ഇംഗ്ലണ്ടിലെ എല്ലാ സ്കൂളുകളും 4 വര്ഷത്തിനുള്ളില് റീന്ഫോഴ്സ്ഡ് ഓട്ടോക്ലേവ്ഡ് ഏറിയേറ്റഡ് കോണ്ക്രീറ്റ് മുക്തമാക്കും
ഇംഗ്ലണ്ടില് സുരക്ഷിത ക്ലാസ് മുറികള് ഉറപ്പാക്കാന് 38 ബില്യണ് പൗണ്ട് നിക്ഷേപവുമായി സര്ക്കാര്. റീന്ഫോഴ്സ്ഡ് ഓട്ടോക്ലേവ്ഡ് ഏറിയേറ്റഡ് കോണ്ക്രീറ്റ് (RAAC) നീക്കം ചെയ്യുന്നതിനുള്ള ഗ്രാന്റ് ലഭിച്ച ഇംഗ്ലണ്ടിലെ എല്ലാ സ്കൂളുകളും 2029 ഓടെ പൂര്ണ്ണമായും സുരക്ഷിതമാക്കുമെന്ന് വിദ്യാഭ്യാസ മന്ത്രി ബ്രിഡ്ജറ്റ് ഫിലിപ്സണ് അറിയിച്ചു. തകര്ന്ന അടിസ്ഥാന സംവിധാനമാണ് ഈ സര്ക്കാര് ഏറ്റുവാങ്ങിയത് എന്നും എന്നാല് അതിനെ അതുപോലെ വിടാന് അനുവദിക്കില്ല എന്നുമായിരിന്നു നിലവിലെ സാഹചര്യങ്ങളെ കുറിച്ച് അദ്ദേഹം പ്രതികരിച്ചത്. കുട്ടികള്ക്ക് സുരക്ഷിതവും ഗുണമേന്മയുള്ളതുമായ ക്ലാസ് മുറികളില് പഠിക്കാനുള്ള സാഹചര്യം ഉറപ്പാക്കാനാണ് സര്ക്കാര് പുതിയ സമയരേഖ പ്രഖ്യാപിച്ചത്.
റീന്ഫോഴ്സ്ഡ് ഓട്ടോക്ലേവ്ഡ് ഏറിയേറ്റഡ് കോണ്ക്രീറ്റ് ഉപയോഗിച്ച ഭാഗങ്ങള് ഇതിനകം 62 സ്കൂളുകളിലും കോളേജുകളിലും നീക്കം ചെയ്തതായി സര്ക്കാര് സ്ഥിരീകരിച്ചു.
More »
ഈസ്റ്റേണ് എയര്വേയ്സ് സാമ്പത്തിക പ്രതിസന്ധി മൂലം നിര്ത്തി; ടിക്കറ്റ് ബുക്ക് ചെയ്തവര്ക്ക് സൗജന്യ ട്രെയിന് യാത്ര
യുകെ ആസ്ഥാനമായി പ്രവര്ത്തിക്കുന്ന പ്രാദേശിക എയര്ലൈനായ ഈസ്റ്റേണ് എയര്വേയ്സ് അടച്ചുപൂട്ടലിന്റെ വക്കില്. ഈസ്റ്റേണ് എയര്വേയ്സ് (Eastern Airways) പ്രവര്ത്തനം താല്ക്കാലികമായി നിര്ത്തിവെച്ചതായി സിവില് എവിയേഷന് അതോറിറ്റി (CAA) അറിയിച്ചു. ആറു വിമാനത്താവളങ്ങളില് നിന്ന് സര്വീസുകള് നടത്തുന്ന ഈ കമ്പനി എല്ലാ സര്വീസുകളും റദ്ദാക്കിയതായും യാത്രക്കാര് വിമാനത്താവളങ്ങളിലേക്ക് പോകരുതെന്നും മുന്നറിയിപ്പ് നല്കിയിട്ടുണ്ട്. വ്യോമ ഗതാഗത മേഖലയിലെ ഉയര്ന്ന ഇന്ധനവില, വിമാന പരിപാലന ചെലവുകള്, യാത്രക്കാരുടെ കുറവ്, സാമ്പത്തിക മാന്ദ്യം എന്നിവ മൂലമാണ് കമ്പനിയുടെ സാമ്പത്തിക സ്ഥിതി വഷളായത്. തുടര്ച്ചയായ നഷ്ടം നിയന്ത്രിക്കാനാവാതെ വന്നതോടെ കമ്പനി അഡ്മിനിസ്ട്രേറ്റീവ് നടപടികള്ക്ക് നീങ്ങുകയായിരുന്നു.
