വരും ദിവസങ്ങളില് യുകെ നേരിടേണ്ടത് ശക്തമായ കാറ്റും മഴയും; മുന്നറിയിപ്പുമായി മെറ്റ് ഓഫീസ്
ബ്രിട്ടന്റെ പല ഭാഗങ്ങളിലും വനലിനു പരിസമാപ്തി കുറിച്ച് വരും ദിവസങ്ങളില് കനത്ത കാറ്റും മഴയുമായിരിക്കുമെന്ന് മെറ്റ് ഓഫീസ്. പലയിടങ്ങളിലും യെല്ലോ വാര്ണിംഗും നല്കിയിട്ടുണ്ട്. വെള്ളപ്പൊക്കത്തിനുള്ള സാധ്യതയും തള്ളിക്കളയാന് ആവില്ല. ഇന്നലെ മുതല് പ്രാബല്യത്തില് വന്ന മുന്നറിയിപ്പ് വെള്ളിയാഴ്ച വരെ നിലനില്ക്കും. പ്രധാനമായും ഇംഗ്ലണ്ടിന്റെ തെക്കന് ഭാഗങ്ങളിലും വെയ്ല്സിലുമായിരിക്കും മുന്നറിയിപ്പ് നിലനില്ക്കുക.
മഴയെത്തുന്നതോടെ താപനില 20 ഡിഗ്രി സെല്ഷ്യസിന് താഴേക്ക് വരും. ഇന്ന് പകലോടെ മഴ കൂടുതല് ശക്തവും വ്യാപകവുമാകുമെന്നാന് പ്രവചനം. കുറവ് സമയത്തിനുള്ളില് വലിയ തോതില് മഴ ലഭിക്കുന്നതിനാല് ചിലയിടങ്ങളില് വെള്ളപ്പൊക്കത്തിനും സാധ്യതയുണ്ട്. ഇത് ചില റോഡുകളിലെങ്കിലും ഡ്രൈവിംഗ് ദുഷ്കരമാക്കും. ട്രെയിന് ഗതാഗതവും ചിലയിടങ്ങളില് തടസ്സപ്പെട്ടേക്കാം.
വൈകിട്ടോടെ പല ഭാഗങ്ങളിലും മഴ കൂടുതല് ശക്തമാവും. ഇത്
More »
29 മുതല് ആമസോണ് ജോലിക്കാര്ക്ക് മണിക്കൂറിന് 14.50 പൗണ്ട് വരെ ശമ്പളം
മലയാളികളടക്കമുള്ള ബ്രിട്ടനിലെ ആമസോണ് ജീവനക്കാര്ക്ക് 10 ശതമാനത്തിനടുത്ത് വരെ വേതന വര്ദ്ധനവ് പ്രഖ്യാപിച്ച് കമ്പനി. ശമ്പള വര്ദ്ധനവും തൊഴില് സാഹചര്യങ്ങളുമായി ബന്ധപ്പെട്ട് ആവശ്യങ്ങള് ഉന്നയിക്കാന് ജി എം ബി ട്രേഡ് യൂണിയന് തയ്യാറെടുക്കുന്നതിനിടയിലാണ് ഈ അപ്രതീക്ഷിത നീക്കം. ഈ വര്ദ്ധന നിലവില് വരുന്നതോടെ ഏറ്റവും കുറഞ്ഞ വേതന നിരക്ക് മണിക്കൂറില് 9.8 ശതമാനം എന്നതില് നിന്നും 13.50 പൗണ്ടിനും 14.50 പൗണ്ടിനും ഇടയിലെത്തുമെന്ന് ആമസോണ് വ്യക്തമാക്കി. ചുരുങ്ങിയത് മൂന്ന് വര്ഷമെങ്കിലും പ്രവൃത്തി പരിചയമുള്ളവര്ക്ക് ഇത് 13.75 പൗണ്ടിനും 14.75 പൗണ്ടിനും ഇടയിലായിരിക്കും.
