യു.കെ.വാര്‍ത്തകള്‍

കേരളം മഴക്കെടുതിയിലും പ്രളയത്തിലും മുങ്ങുമ്പോള്‍ യുകെ ചുട്ടുപൊള്ളുകയാണ്. തിങ്കളാഴ്ച മുതല്‍ ഇംഗ്ലണ്ടിലെ മിക്ക പ്രദേശങ്ങളിലും ചൂട് സംബന്ധിച്ച ആരോഗ്യ മുന്നറിയിപ്പ് നല്‍കിയിട്ടുണ്ട്, കാരണം താപനില 30-കളുടെ മധ്യത്തിലുള്ള സെന്റിഗ്രേഡില്‍ എത്തുമെന്ന് പ്രവചിക്കപ്പെടുന്നു. തിങ്കളാഴ്ച തെക്കുകിഴക്കന്‍ മേഖലയില്‍ 35 ഡിഗ്രി സെല്‍ഷ്യസ് വരെ ഉയരുമെന്ന് മെറ്റ് ഓഫീസ് പ്രതീക്ഷിക്കുന്നു, ഗ്രീക്ക് ദ്വീപുകളായ മൈക്കോണോസ്, റോഡ്‌സ്, സാന്റോറിനി എന്നിവയിലെ പ്രവചനത്തേക്കാള്‍ കൂടുതലാണ് ഇത്. മധ്യ, തെക്കന്‍ ഇംഗ്ലണ്ടിന്റെ ഭൂരിഭാഗവും ഉയര്‍ന്ന താപനില കാണാന്‍ സാധ്യതയുണ്ട്, തുടര്‍ന്ന് ആഴ്ചയുടെ അവസാനത്തില്‍ താപനില അല്‍പ്പം കുറയും. തിങ്കളാഴ്ച രാവിലെ 9 മണി മുതല്‍ 48 മണിക്കൂര്‍ നേരത്തേക്ക് ഈസ്റ്റ് മിഡ്‌ലാന്‍ഡ്‌സ്, ഈസ്റ്റ് ഓഫ് ഇംഗ്ലണ്ട്, സൗത്ത് ഈസ്റ്റ്, ലണ്ടന്‍ മേഖലകളില്‍ രണ്ടാമത്തെ ഏറ്റവും ഗുരുതരമായ അംബര്‍ അലേര്‍ട്ടുകള്‍ യുകെ

ജീവിതച്ചെലവ് പ്രതിസന്ധിയില്‍ നട്ടംതിരിയുന്ന കുടുംബങ്ങള്‍ക്കുള്ള സഹായം വരുമെന്ന് ആവര്‍ത്തിച്ച് പ്രധാനമന്ത്രി ആന്‍ഡി ബേണ്‍ഹാം. റെയില്‍ നിരക്കുകളും, ഗ്രോസറി, പെട്രോള്‍ വിലകളും ആശങ്കയ്ക്ക് കാരണമാകുന്നതായി ലേബര്‍ ചൂണ്ടിക്കാണിക്കുന്നു. തന്റെ പ്രധാന ചുമതലയാണ് ജനങ്ങള്‍ നേരിടുന്ന സാമ്പത്തിക സമ്മര്‍ദം കുറയ്ക്കുന്നതെന്ന് പ്രധാനമന്ത്രി പറഞ്ഞു. 'ആറാഴ്ച മുന്‍പ് ഞാന്‍ മുട്ടിയ വാതിലുകള്‍ക്ക് അപ്പുറത്തുണ്ടായ ആളുകള്‍ നേരിടുന്ന ബുദ്ധിമുട്ട് പരിഹരിക്കാനാണ് എന്നെ അയച്ചത്. ഒരു ഡ്രിങ്കിനോ, കുട്ടികളുമായി പുറത്ത് പോകാനോ, ഹോളിഡേയ്‌ക്കോ പറ്റാത്ത സ്ഥിതിയാണ്. ഡൗണിംഗ് സ്ട്രീറ്റിലെത്തുമ്പോള്‍ എന്റെ ചെവിയില്‍ ഉള്ളതും ഇതാണ്', പ്രധാനമന്ത്രി പറഞ്ഞു. സൂപ്പര്‍മാര്‍ക്കറ്റുകളും, പെട്രോള്‍ സ്‌റ്റേഷനും ഉപഭോക്താക്കളെ പിടിച്ചുപറിക്കുന്നതിനെതിരെ ജാഗ്രത പാലിക്കുമെന്ന് ചാന്‍സലര്‍ ജോണ്‍ ഹീലി പറഞ്ഞു. ഇറാനില്‍ നടക്കുന്ന