1997-ല് ആരംഭിച്ച ഈസ്റ്റേണ് എയര്വേയ്സ്, ഹംബേഴ്സൈഡ്, ടീസൈഡ് ഇന്റര്നാഷണല്, അബര്ദീന്, വിക്ക്, ന്യൂക്വേ, ലണ്ടന്
More »
പ്രവൃത്തി ദിനങ്ങളില് കുട്ടികള് സ്കൂളില് എത്താത്തതിന് പിഴ; ബില്ല് ഇന്ന് ചര്ച്ചയ്ക്ക്
പ്രവൃത്തി ദിനങ്ങളില് കുട്ടികളെ സ്കൂളില് വിടാതെ വിനോദയാത്രയ്ക്കും മറ്റും കൊണ്ടുപോകുന്ന മാതാപിതാക്കള്ക്ക് പിഴ ഏര്പ്പെടുത്തുന്നത് നിര്ത്തലാക്കണമെന്ന പരാതിയടക്കം ബില്ല് പാര്ലമെന്റിന്റെ പരിഗണനയില്. പത്ത് ദിവസം വരെ മാതാപിതാക്കള്ക്ക് പിഴയൊടുക്കാതെ കുട്ടികളെ സ്കൂളില് അയയ്ക്കാതിരിക്കാനുള്ള അനുവാദം വേണമെന്നാണ് നടാലിയ എലിയട്ട് എന്ന 37കാരിയുടെ ഓണ്ലൈന് പരാതിയില് ആവശ്യപ്പെടുന്നത്. ഇതുവരെ 1,80,000 പേരാണ് ഈ പരാതിയില് ഒപ്പിട്ടിരിക്കുന്നത്.
അസുഖബാധിതരായോ അതുപോലുള്ള നിയമപരമായി അനുവദനീയമായ മറ്റ് സാഹചര്യങ്ങളിലോ കുട്ടികള് സ്കൂളില് ഹാജരാകാത്തപ്പോള്, സ്കൂള് അധികൃതരുമായി ബന്ധപ്പെട്ട് വിവരമറിയിക്കാന് പോലും ഭയമുണ്ടാകുന്നു എന്നാണ് എലിയട്ട് പരാതിയില് പറയുന്നത്.
അതേസമയം, ഹാജര്നില കുറയുന്നത് കുട്ടിയുടെ പഠന പുരോഗതിയെ ബാധിക്കും എന്നതാണ് വിദ്യാഭ്യാസ വകുപ്പിന്റെ നിലപാട്. മാത്രമല്ല,
More »
ഹൗസിംഗ് വിപണിക്ക് ഭീഷണിയായി രാജ്യത്തിന്റെ പെരുകുന്ന കടം; നിയന്ത്രിച്ചില്ലെങ്കില് മോര്ട്ട്ഗേജ് നിരക്കുകള് ഉയരും
ബ്രിട്ടന്റെ ഭവനവിപണിക്ക് ഭീഷണിയായി രാജ്യത്തിന്റെ പെരുകുന്ന കടം. രാജ്യത്തിന്റെ സാമ്പത്തിക പ്രതിസന്ധിയാണ് ഹൗസിംഗ് വിപണിക്ക് പാരയായി മാറുന്നത്. പ്രത്യേകിച്ച് കടം വര്ദ്ധിക്കുന്നതും, സ്റ്റോക്ക് മാര്ക്കറ്റ് തകരാനുള്ള സാധ്യതയും വിപണി ആശങ്കയോടെ നോക്കിക്കാണുന്നു.
