പരിശോധനകള്ക്കായി രക്തമെടുക്കുമ്പോള് വേദനിക്കും എന്നോര്ത്ത് ഇനി പേടിക്കേണ്ട. വേദന ഒട്ടുമില്ലാതെ രക്തമെടുക്കാന് കഴിയുന്ന പുതിയ സംവിധാനം രംഗത്ത് വരുന്നു. ടാസ്സോ എന്ന വൈദ്യോപകരണ നിര്മ്മാണ കമ്പനിയും വിസ്കന്സന് മാഡിസന് സര്വകലാശാലയും സംയുക്ത്തമായി നടത്തിയ ഗവേഷണത്തിലാണ് ഇത്തരമൊരു കണ്ടെത്തല്.
പതിവ് രീതിയില് നിന്നും വ്യത്യസ്തമായി ധമനികളില് നിന്നും രക്തമെടുക്കാതെ ത്വക്കിനടിയിലെ ചെറിയ സൂക്ഷ്മരക്തവാഹിനിക്കുഴലുകളില് നിന്നും രക്തം വലിച്ചെടുക്കുന്ന രീതിയാണ് ഇതില് ഉപയോഗിക്കുന്നത്.
മൈക്രോ ഫ്ലൂയിടിക്സ് എന്ന ഈ വിദ്യ ഉപയോഗിക്കുമ്പോള് രോഗിക്ക് ഒട്ടും വേദന അനുഭവപ്പെടില്ല എന്നത് തന്നെയാണ് ഇതിന്റെ ഏറ്റവും വലിയ പ്രത്യേകത. തോലിക്കിടയിലൂടെ ചെറിയ തോതില് വാക്വം പ്രഷര് നല്കി രക്തം വലിച്ചെടുക്കുന്ന രീതിയിലാണ് ഇത് രൂപകല്പ്പന ചെയ്തിരിക്കുന്നത്.
ലാബുകളില് ചെയ്യുന്ന ഒട്ടുമിക്ക പരിശോധനകള്ക്കും ഇങ്ങനെ എടുക്കുന്ന രക്തം ഉപയോഗിക്കാം. എന്നാല് ചിലവ് അല്പം കൂടുതലായിരിക്കുമെന്ന് മാത്രം. പ്രത്യേകിച്ച് പ്രമേഹം പോലെ ഇടയ്ക്കിടെ പരിശോധന നടത്തേണ്ട രോഗങ്ങള് ഉള്ളവര്ക്ക്.
രക്തം കൂടുതല് നേരം സൂക്ഷിക്കുവാന് സാധിക്കുന്ന സംവിധാനങ്ങള് കൂടി ഇതില് ഉള്പ്പെടുത്തുവാനുള്ള ശ്രമത്തിലാണ് ഇപ്പോള് ഗവേഷകര്. ഇത് കൂടി സാധിച്ചാല് പിന്നെ വീട്ടിലിരുന്നു രക്തമെടുത്തു ലാബിലേക്ക് അയച്ചു കൊടുത്താല് മതിയാകും.
2016 ഓടെ ഇത് വിപണിയില് എത്തിക്കാമെന്നാണ് പ്രതീക്ഷിക്കുന്നതെന്ന് ടാസ്സോയുടെ സ്ഥാപകനായ ബെന് കസാവന്റ്റ് അറിയിച്ചു.
