ലണ്ടന് : ബ്രക്സിറ്റ്ഫലത്തോടെ ഇടിഞ്ഞു താഴ്ന്ന പൗണ്ട് മൂല്യം ബ്രക്സിറ്റ് അടുത്ത് വരുന്നതോടെ പഴയ നിലയിലേയ്ക്ക്. രൂപക്കെതിരെ പൗണ്ട് മൂല്യം 95 ലേക്ക് ആണ് നീങ്ങുന്നത്. 94.87 ആണ് വെള്ളിയാഴ്ചത്തെ നിരക്ക്. ഏതാനും ആഴ്ചകളായി പൗണ്ട് സ്ഥിരതയിലാണ്. വീണ്ടും മൂന്നക്കം കടക്കുമെന്ന പ്രതീക്ഷയിലാണ് സാമ്പത്തിക വിദഗ്ധര് .
രൂപ പൗണ്ടിനെതിരെയും ഡോളറിനെതിരെയും വലിയ ഇടിവാണ് രേഖപ്പെടുത്തുന്നത്.
ഡോളര് ഒന്നിന് 72 രൂപ പിന്നിട്ടു. യൂറോയ്ക്കെതിരെയും (84.37 ) ദിര്ഹത്തിനെതിരെയും (19.75) മോശം നിലയാണ്.
ബ്രക്സിറ്റ് ഫലം വന്ന 2016 ജൂണ് 23നു ശേഷം ശേഷം പൗണ്ട് 25 ശതമാനത്തോളം ആണ് ഇടിഞ്ഞത്. പൗണ്ടിന്റെ മൂല്യം 79 രൂപ വരെയെത്തിയിരുന്നു. 78 പോലും കിട്ടിയിരുന്നില്ല. ഒരു പൗണ്ടിന് 25 രൂപയിലേറെ നഷ്ടമാണ് യുകെയിലെ ഇന്ത്യന് സമൂഹത്തിനുണ്ടായത്. 104 -105 രൂപ ലഭിച്ചിരുന്ന സ്ഥാനത്തായിരുന്നു അത്. പ്രവാസി നിക്ഷേപത്തെയും നാട്ടിലേക്കുള്ള പണമയക്കലിനെയും ഇത് പ്രതികൂലമായി ബാധിച്ചു. ബ്രിട്ടണ് യൂറോപ്പിന് പുറത്തേയ്ക്കു പോകാനുള്ള നടപടിക്ക് തുടക്കം കുറിച്ചപ്പോഴും പൗണ്ടിന് സമയം മോശമായിരുന്നു.
ആഗോള വിപണിയില് അസംസ്കൃത എണ്ണവില വര്ധിച്ചുനില്ക്കുന്നതിനാല് പണപ്പെരുപ്പ് നിരക്ക് ഉയരുമെന്ന ആശങ്കയും ആഭ്യന്തര ഓഹരി വിപണിയില് നിന്നും വിദേശ ഫണ്ടുകളുടെ സ്ഥിരമായ പ്രവാഹവുമാണ് ഇന്ത്യന് കറന്സിക്ക് തിരിച്ചടിയായത്. ഇറക്കുമതിക്കാര് ഡോളറിനെ കൂടുതലായി ആശ്രയിച്ചതും വിനയായി.എണ്ണക്കമ്പനികള് വലിയതോതില് ആണ് ഡോളര് വാങ്ങിക്കൂട്ടുന്നത്. കൂടാതെ പൊതുമേഖല ബാങ്കുകളും ഡോളര് സംഭരിക്കുകയാണ്.
പ്രവാസികളെ സംബന്ധിച്ച് ഇതു ശുഭവാര്ത്തയാണ്. പ്രവാസികള്ക്ക് അയക്കുന്ന പണത്തിന്റെ മൂല്യത്തിലും വലിയ വ്യത്യാസം ആണ് ഉണ്ടാകുന്നത്. മണി എക്സ്ചേഞ്ച് സ്ഥാപനങ്ങളില് വലിയ തിരക്കാണ് അനുഭവപ്പെടുന്നത് എന്നും റിപ്പോര്ട്ടുകളുണ്ട്. പലരും ലോണെടുത്തും നാട്ടിലേക്ക് വലിയതോതില് പൈസ അയക്കുന്നുണ്ട്.