ആമസോണിലെ ആയിരക്കണക്കിന് ജീവനക്കാര്ക്ക് സെപ്റ്റംബര് 29 മുതലാണ് പുതുക്കിയ ശമ്പള നിരക്ക് പ്രാബല്യത്തില് വരിക. ആമസോണിന്റെ യു കെയിലെ ഫുള്ഫില്മെന്റ് കേന്ദ്രങ്ങളില് ജോലി ചെയ്യുന്നവര്ക്കും ഈ വര്ദ്ധനവ് ബാധകമാവും. അടുത്ത കാലത്തായി യു കെയിലെ ആമസോണ് ജീവനക്കാര്
More »
ജീവിതത്തിലും മരണത്തിലും ഒരുമിച്ച്: അനില്-സോണിയ ദമ്പതികളുടെ അന്ത്യവിശ്രമം റെഡ്ഡിച്ചില്; സംസ്കാരം സെപ്റ്റംബര് 14ന്
റെഡ്ഡിച്ചിലെ മലയാളി സമൂഹത്തെ വേദനയിലാഴ്ത്തി വിടപറഞ്ഞ അനില് ചെറിയാന്- സോണിയ ദമ്പതികള്ക്ക് റെഡ്ഡിച്ചില് തന്നെ ഒന്നിച്ചു അന്ത്യവിശ്രമമൊരുങ്ങും. പൊതുദര്ശനവും സംസ്കാരവും സെപ്റ്റംബര് 14ന് നടത്തും. ഉച്ചയ്ക്ക് പന്ത്രണ്ടു മണിയോടെ ഔര് ലേഡി ഓപ് മൌണ്ട് കാര്മല് ആര്.സി ചര്ച്ചില് ആരംഭിക്കുന്ന പൊതു ദര്ശനത്തിനും ശ്രൂഷകള്ക്കും ശേഷം റെഡ്ഡിച്ച് ബറോ സെമിത്തേരിയിലായിരിക്കും സംസ്കാരം. ചടങ്ങുകള്ക്ക് ഫാ. സാബി മാത്യു കാര്മികത്വം വഹിക്കും.
ഓഗസ്റ്റ് 18നായിരുന്നു സോണിയ അനിലിന്റെ (39) ആകസ്മിക വിയോഗം. കാലിലെ ശസ്ത്രക്രിയയ്ക്കായി നാട്ടില് പോയി മടങ്ങിയെത്തിയ സോണിയ എയര്പോര്ട്ടില് നിന്നും വീട്ടിലെത്തി ഒരു മണിക്കൂര്പോലും തികയുന്നതിനിടെ കുഴഞ്ഞുവീണ് മരിക്കുകയായിരുന്നു. ഭര്ത്താവ് അനിലിന്റെ കൈയിലേക്ക് കുഴഞ്ഞുവീണാണ് സോണിയ ജീവന് വെടിഞ്ഞത്. രണ്ടു കുട്ടികളെയും തന്നെയും തനിച്ചാക്കിയുള്ള സോണിയയുടെ വിയോഗം താങ്ങാനാകാതെ
More »
ഇന്ത്യക്കാരനായ വൃദ്ധന്റെ കൊലയ്ക്കു പിന്നാലെ ബ്രിസ്റ്റോളില് കറുത്ത എന്എച്ച്എസ് ജീവനക്കാരനെ കാറിടിച്ച് വീഴ്ത്തിയ സംഭവവും
ബ്രിട്ടനില് വംശീയ ആക്രമണങ്ങള് ആശങ്ക സൃഷ്ടിക്കുന്നു. കഴിഞ്ഞ ദിവസമാണ് 80 വയസുള്ള ഇന്ത്യന് വംശജന് വംശവെറിയന്മാരായ കുട്ടികളുടെ കൈകളില് നിന്നും ദാരുണാന്ത്യം ഏറ്റുവാങ്ങേണ്ടി വന്നത്. ലെസ്റ്ററില് 80-കാരനായ ഇന്ത്യന് വംശജന് ഭീം സെന് കോഹ്ലി വീടിന് തൊട്ടടുത്തുള്ള പാര്ക്കില് നായയുമായി നടക്കാനിറങ്ങിയതിന് പിന്നാലെയാണ് അക്രമത്തിന് ഇരയായി കൊല്ലപ്പെട്ടത്. കേസില് 14-കാരനെതിരെ പോലീസ് കൊലക്കുറ്റം ചുമത്തി.