ലണ്ടന്‍ : വേനലവധി കൂടുതല്‍ ആഘോഷമാക്കാന്‍ ഇംഗ്ലണ്ടിലെ കുട്ടികള്‍ക്ക് ആഗസ്റ്റ് മാസം മുഴുവന്‍ സൗജന്യ ബസ് യാത്ര. സ്‌കൂള്‍ വേനലവധിക്കാലത്ത് കുടുംബങ്ങള്‍ക്ക് മേല്‍ ഉണ്ടാകുന്ന സാമ്പത്തിക സമ്മര്‍ദ്ദം കുറച്ചെങ്കിലും കുറയ്ക്കുക എന്ന ഉദ്ദേശ്യത്തോടെ നടപ്പിലാക്കിയിരിക്കുന്ന പദ്ധതിയാണിത്. ആഗസ്റ്റ് മാസം മുഴുവന്‍, ലോക്കല്‍ ബസ്സുകളില്‍ 16 വയസ്സില്‍ താഴെയുള്ള ഒട്ടുമിക്ക കുട്ടികള്‍ക്കും പണം നല്‍കേണ്ടി വരില്ലെന്ന് ഗതാഗത വകുപ്പ് വ്യക്തമാക്കിയിട്ടുണ്ട്. സൗജന്യ യാത്രവഴി എത്തിച്ചേരാവുന്ന സ്ഥലങ്ങളുടെ പട്ടിക ഇതിനോടകം തന്നെ ഗതാഗത വകുപ്പ് തയ്യാറാക്കിയിട്ടുണ്ട്. യോര്‍ക്ക് ഡണ്‍ഗിയോണ്‍, വിന്‍ഡ്‌സര്‍ കാസില്‍, ലെസ്റ്ററിലെ നാഷണല്‍ സ്‌പേസ് സെന്റര്‍ എന്നിവ ഇതില്‍ ഉള്‍പ്പെടുന്നു. നിലവില്‍ 5 മുതല്‍ 15 വയസ്സുവരെയുള്ള കുട്ടികള്‍ക്ക് ഈടാക്കുന്ന ബസ്സ് ചാര്‍ജ്ജ് 1 മുതല്‍ 2 പൗണ്ട് വരെയാണ്. അഞ്ച് വയസ്സില്‍ താഴെയുള്ള കുട്ടികള്‍ക്ക്

യുകെയിലെ ഇന്ത്യന്‍ സമൂഹത്തിന് നിരാശയുണ്ടാക്കി ഹീത്രൂവില്‍ നിന്നും മാഞ്ചസ്റ്ററില്‍ നിന്നുമുള്ള ഇന്‍ഡിഗോ സര്‍വീസുകള്‍ നിര്‍ത്തുന്നു. ഇറാന്‍- യുഎസ് വിഷയങ്ങള്‍ ഉള്‍പ്പെടെ വ്യോമയാന പ്രതിസന്ധികള്‍ ഇതിന് കാരണമായി ഇന്‍ഡിഗോ പറയുന്നു. വരുന്ന ഒക്ടോബര്‍ 25 മുതലാണ് സര്‍വീസുകള്‍ നിര്‍ത്തുക. നഷ്ടം ഉയരുന്നതോടെയാണ് ഇന്‍ഡിഗോ കടുത്ത തീരുമാനത്തില്‍ എത്തിയത്. യു കെ സര്‍വ്വീസുകള്‍ക്കായി ഉപയോഗിച്ചിരുന്ന എയര്‍ബസ് എ 321 എക്സ് എല്‍ ആര്‍ വിമാനം ഉപയോഗിച്ച് മുംബൈ - ആംസ്റ്റര്‍ഡാം സര്‍വീസ് തുടരുമെന്നും അവര്‍ അറിയിച്ചിട്ടുണ്ട്. എയര്‍ബസ് എ 350 - 900 വിമാനം ലഭിക്കുന്നതുവരെ ലണ്ടന്‍ ഹീത്രൂവിലേക്കുള്ളതും അവിടെ നിന്നുള്ളതുമായ സര്‍വ്വീസുകള്‍ താത്ക്കാലികമായി നിര്‍ത്തും. മാഞ്ചസ്റ്ററില്‍ നിന്നുള്ളതും മാഞ്ചസ്റ്ററിലേക്കുള്ളതുമായ സര്‍വ്വീസുകള്‍ ആഗസ്റ്റ് 31 മുതല്‍ നിര്‍ത്തലാക്കുമെന്നും കമ്പനി അറിയിച്ചിട്ടുണ്ട്.