ഈ ആശങ്കകള് സത്യമായി മാറിയാല് ബ്രിട്ടനിലെ ഭവനഉടമകള്ക്കും, വീട് വാങ്ങാന് ആഗ്രഹിക്കുന്നവര്ക്കും ഇത് തിരിച്ചടിയായി മാറും. ഗവണ്മെന്റിന് കടമെടുപ്പ് നിയന്ത്രിച്ച് നിര്ത്താന് കഴിയാത്ത നിലയിലാണ്. ഇത് ആഗോള നിക്ഷേപകരുടെ ആത്മവിശ്വാസം നഷ്ടമാകാന് കാരണമാകും. ഇപ്പോള് തന്നെ ഗവണ്മെന്റ് നല്കുന്ന പലിശ നിരക്കുകള് ഉയര്ന്ന നിലയിലാണ്.
പത്ത് വര്ഷത്തെ ഗില്റ്റിന് 4.4 ശതമാനം പലിശയാണ് ഗവണ്മെന്റ് നല്കുന്നത്. നിക്ഷേപകരുടെ ആശങ്ക തുടര്ന്നാല് ഈ പലിശ വീണ്ടും ഉയരും. ഇത് മോര്ട്ട്ഗേജ് നിരക്കുകളും ഉയരുന്നതിലാണ് കലാശിക്കുക. 2022 സെപ്റ്റംബറില് ലിസ്
More »
എന്എച്ച്എസ് കടുത്ത സാമ്പത്തിക പ്രതിസന്ധിയില്; അടിയന്തരമായി മൂന്ന് ബില്യണ് പൗണ്ട് ആവശ്യമെന്ന് മുന്നറിയിപ്പ്
എന്എച്ച്എസ് വന് സാമ്പത്തിക പ്രതിസന്ധിയെ അഭിമുഖീകരിക്കുകയാണെന്നു റിപ്പോര്ട്ടുകള് പുറത്തുവന്നു. ഇതിനെ തുടര്ന്ന് സേവനങ്ങള്ക്കും തൊഴില് അവസരങ്ങള്ക്കും വെട്ടിക്കുറവ് വരാതിരിക്കാന് അധികമായി മൂന്ന് ബില്യണ് പൗണ്ട് കൂടി അനുവദിക്കണമെന്ന് ഹെല്ത്ത് മേധാവികള് ആവശ്യപ്പെട്ടു. വര്ഷാന്ത്യ ബജറ്റില് പിരിച്ചു വിടലുകള്ക്കും സമരങ്ങള്ക്കും മരുന്ന് വിലവര്ധനയ്ക്കുമുള്ള ചെലവുകള് ഉള്പ്പെടുത്തിയിട്ടില്ലെന്ന് എന്എച്ച്എസ് കോണ്ഫെഡറേഷനും എന്എച്ച്എസ് പ്രൊവൈഡേഴ്സും സംയുക്ത പ്രസ്താവനയില് വ്യക്തമാക്കി.
ആരോഗ്യ വകുപ്പ്, ട്രഷറി എന്നിവ തമ്മില് അധിക ഫണ്ടിനെ കുറിച്ച് ചര്ച്ചകള് നടത്തുന്നുണ്ടെന്ന് ആരോഗ്യമന്ത്രി വെസ് സ്റ്റ്രീറ്റിങ് അറിയിച്ചു. ഇതിനിടെ സര്ക്കാര് ആവശ്യപ്പെട്ടിട്ടുള്ള ജീവനക്കാരുടെ വന് തോതിലുള്ള കുറവിനായി ആവശ്യമായ ഒരു ബില്യണ് പൗണ്ട് പോലും വകയിരുത്തിയിട്ടില്ലെന്നാണ് മാനേജര്
More »
ബ്രിട്ടനില് വാടക നിരക്കുകള് റെക്കോര്ഡില്; വരുമാനത്തിന്റെ 44% വാടകയ്ക്കായി ചെലവാകുന്നു
ബ്രിട്ടനില് വാടക ചെലവുകള് നിയന്ത്രണം വിട്ട അവസ്ഥയിലാണെന്ന് റെന്റേഴ്സ് റിഫോം കൊളീഷന്. വരുമാനത്തിന്റെ 44% വരെ വാടകയ്ക്കായി ചെലവാകുന്ന സ്ഥിതിയാണ്. വാടകയ്ക്ക് താമസിക്കുന്നതിനേക്കാള് ലാഭം മോര്ട്ട്ഗേജ് എടുത്ത് സ്വന്തമായി ഒരു വീട് വാങ്ങുന്നതാണെന്ന് തോന്നിപ്പിക്കുന്ന വിധത്തിലാണ് വാടക നിരക്കുകളുടെ കയറ്റം. വാടക നിരക്കുകള് പുതിയ റെക്കോര്ഡ് ഉയരം കീഴടക്കിയെന്നാണ് പുതിയ ഡാറ്റ വ്യക്തമാക്കുന്നത്.
