കോഴിക്കോട്: ഫറോക്ക് നല്ലൂരില് അത്യാധുനിക സൗകര്യങ്ങളോടുകൂടിയ ഇന്ഡോര് ഫുട്ബോള് കോര്ട്ട് ചെമ്മണൂര് ഇന്റര്നാഷണല് ഗ്രൂപ്പ് ചെയര്മാനും മാനേജിങ് ഡയറക്ടറുമായ ഡോ ബോബി ചെമ്മണൂര് ഉത്ഘാടനം ചെയ്തു. ഇത്തരം സംരംഭങ്ങള് യുവാക്കള്ക്ക് മികച്ച കായിക ക്ഷമത നല്കുകയും അതുവഴി അവരുടെ ജീവിത വിജയം സാധ്യമാക്കുകയും ചെയ്യുമെന്ന് ഡോ ബോബി ചെമ്മണൂര് പറഞ്ഞു. ഫിഫ ക്ലബിന്റെ നേതൃത്വത്തിലാണ് മഴയത്തും വെയിലത്തും ഫുട്ബോള് കളിക്കാന് ഉതകുന്ന രീതിയില് കോര്ട്ട് നിര്മ്മിച്ചിരിക്കുന്നത്. ഉത്ഘാടന ചടങ്ങില് ഫറോക്ക് മുന്സിപ്പാലിറ്റി ചെയര്പേഴ്സണ് കമറു ലൈല അധ്യക്ഷയായിരുന്നു. ഫറോക്ക് മുന്സിപ്പാലിറ്റി വൈസ് ചെയര്മാന് കെ മൊയ്തീന് കോയ, കൗണ്സിലര്മാരായ സി വി ഷീബ, പി എല് ബിന്ദു, ഫറോക്ക് അഡീഷണല് എസ് ഐ എന് സുബൈര്, സ്പോര്ട്സ് കൗണ്സില് ജില്ലാ പ്രസിഡന്റ് കെ ജെ മത്തായി, സന്തോഷ് ട്രോഫി കേരള ടീം താരം ജിയാദ് ഹസ്സന്, പി വേണുഗോപാല് തുടങ്ങിയവര് സംസാരിച്ചു. ഫറോക്ക് മുന്സിപ്പാലിറ്റി സ്ഥിരം സമിതി അധ്യക്ഷ എം സുധര്മ്മ സ്വാഗതവും ,വി കബീര് നന്ദിയും പറഞ്ഞു.
