നാട്ടിലുള്ള അച്ഛനമ്മമാരെ മക്കള്ക്ക് കാനഡയിലേക്ക് കൊണ്ടുവരുന്നതിനുള്ള കനേഡിയന് പേരന്റ് ആന്റ് ഗ്രാന്റ്പേരന്റ്(PGP) സ്പോണ്സര്ഷിപ്പ് വീണ്ടും പുനരാരംഭിക്കുന്നു. 2015 ജനുവരി മുതലാണ് അപേക്ഷകര്ക്ക് ഈ സൗകര്യം ലഭിക്കുന്നത്. പ്രതിവര്ഷം 5000 വിസകള് നല്കും.2011 മുതല് ഈ നിയമം അനുവദിച്ചിരുന്നില്ല, പിന്നീട് 2014 ജനുവരിയില്പുനരാരംഭിക്കാന് കാനഡ ഇമിഗ്രേഷന് വകുപ്പ് തീരുമാനിച്ചു.
കാനഡില് താമസിക്കുന്നവര്ക്ക് നാട്ടിലുള്ള മാതാപിതാക്കളെ കാനഡയില് കൊണ്ടുവന്ന് താമസിപ്പിക്കുന്ന വിസ ആയതിനാല് ഡിമാന്റ് വളരെ കൂടുതലാണ്. കൃത്യസമയത്ത് ശരിയായ വിവരങ്ങള് നല്കി അപേക്ഷിച്ചാല് മാത്രമേ വിസ ലഭിക്കൂ. അപേക്ഷകരുടെ മിനിമം ശമ്പളം വര്ദ്ധിപ്പിച്ചതാണ് നിയമത്തിലെ മാറ്റം. കഴിഞ്ഞ മൂന്ന് വര്ഷത്തെ ടാക്സ് റിട്ടേണ് ഡോക്യുമെന്റ്സ് ഹാജരാക്കേണ്ടതാണ്.
വളരെക്കുറച്ച് വിസ മാത്രം നല്കുന്നതിനാല് ഇത് കൃത്യമായി യഥാസമയത്ത് ചെയ്യേണ്ടതാണ്. അപേക്ഷ നല്കുമ്പോള് എല്ലാ വിവരങ്ങളും രേഖപ്പെടുത്തിയിട്ടുണ്ടോയെന്നും ഒപ്പിട്ടിട്ടുണ്ടോയെന്നും പരിശോധിച്ചിട്ട് നല്കണം. സിഐസി വെബ്സൈറ്റില് വിസ ഫോം ലഭ്യമാണ്. 10 വര്ഷം വരെ താമസിക്കാന് അനുമതി ലഭിക്കുന്ന വിസയാണ് പേരന്റ് ആന്റ് ഗ്രാന്റ്പേരന്റ് സൂപ്പര് വിസ.
