യു.കെ.വാര്‍ത്തകള്‍

വനിതകളുടെ ആശുപത്രി വാര്‍ഡുകളില്‍ ട്രാന്‍സ് സ്ത്രീകള്‍ക്ക് വിലക്ക് പ്രഖ്യാപിച്ച് എന്‍എച്ച്എസ്

ട്രാന്‍സ് സ്ത്രീകള്‍ക്ക് വനിതകളുടെ വാര്‍ഡുകളിലും, സ്ത്രീകള്‍ വസ്ത്രം മാറുന്ന ഇടങ്ങളിലും പ്രവേശനം അനുവദിച്ചിരുന്ന നയത്തില്‍ മാറ്റം വരുത്തി എന്‍എച്ച്എസ് ഇംഗ്ലണ്ട്. വനിതകള്‍ക്ക് മാത്രമായുള്ള വാര്‍ഡുകളില്‍ ട്രാന്‍സ് സ്ത്രീകള്‍ക്ക് പ്രവേശനവിലക്ക് ഏര്‍പ്പെടുത്താമെന്നാണ് എന്‍എച്ച്എസ് ഇംഗ്ലണ്ട് നയം പുതുക്കിയിരിക്കുന്നത്.

ട്രാന്‍സ്‌ജെന്‍ഡര്‍ രോഗികള്‍ക്കും, ജീവനക്കാര്‍ക്കും വനിതകളുടെ ഇടങ്ങളില്‍ പ്രവേശനം നല്‍കിയ രീതിയാണ് എന്‍എച്ച്എസ് ഇംഗ്ലണ്ട് തിരുത്തുന്നത്. ഇതുസംബന്ധിച്ച പുതിയ നയരേഖയും പുറത്തുവിട്ടു. ആശുപത്രി വാര്‍ഡുകള്‍, ടോയ്‌ലറ്റുകള്‍, ചേഞ്ചിംഗ് റൂമുകള്‍ എന്നിവയും പുതിയ നയത്തിന്റെ പരിധിയില്‍ വരും.

ട്രാന്‍സ്‌ജെന്‍ഡര്‍ രോഗികള്‍ക്ക് അവരുടെ ജനിച്ച സമയത്തെ ലിംഗം നോക്കിയാണ് താമസസൗകര്യം നല്‍കേണ്ടതെന്നും നയം വ്യക്തമാക്കി. ക്ലിനിക്കല്‍ ആവശ്യങ്ങള്‍, സ്വകാര്യത, അഭിമാനം എന്നിവ പരിഗണിച്ച് സുരക്ഷിതമായി വേണം ഇത് നടപ്പാക്കാനെന്നും നയരേഖ പറയുന്നു.

ഇക്വാളിറ്റി ആക്ടില്‍ 'സ്ത്രീ', 'സെക്‌സ്' എന്നിവ ജനനസമയത്തെ ലിംഗം അടിസ്ഥാനമാക്കിയാണ് പരിഗണിക്കേണ്ടതെന്ന് സുപ്രീംകോടതി നിര്‍വചിച്ചതോടെയാണ് ഈ മാറ്റങ്ങള്‍ എന്‍എച്ച്എസിന് പ്രഖ്യാപിക്കേണ്ടി വന്നത്. ഇക്വാളിറ്റി & ഹ്യൂമന്‍ റൈറ്റ്‌സ് കമ്മീഷനും നയങ്ങള്‍ തിരുത്തിയിട്ടുണ്ട്.

അതേസമയം ആശുപത്രികളില്‍ തങ്ങള്‍ക്ക് ബുദ്ധിമുട്ട് നേരിടുമെന്നാണ് ട്രാന്‍സ് ഗ്രൂപ്പുകള്‍ നയംമാറ്റത്തില്‍ പ്രതികരിക്കുന്നത്. ആവശ്യത്തിന് ജീവനക്കാരില്ലാത്ത സമയത്ത് ഈ നയം മാറ്റം വരുന്നതിനാല്‍ ട്രാന്‍സ് രോഗികള്‍ക്ക് ചികിത്സയില്‍ അനിശ്ചിതത്വം നേരിടേണ്ടി വരുമെന്നാണ് ഇവരുടെ വാദം.

പല എന്‍എച്ച്എസ് ആശുപത്രികളും ട്രാന്‍സ് അനുകൂല നിലപാടാണ് ഇതുവരെ സ്വീകരിച്ചിരുന്നത്. അതുകൊണ്ട് തന്നെ പുതുക്കിയ നിയമം വരുമ്പോള്‍ ഇവര്‍ നടപ്പാക്കല്‍ വൈകിപ്പിക്കുമെന്ന് വനിതാവകാശ സംഘടനകള്‍ ആശങ്ക ഉന്നയിക്കുന്നുണ്ട്.

  • അമേരിക്കന്‍ വ്യോമഗതാഗതം താറുമാറായി; ബ്രിട്ടനില്‍ നിന്നുള്ള വിമാനങ്ങളെയും ബാധിച്ചു
  • ടൈപ്പ് 1 പ്രമേഹം പ്രതിരോധിക്കാനുള്ള പുതിയ മരുന്ന് ബ്രിട്ടനില്‍ ആദ്യമായി നല്‍കി
  • 70 പെണ്‍കുട്ടികളെ ലൈംഗിക ചൂഷണം ചെയ്തു; ഇന്ത്യന്‍ വിദ്യാര്‍ഥിക്ക് 30 വര്‍ഷം തടവ്
  • സ്റ്റുഡന്റ് വിസാ ആപ്ലിക്കേഷനുകള്‍ 31% ഇടിഞ്ഞു; ഇന്ത്യന്‍ വിദ്യാര്‍ത്ഥികള്‍ യുകെ ഒഴിവാക്കുന്നു
  • പ്രധാനമന്ത്രിയുടെ മുന്നറിയിപ്പ്; സൂപ്പര്‍മാര്‍ക്കറ്റുകളില്‍ വന്‍ തിരക്ക്, വെള്ളവും ടിന്‍ ഭക്ഷണവും വാങ്ങിക്കൂട്ടി ജനം!
  • പലിശ നിരക്ക് വര്‍ധന തിരിച്ചടിയായി; ആദ്യ വീട് വാങ്ങലുകാരുടെ അന്വേഷണം കുറഞ്ഞു
  • ആര്‍ട്ടിക് ബ്ലാസ്റ്റ്; യുകെ തണുത്തുവിറയ്ക്കുന്നു, താപനില മൈനസ് എട്ട് വരെയാകും
  • മുഖം തിരിച്ചറിയല്‍ സാങ്കേതിക വിദ്യയില്‍ പിഴവുകള്‍; നിരപരാധികള്‍ അറസ്റ്റിലാകുമെന്ന് ആശങ്ക
  • യുകെയിലെ നൂറ് കണക്കിന് സ്‌കൂളുകള്‍ക്ക് ബോംബ് ഭീഷണി
  • ഭവനവിലകള്‍ താഴുന്നത് തുടരും; പലിശ നിരക്കുകള്‍ വാങ്ങലുകാരെ അകറ്റുന്നു
  •  
        © 2022 ukmalayalamnews.com All rights reserved. Powered by PI Digi-Logical Solutions