ഇപ്പോഴിതാ മറ്റൊരു കേസുകൂടി പുറത്തുവരുന്നു. ജോലി കഴിഞ്ഞു വീട്ടിലേക്ക് മടങ്ങിയ കറുത്ത വര്ഗക്കാരനായ എന്എച്ച്എസ് ജീവനക്കാരനെ മനഃപ്പൂര്വ്വം കാര് ഇടിച്ചുകയറ്റിയ സംഭവത്തിലാണ് കൂടുതല് വിവരങ്ങള് പുറത്തുവന്നിരിക്കുന്നത്.
പരുക്കേറ്റ് നിലത്ത് വീണ് കിടന്ന 25-കാരനായ കാറ്റുന്ഗുവാ ജിതെന്തെരോയെ മാസ്ക് അണിഞ്ഞ അക്രമിക്കൂട്ടം വംശവെറി നിറഞ്ഞ അസഭ്യങ്ങള് വിളിച്ച് സ്ഥലംവിടുകയായിരുന്നുവെന്ന് കോടതിയില്
More »
ഇംഗ്ലീഷ് ലാംഗ്വേജ് ടെസ്റ്റിന് പുതിയ മാറ്റങ്ങള് വരുത്തി നേരിട്ട് നിയന്ത്രിക്കാന് ഹോം ഓഫീസ്
ഇംഗ്ലീഷ് ലാംഗ്വേജ് ടെസ്റ്റിന് പുതിയ മാറ്റങ്ങള് വരുത്തി നേരിട്ടുള്ള നിയന്ത്രണത്തിലാക്കാന് പദ്ധതികളുമായി യു കെ ഹോം ഓഫീസ്. നിലവിലെ, ഹോം ഓഫീസ് അംഗീകാരമുള്ള ഒന്നിലധികം ഏജന്സികള് നടത്തുന്ന മാതൃകക്ക് പകരം, ഒരേയൊരു ഏജന്സി രൂപകല്പന ചെയ്ത ഹോം ഓഫീസിന്റെ അധികാര പരിധിയിലുള്ള ടെസ്റ്റായിരിക്കും ഇനി മുതല് ഉണ്ടാവുക. ഏകദേശം 1.13 ബില്യന് പൗണ്ട് കരാര് മൂല്യം കണക്കാക്കുന്ന ഈ ടെസ്റ്റ് രണ്ട് സര്വ്വീസ് ലൈനുകളായിട്ടാകും നടത്തുക. ആഗോള തലത്തില് ഉപയോഗിക്കുന്നതിനുള്ള ഹോം ഓഫീസ് ബ്രാന്ഡഡ് ടെസ്റ്റും അതോടൊപ്പം ലോകത്താകെ ടെസ്റ്റ് നടത്തുന്നതിനുള്ള സൗകര്യമൊരുക്കലും. നിലവിലുള്ള മള്ട്ടിപ്പിള് എക്സാം ചോദ്യ മോഡലുകള്ക്ക് പകരം യു കെ ഹോം ഓഫീസ് ബ്രാന്ഡഡ് മോഡലില് കൂടുതല് ആഴത്തിലുള്ള ടെസ്റ്റിംഗ് രീതിയായിരിക്കും.
ടെസ്റ്റിനായി ബുക്ക് ചെയ്യുക, ഫലം അറിയാന് കഴിയുക, ഫിസിക്കല് ടെസ്റ്റ് സെന്ററുകള്, നിരീക്ഷകര്, ഐ ഡി വെരിഫിക്കേഷന്
More »
വീട് വാങ്ങാനും ഇനി ധനസഹായം ലഭിക്കില്ല! റൈറ്റ് ടു ബൈ സ്കീം എടുത്തുകളയാന് ഹൗസിംഗ് സെക്രട്ടറി
ലോക്കല് അതോറിറ്റികളുടെ ധനക്കമ്മി പരിഗണിച്ചു വീട് വാങ്ങാനുള്ള ധനസാഹായമായ റൈറ്റ് ടു ബൈ സ്കീം എടുത്തുകളയാന് ഹൗസിംഗ് സെക്രട്ടറി ആഞ്ചെല റെയ്നര് നടപടി സ്വീകരിക്കുമെന്ന് റിപ്പോര്ട്ട്.