ധനകാര്യ മന്ത്രി ജോണ്‍ ഹീലി തന്റെ ആദ്യ ബജറ്റ് ഒക്ടോബര്‍ 28 ന് അവതരിപ്പിക്കും. വീഡിയോ സന്ദേശത്തിലൂടെയാണ് പ്രഖ്യാപനം നടത്തിയത്. അധികാരം രാജ്യത്തെ എല്ലാ പ്രദേശങ്ങളിലേക്കും എത്തിക്കുന്ന ബജറ്റായിരിക്കും ഇത്. ധനകാര്യ അച്ചടക്കം ഉറപ്പാക്കുകയും സാമ്പത്തിക ചട്ടങ്ങള്‍ കര്‍ശനമായി പാലിക്കുകയും ചെയ്യും. കുടുംബങ്ങള്‍ക്കും ബിസിനസുകള്‍ക്കും ഗുണകരമാകുന്ന ബജറ്റാണ് ലക്ഷ്യം,' എന്ന് ഹീലി പറഞ്ഞു. ഇതിനിടെ, പ്രധാനമന്ത്രി ആന്‍ഡി ബേണ്‍ഹാമും ധനമന്ത്രി ജോണ്‍ ഹീലിയും മന്ത്രിസഭാംഗങ്ങള്‍ക്ക് സംയുക്ത കത്ത് അയച്ചതായി ദിടൈംസ് റിപ്പോര്‍ട്ട് ചെയ്യുന്നു. പുതിയ പദ്ധതികള്‍ പ്രഖ്യാപിക്കുമ്പോഴും നിലവിലുള്ള വകയിരുത്തലുകള്‍ക്കുള്ളില്‍ തന്നെ ചെലവുകള്‍ നിയന്ത്രിക്കണമെന്ന് മന്ത്രിമാര്‍ക്ക് നിര്‍ദേശം നല്‍കിയതായാണ് റിപ്പോര്‍ട്ട്. ഇറാനിലെ യുദ്ധത്തെ തുടര്‍ന്ന് ആഗോളതലത്തില്‍ പണപ്പെരുപ്പവും സര്‍ക്കാര്‍ വായ്പാ ചെലവും ഉയരുന്ന സാഹചര്യത്തിലും