ലണ്ടനില് വാടകയ്ക്ക് നല്കാനായി പരസ്യപ്പെടുത്തിയ വീടുകളുടെ ശരാശരി നിരക്ക് 2736 പൗണ്ടാണ്. ഒരു വര്ഷം മുന്പത്തെ നിരക്കുമായി താരതമ്യം ചെയ്യുമ്പോള് 1.6 ശതമാനമാണ് വര്ധന.
ലണ്ടന് പുറത്തുള്ള വീടുകള്ക്ക് ശരാശരി 1385 പൗണ്ടാണ് വാടക. ഒരു വര്ഷം മുന്പത്തെ കണക്കുകളില് നിന്നും 3.1 ശതമാനമാണ് വര്ദ്ധനവെന്ന് റൈറ്റ്മൂവിന്റെ റെന്റല് ട്രെന്ഡ്സ് ട്രാക്കര് പറയുന്നു. 2020ന് ശേഷം ഏറ്റവും കുറഞ്ഞ വാര്ഷിക വര്ദ്ധനവ്
More »
യുകെയില് നഴ്സുമാര്ക്കെതിരായ വംശീയ അതിക്രമങ്ങള് കുത്തനെ ഉയരുന്നു; മൂന്നു വര്ഷത്തിനിടെ 55% വര്ധന
യുകെയില് നഴ്സുമാര്ക്കെതിരെ വംശീയ അതിക്രമങ്ങള് കുത്തനെ ഉയരുന്നതായുള്ള ഞെട്ടിക്കുന്ന റിപ്പോര്ട്ടുകള് പുറത്തുവന്നു. മൂന്ന് വര്ഷത്തിനിടെ നഴ്സുമാര് നേരിട്ടിട്ടുള്ള വംശീയ പീഡന പരാതികള് 55 ശതമാനം വര്ധിച്ചതായി റോയല് കോളേജ് ഓഫ് നഴ്സിംഗ് (ആര്.സി.എന്) നടത്തിയ പഠനം വ്യക്തമാക്കുന്നു. ഈ വര്ഷം മാത്രം ആയിരത്തിലധികം നഴ്സുമാര് വംശീയതയെ തുടര്ന്ന് സഹായത്തിനായി യൂണിയനുമായി ബന്ധപ്പെട്ടിട്ടുന്നാണ് കണക്ക്. 2022-ല് ഇതേ കാലയളവില് 700 കേസുകളാണ് റിപ്പോര്ട്ട് ചെയ്യപ്പെട്ടത്.
റിപ്പോര്ട്ടില് വിവരിച്ചിരിക്കുന്ന സംഭവങ്ങള് ആരോഗ്യരംഗത്തെ ഗുരുതരമായ യാഥാര്ത്ഥ്യം തുറന്നുകാട്ടുന്നു. ചില നഴ്സുമാര്ക്ക് അവധി നിഷേധിച്ച് മാനേജര്മാരും, മോശം പരാമര്ശങ്ങളുമായി സഹപ്രവര്ത്തകരും നടത്തുന്ന ഒട്ടേറെ ഞെട്ടിക്കുന്ന സംഭവങ്ങള് ആണ് റിപ്പോര്ട്ടില് ഉള്ളത് . രോഗികളും കുടുംബാംഗങ്ങളും നടത്തുന്ന മോശം പരാമര്ശം
More »
ഇംഗ്ലണ്ടില് ഇന്ത്യന് വംശജ ലൈംഗീക അതിക്രമത്തിന് ഇരയായി; വംശീയ പീഡനത്തെ തുടര്ന്നുള്ള ക്രൂര പീഡനം
വടക്കന് ഇംഗ്ലണ്ടില് ഇന്ത്യന് വംശജ എന്നു കരുതപ്പെടുന്ന 20ക്കാരി അതിക്രൂരമായ ലൈംഗിക പീഡനത്തിന് ഇരയായി. സംഭവവുമായി ബന്ധപ്പെട്ട പ്രതി എന്ന് സംശയിക്കുന്നയാളുടെ സിസിടിവി ദൃശ്യങ്ങള് പുറത്തുവന്നു. പ്രതിയെ കണ്ടെത്താന് പോലീസ് ജനങ്ങളുടെ സഹായം തേടി. വംശീയവിദ്വേഷത്തെ തുടര്ന്നുള്ള ക്രൂരമായ ലൈംഗിക പീഡനം എന്നാണ് സംഭവത്തെ വെസ്റ്റ് മിഡ്ലാന്ഡ് പോലീസ് വിശേഷിപ്പിക്കുന്നത്. പ്രതിയെ കണ്ടെത്താന് സാധ്യമായതെല്ലാം ചെയ്യുന്നുണ്ടെന്ന് ഡിറ്റക്റ്റീവ് സൂപ്രണ്ട് റോണന് ടയര് പറഞ്ഞു.