പുതിയ കൗണ്സില് ഭവനങ്ങള്ക്ക് റൈറ്റ് ടു ബൈ സ്കീം റദ്ദാക്കണമെന്നാണ് നൂറിലേറെ ലോക്കല് അതോറിറ്റികള് സര്ക്കാരിനോട് ആവശ്യപ്പെട്ടിരിക്കുന്നത്.
സ്വന്തം കൗണ്സില് ഭവനം വാങ്ങാനായി റെയ്നറെ സഹായിച്ച സ്കീമാണ് മറ്റ് ജനങ്ങള്ക്ക് മുന്നില് ഇവര് അവസാനിപ്പിക്കാന് തയ്യാറെടുക്കുന്നത് എന്നതാണ് വിരോധാഭാസം. 2.2 ബില്ല്യണ് പൗണ്ടിന്റെ ധനക്കമ്മി നേരിടുന്ന ലോക്കല് അതോറിറ്റികള് സമ്മര്ദം ചെലുത്താന് തുടങ്ങിയതോടെയാണ് ഈ സ്കീമിന് മരണമണി മുഴങ്ങിയത്.
1980-ല് മാര്ഗററ്റ് താച്ചര് ആരംഭിച്ച സ്കീം റദ്ദാക്കുന്നതിനെ കുറിച്ച് ആലോചിക്കാനായി ഹൗസിംഗ് സെക്രട്ടറി അഭിപ്രായസ്വരൂപണം നടത്തുന്നതായാണ് സൂചന. കഴിഞ്ഞ മാസം
More »
ലെസ്റ്ററില് വളര്ത്തുനായയുമായി നടക്കാനിറങ്ങിയ ഇന്ത്യന് വംശജനെ കല്ലെറിഞ്ഞ് കൊന്നു; അറസ്റ്റിലായത് 12, 14 വയസുകാര്!
ബ്രിട്ടനിലെ ഏഷ്യന് വംശജര്ക്ക് നേരെ നടക്കുന്ന വംശീയ ആക്രമണത്തിന്റെ ഏറ്റവും ഒടുവിലത്തെ രക്തസാക്ഷിയായി 80-കാരനായ ഇന്ത്യന് വംശജന്. വീടിന് സമീപമുള്ള പാര്ക്കില് തന്റെ നായയ്ക്കൊപ്പം നടക്കാനിറങ്ങിയ ഭീം സെന് കോഹ്ലിയെയാണ് അഞ്ച് കൗമാരക്കാര് ചേര്ന്ന് കല്ലെറിഞ്ഞ് കൊന്നു. എന്നാല് അറസ്റ്റിലായ ഒരാളൊഴികെ മറ്റുള്ളവരെ കുറ്റങ്ങള് ചുമത്താതെ വിട്ടയച്ചതായി പോലീസ് പറഞ്ഞു.
ലെസ്റ്ററിലെ ബ്രൗണ്സ്റ്റോണ് ടൗണിലെ ഫ്രാങ്ക്ളിന് പാര്ക്കില് നായയുമായി നടക്കവെയായിരുന്നു ഒരു സംഘം കൗമാരക്കാര് 80-കാരനെ ഗുരുതരമായി അക്രമിച്ചത്. ഞായറാഴ്ച വൈകുന്നേരം നടന്ന അക്രമത്തിന് ശേഷം ആശുപത്രിയിലായിരുന്ന കോഹ്ലി ഇന്നലെ രാത്രി മരണത്തിന് കീഴടങ്ങി.
അഞ്ച് കുട്ടികളാണ് സംഭവത്തില് അറസ്റ്റിലായതെന്ന് ലെസ്റ്റര്ഷയര് പോലീസ് സ്ഥിരീകരിച്ചു. 14 വയസ്സുള്ള ഒരു ആണ്കുട്ടിക്കും, പെണ്കുട്ടിക്കും പുറമെ 12 വയസ്സുള്ള രണ്ട് പെണ്കുട്ടികളും,
More »
ഇസ്രയേലിനുള്ള ആയുധ കയറ്റുമതിയില് ഭാഗിക വിലക്ക് കൊണ്ടുവന്ന് ബ്രിട്ടന്റെ പ്രകോപനം
ഹമാസിനെതിരെ ഗാസയില് ഇസ്രയേല് നടത്തുന്ന യുദ്ധം തുടരുമ്പോള് നിലപാട് മാറ്റി യുകെ. ഇസ്രയേലിനുള്ള ആയുധ വില്പ്പനയില് ഭാഗിക സസ്പെന്ഷനുകള് ഏര്പ്പെടുത്തിയാണ് ബ്രിട്ടന് വ്യക്തമായ നിലപാട് മാറ്റം പ്രകടമാക്കുന്നത്. ഉപകരണങ്ങള് അന്താരാഷ്ട്ര നിയമങ്ങളുടെ ലംഘനത്തിനായി ഉപയോഗിക്കാനുള്ള സാധ്യതയുണ്ടെന്നാണ് ഫോറിന് സെക്രട്ടറി ഡേവിഡ് ലാമി വ്യക്തമാക്കുന്നത്.