സ്പാനിഷ് അതിര്‍ത്തി ഭേദിച്ച് യൂറോപ്യന്‍ യൂണിയനിലേക്ക് പ്രവേശിച്ച ആയിരക്കണക്കിന് ആഫ്രിക്കന്‍ കുടിയേറ്റക്കാര്‍ യുകെയിലേക്ക് എത്തുമെന്ന് ആശങ്ക. ഒരൊറ്റ ദിവസം കൊണ്ട് 60,000-ഓളം പേര്‍ അതിര്‍ത്തി ഭേദിച്ച് എത്തിയതോടെയാണ് സ്പാനിഷ് ബോര്‍ഡര്‍ അധികൃതര്‍ക്ക് ഇവരെ തടഞ്ഞുനിര്‍ത്താന്‍ കഴിയാതെ പോയത്. കാര്യങ്ങള്‍ കൈവിട്ടതോടെ സ്പാനിഷ് അതിര്‍ത്തികളില്‍ പട്ടാളം ഇറങ്ങി. അനധികൃത കുടിയേറ്റക്കാര്‍ വന്‍തോതില്‍ യൂറോപ്യന്‍ യൂണിയന്‍ മേഖലയിലേക്ക് എത്തിയതോടെ അധികം വൈകാതെ ഇവര്‍ യുകെയിലേക്കും പ്രവേശിക്കാന്‍ ശ്രമിക്കുമെന്നാണ് മുന്നറിയിപ്പ്. ബ്രിട്ടന്റെ അതിര്‍ത്തി സംരക്ഷണം കര്‍ശനമാക്കാന്‍ കണ്‍സര്‍വേറ്റീവുകളും, റിഫോം യുകെയും മുന്നറിയിപ്പ് നല്‍കി. സ്‌പെയിനിലെത്തിയ കുടിയേറ്റക്കാരില്‍ നല്ലൊരു ശതമാനവും യുകെയിലേക്ക് പ്രവേശിക്കാന്‍ ശ്രമിക്കുമെന്ന് മുന്‍ ഹോം സെക്രട്ടറി പ്രീതി പട്ടേല്‍ ചൂണ്ടിക്കാണിച്ചു. ഇംഗ്ലീഷ്

യുകെയില്‍ ചെറുപ്പക്കാരില്‍ ഭൂരിഭാഗവും പഠിക്കുകയോ ജോലി ചെയ്യുകയോ ചെയ്യാതിരിക്കുന്ന അവസ്ഥ രാജ്യത്തെ കടുത്ത സമ്മര്‍ദ്ദത്തിലാക്കുന്നു. ഇപ്പോഴിതാ രാജ്യത്ത് നിരവധി പ്രദേശങ്ങളില്‍ കഴിഞ്ഞ വര്‍ഷം തൊഴിലില്ലായ്മ വര്‍ധിച്ചതായി പുതിയ കണക്കുകള്‍ വ്യക്തമാക്കുന്നു. കൂടുതല്‍ കുടുംബങ്ങള്‍ സാമ്പത്തികമായി സമ്മര്‍ദ്ദത്തിലാണെന്നും ഓാഫീസ് ഫോര്‍ നാഷണല്‍ സ്റ്റാറ്റിസ്റ്റിക്‌സ് പുറത്തിറക്കിയ റിപ്പോര്‍ട്ട് ചൂണ്ടിക്കാട്ടുന്നു. 2025-ല്‍ രാജ്യത്തെ 53 ശതമാനം പ്രദേശങ്ങളിലാണ് തൊഴിലില്ലായ്മ നിരക്ക് ഉയര്‍ന്നത്. തൊഴിലെടുക്കുന്ന ഒരാള്‍ പോലും ഇല്ലാത്ത കുടുംബങ്ങളുടെ അനുപാതത്തില്‍ ഏറ്റവും വലിയ വര്‍ധനവ് രേഖപ്പെടുത്തിയത് സ്‌കോട്ട്ലാന്‍ഡിലെ ഇന്‍വര്‍ക്ലൈഡ് മേഖലയിലാണ്. 2024-ല്‍ ഇത്തരം കുടുംബങ്ങളുടെ വിഹിതം 26.3 ശതമാനമായിരുന്നത്, 2025-ല്‍ 28.1 ശതമാനമായി ഉയര്‍ന്നു.തെക്കന്‍ വെയില്‍സിലെ റോണ്ടാ സൈനണ്‍ ടാഫ് , മര്‍തിര്‍ ടിഡ്ഫില്‍ തുടങ്ങിയ

