‍ എത്രയും പെട്ടെന്ന് അറിയിക്കണമെന്ന് പൊലീസ് വ്യക്തമാക്കി.