ശനിയാഴ്ച രാത്രി ഏഴരയോടെയാണ് 20 വയസ് പിന്നിട്ട യുവതി അതിക്രമത്തിന് ഇരയായത്. വെളുത്ത വര്ഗക്കാരനായ, 30 വയസോളം പ്രായമുള്ള, മുടി പറ്റെ വെട്ടിയ, ഇരുണ്ട നിറത്തിലുള്ള വസ്ത്രം ധരിച്ചയാളാണ് പ്രതി. സംഭവം നടന്ന സമയത്ത് ഇതുവഴി പോയ കാറുകളില് സ്ഥാപിച്ച ഡാഷ്കാം ദൃശ്യങ്ങളില് ഇത്തരത്തിലുള്ള ആളുടെ ചിത്രം പതിഞ്ഞിട്ടുണ്ടോ എന്ന് പരിശോധിക്കണമെന്ന് പോലീസ്
More »
ലണ്ടനില് മലയാളി വിദ്യാര്ത്ഥിയെ കാണാതായെന്ന് പരാതി; വംശീയ അധിക്ഷേപം നേരിട്ടതായും വിവരം
ലണ്ടന് : യുകെ മലയാളി സമൂഹത്തെ ആശങ്കയിലാഴ്ത്തി മറ്റൊരു മിസിങ് കേസുകൂടി. ലണ്ടനില് മലയാളി വിദ്യാര്ത്ഥിയെ കാണാതായെന്ന് ആണ് പരാതി. ബിര്ക്ക്ബെക്ക് യൂണിവേഴ്സിറ്റിയില് പഠിക്കുന്ന അനുഷ് രാജന് നായര് (23) ഒക്ടോബര് 21 മുതല് കാണാതായതായുള്ള വാര്ത്തകള് പുറത്തുവന്നു.
ടോട്ടന്ഹാമിലെ യുണൈറ്റ് സ്റ്റുഡന്റ്സ് നോര്ത്ത് ലോഡ്ജ് (Unite Students - North Lodge, Tottenham) ഹോസ്റ്റലിലാണ് അനുഷിനെ അവസാനമായി കണ്ടത്. അതിനുശേഷം ഇയാളുമായി ബന്ധപ്പെടാന് ആര്ക്കും കഴിഞ്ഞിട്ടില്ലെന്നാണ് വിവരം.
അനുഷ് താമസിച്ചിരുന്ന ഹോസ്റ്റല് സഹവാസികളില് ചിലരില് നിന്ന് വംശീയ അധിക്ഷേപവും വാക്കാലുള്ള പീഡനവും നേരിട്ടതായി റിപ്പോര്ട്ടുകളുണ്ട്. മൂന്നു ദിവസത്തിലേറെയായി യാതൊരു വിവരവുമില്ലാത്തതിനെ തുടര്ന്ന് സുഹൃത്തുക്കളും സഹപാഠികളും സാമൂഹ്യ മാധ്യമങ്ങളിലൂടെ സഹായം തേടുകയാണ്.
അനുഷിന്റെ കുടുംബാംഗങ്ങള് മകന്റെ സുരക്ഷയെ കുറിച്ച് കടുത്ത ആശങ്കയിലാണ്.
More »