മതിയായ യോഗ്യതയില്ലാത്തവര്‍ 'നഴ്സ് ' എന്ന പദവി ഉപയോഗിക്കുന്നത് തടയാന്‍ യുകെ സര്‍ക്കാര്‍നടപടി തുടങ്ങി. ഇതിനായി തെളിവെടുപ്പും പൊതുജനാഭിപ്രായ ശേഖരണവും ആരംഭിച്ചു. നഴ്സ് പദവി ദുരുപയോഗം ചെയ്യുന്നത് രോഗികളുടെ സുരക്ഷയെ അപകടത്തിലാക്കുന്നുവെന്നും അതിനാല്‍ യോഗ്യതയുള്ളവര്‍ക്ക് മാത്രമായി ആ പദവി പരിമിതപ്പെടുത്തുന്നതിനുള്ള നടപടികളാണ് പരിഗണിക്കുന്നതെന്നും സര്‍ക്കാര്‍ അറിയിച്ചു. ഇതിനായി ഏത് ആരോഗ്യവിഭാഗക്കാര്‍ക്ക് നഴ്സ് എന്ന പേര് ഉപയോഗിക്കാമെന്ന് പുനഃപരിശോധിക്കുമെന്നും വ്യക്തമാക്കി. ഫുട്ബോള്‍ പരിശീലകന്‍ സ്റ്റീവ് ബ്രൂസിന്റെ നാലുമാസം പ്രായമായ പേരക്കുട്ടി മാഡിസണ്‍ ബ്രൂസ് സ്മിത്തിന്റെ മരണവുമായി ബന്ധപ്പെട്ട കേസാണ് വിഷയത്തെ ദേശീയതലത്തില്‍ ശ്രദ്ധേയമാക്കിയത്. കുഞ്ഞിനെ പരിചരിക്കാന്‍ നിയമിച്ചിരുന്ന നഴ്സിന് അടിസ്ഥാന പ്രഥമശുശ്രൂഷ പരിശീലനം മാത്രമേ ഉണ്ടായിരുന്നുള്ളൂ. കുഞ്ഞിനെ കമിഴ്ത്തി കിടത്തി ഉറക്കാന്‍ നല്‍കിയ

യുകെയിലെ ആശുപത്രികളുടെ എമര്‍ജന്‍സി വിഭാഗങ്ങളില്‍ പ്രായമായ രോഗികള്‍ക്ക് കൂടുതല്‍ സമയം കാത്തിരിക്കേണ്ടിവരുന്നതായി റിപ്പോര്‍ട്ട് . 80 വയസിന് മുകളിലുള്ള രോഗികളില്‍ 43 ശതമാനം പേരും അത്യാഹിത വിഭാഗത്തിലെത്തിയത് മുതല്‍ ആശുപത്രി വാര്‍ഡിലേക്ക് പ്രവേശിപ്പിക്കപ്പെടുന്നതുവരെ 12 മണിക്കൂറിലേറെ കാത്തിരിക്കേണ്ടിവന്നതായി കണ്ടെത്തി. അതേസമയം, 21 മുതല്‍ 30 വയസ്സ് വരെയുള്ളവരില്‍ ഇത് 19 ശതമാനം മാത്രമാണ്. പ്രത്യേകിച്ച് 81 വയസും അതിന് മുകളിലും പ്രായമുള്ളവരില്‍ 40 ശതമാനം പേര്‍ക്ക് ചികിത്സ ലഭിക്കാന്‍ 12 മണിക്കൂറിലധികം കാത്തിരിക്കേണ്ടി വരുന്നതായും റിപ്പോര്‍ട്ട് വ്യക്തമാക്കുന്നു. ശ്വാസതടസ്സം അല്ലെങ്കില്‍ ശ്വാസകോശ സംബന്ധമായ അസുഖങ്ങളുള്ളവരില്‍ 36 ശതമാനം പേര്‍ക്ക് 12 മണിക്കൂറിലേറെ കാത്തിരിക്കേണ്ടിവന്നു. ദഹനവ്യവസ്ഥയുമായി ബന്ധപ്പെട്ട രോഗങ്ങളില്‍ 27 ശതമാനവും, നാഡീവ്യവസ്ഥ സംബന്ധമായ രോഗങ്ങളില്‍ 36 ശതമാനവും സമാനമായ കാലതാമസം നേരിട്ടു.