ഈ റിവ്യൂ മുന്നിര്ത്തി ഇസ്രയേലിനുള്ള 350 ആയുധ കയറ്റുമതിയില് 30 എണ്ണം സസ്പെന്ഡ് ചെയ്യുന്നതായാണ് ഫോറിന് സെക്രട്ടറി അപ്രതീക്ഷിതമായി പ്രഖ്യാപിച്ചത്. യുദ്ധവിമാനങ്ങള്, ഹെലികോപ്റ്റര്, ഡ്രോണ് എന്നിവയുടെ ഭാഗങ്ങള് കയറ്റുമതി ചെയ്യുന്നതിനെ വിലക്ക് ബാധിക്കും.
എന്നാല് ബ്രിട്ടന്റെ സന്ദേശം തെറ്റായ സന്ദേശമാണ് നല്കുന്നതെന്ന് ഇസ്രയേല് മന്ത്രി പറഞ്ഞു. ഇസ്രയേലിന്റെ സ്വയം പ്രതിരോധത്തിന് യുകെ പിന്തുണ തുടരുമെന്നും, ആയുധങ്ങള് നല്കുന്നത്
More »
യുകെയില് സ്മാര്ട്ട്ഫോണ് മോഷ്ടാക്കള് വിലസുന്നു; റോഡിലൂടെ പോകുന്നവര്ക്ക് ജാഗ്രതാ നിര്ദ്ദേശം
യുകെയില് വിലപിടിച്ച സ്മാര്ട്ട്ഫോണുകള് ലക്ഷ്യമിട്ടു മോഷ്ടാക്കള് വിലസുന്നു. സ്മാര്ട്ട്ഫോണുകള് കൈക്കലാക്കാന് ലക്ഷ്യമിട്ട് ദിവസവും തെരുവിലിറങ്ങുന്ന മോഷ്ടാക്കള് പെരുകുകയാണ് എന്നാണ് റിപ്പോര്ട്ട്. ദിവസേന ബ്രിട്ടനില് ഏകദേശം 200 സ്മാര്ട്ട്ഫോണുകള് പിടിച്ചുപറിക്കപ്പെടുന്നുവെന്നാണ് കണക്ക്. സെക്കന്ഡ് ഹാന്ഡ് ഡിവൈസുകളുടെ ഡിമാന്ഡ് വര്ദ്ധിച്ചതാണ് മോഷണം ഉയരാന് പ്രധാന കാരണം. മലയാളികള് അടക്കം ജാഗ്രത പാലിക്കേണ്ടതാണ്.
ഒരു ദശകത്തിനിടെ ഏറ്റവും ഉയര്ന്ന തോതിലാണ് ഫോണ് കവര്ച്ചയെന്ന് ഹോം ഓഫീസ് കണക്കുകള് വെളിപ്പെടുത്തുന്നു. ഒരു കുറ്റവാളി തന്നെ നടത്തുന്ന പിടിച്ചുപറികളില് കാല്ശതമാനം വര്ധനവുണ്ട്. ഈ ദുരവസ്ഥ തടയാന് കര്ശന നടപടിയുണ്ടാകുമെന്ന് ഗവണ്മെന്റ് പ്രഖ്യാപിച്ചിട്ടുണ്ട്. ടെക് കമ്പനികളുമായി ചേര്ന്ന് കുറ്റകൃത്യം തടയാനുള്ള വഴികളും ഹോം ഓഫീസ് ആലോചിക്കുന്നുണ്ട്.
More »
