ബ്രക്സിറ്റ് വീണ്ടും പൗണ്ടിന് പാരയാകുന്നു. രൂപയ്ക്കെതിരെ 95 പിന്നിട്ടു കുതിച്ച പൗണ്ട് മൂല്യം 91 ലെത്തി. ബ്രക്സിറ്റ് കരാറും അതിന്റെ പേരില് സര്ക്കാരിന്റെ നിലനില്പ്പ് തന്നെ അപകടത്തിലായതോടെ പൗണ്ട് മൂല്യം ഒറ്റ ദിവസം കൊണ്ട് മൂന്നു പോയിന്റ് ഇടിഞ്ഞു. വീണ്ടും എണ്പതുകളിലേയ്ക്ക് എത്തുമെന്നാണ് ആശങ്ക. ഡോളറിനെതിരെ 1.27 എന്ന നിലയിലാണ് പൗണ്ട്.
ബ്രക്സിറ്റ് അനിശ്ചിതത്വവും തെരേസ സര്ക്കാര് നേരിടുന്ന പ്രതിസന്ധിയും ആണ് മൂന്നക്കത്തിലേയ്ക്ക് കുതിയ്ക്കുകയായിരുന്ന പൗണ്ടിനു തിരിച്ചടിയായത്. സമീപകാലത്തെ രൂപക്കെതിരെ 97 പൗണ്ട് വരെ എത്തിയിരുന്നു. മൂല്യം വീണ്ടും മൂന്നക്കം കടക്കുമെന്ന പ്രതീക്ഷയിലായിരുന്നു സാമ്പത്തിക വിദഗ്ധര് .
ബ്രക്സിറ്റ് ഫലം വന്ന 2016 ജൂണ് 23നു ശേഷം ശേഷം പൗണ്ട് 25 ശതമാനത്തോളം ആണ് ഇടിഞ്ഞത്. പൗണ്ടിന്റെ മൂല്യം 79 രൂപ വരെയെത്തിയിരുന്നു. 78 പോലും കിട്ടിയിരുന്നില്ല. ഒരു പൗണ്ടിന് 25 രൂപയിലേറെ നഷ്ടമാണ് യുകെയിലെ ഇന്ത്യന് സമൂഹത്തിനുണ്ടായത്. 104 -105 രൂപ ലഭിച്ചിരുന്ന സ്ഥാനത്തായിരുന്നു അത്. പ്രവാസി നിക്ഷേപത്തെയും നാട്ടിലേക്കുള്ള പണമയക്കലിനെയും ഇത് പ്രതികൂലമായി ബാധിച്ചു. ബ്രിട്ടണ് യൂറോപ്പിന് പുറത്തേയ്ക്കു പോകാനുള്ള നടപടിക്ക് തുടക്കം കുറിച്ചപ്പോഴും പൗണ്ടിന് സമയം മോശമായിരുന്നു.
