ലണ്ടന് : യൂറോയ്ക്കും ഡോളറിനും എതിരെ പൗണ്ട് ആറുമാസത്തെ താഴ്ചയില് . രാഷ്ട്രീയ സാമ്പത്തിക അനിശ്ചിതാവസ്ഥയാണ് കാരണം. ഇതോടെ ഈ അവധിക്കാല യാത്ര കൂടുതല് ചെലവേറും. മികച്ച ഡീല് ലഭിക്കാന് ഏറെ ശ്രദ്ധിക്കേണ്ടിവരും. ബ്രക്സിറ്റ് സാഹചര്യം നിലനില്ക്കുകയും രാഷ്ട്രീയ അനിശ്ചിതത്വം തുടരുകയും ചെയ്യുന്ന പശ്ചാത്തലത്തില് പൗണ്ട് മൂല്യം വീഴുന്നു. രൂപയ്ക്കെതിരെ 85.43 ആയി. ഡോളറിനെതിരെ 1.24 പോയിന്റിലെത്തി. യൂറോയ്ക്കെതിരേ മൂല്യം കൂടി 1.10 യൂറോയിലെത്തി. മൂല്യം വീണ്ടും ഇടിയാനാണ് സാധ്യത.
ബ്രക്സിറ്റ്, നേതൃമാറ്റം, ബിസിനസ് സംരംഭങ്ങള് രാജ്യത്തിന് പുറത്തേയ്ക്കു പോകുമെന്ന ആശങ്ക എല്ലാം തിരിച്ചടിയാകുന്നുണ്ട്. ബ്രക്സിറ്റ് ഫലം വന്ന 2016 ജൂണ് 23നു ശേഷം ശേഷം പൗണ്ട് 25 ശതമാനത്തോളം ആണ് ഇടിഞ്ഞത്. പൗണ്ടിന്റെ മൂല്യം 79 രൂപ വരെയെത്തിയിരുന്നു. 78 പോലും കിട്ടിയിരുന്നില്ല. ഒരു പൗണ്ടിന് 25 രൂപയിലേറെ നഷ്ടമാണ് യുകെയിലെ ഇന്ത്യന് സമൂഹത്തിനുണ്ടായത്. 104 -105 രൂപ ലഭിച്ചിരുന്ന സ്ഥാനത്തായിരുന്നു അത്.
പ്രവാസി നിക്ഷേപത്തെയും നാട്ടിലേക്കുള്ള പണമയക്കലിനെയും ഇത് പ്രതികൂലമായി ബാധിച്ചു.ബ്രിട്ടണ് യൂറോപ്പിന് പുറത്തേയ്ക്കു പോകാനുള്ള നടപടിക്ക് തുടക്കം കുറിച്ചപ്പോഴും പൗണ്ടിന് സമയം മോശമായിരുന്നു.
ജൂലൈ 24 നാണു തെരേസ മേഡൗണിങ് സ്ട്രീറ്റില് നിന്നിറങ്ങുകയാണ്. പിന്ഗാമിയായി എത്തുക ബോറിസ് ജോണ്സണോ ജെറമി ഹണ്ടോ ആയിരിക്കും. കണ്സര്വേറ്റീവ് സപ്പോര്ട്ടര്മാരെ സംബന്ധിച്ചിടത്തോളം ബോറിസാണ് കൂടുതല് അഭികാമ്യന്. ഇവരില് 46 ശതമാനം പേര് ബോറിസിനെയും 33 ശതമാനം പേര് ഹണ്ടിനെയും പിന്തുണക്കുമെന്നാണ് വ്യക്തമായിരിക്കുന്നത്. ബ്രെക്സിറ്റ് പാര്ട്ടി, യുകിപ് എന്നീ പാര്ട്ടികളിലുള്ളവരുടെ മിക്കവരുടെയും പിന്തുണയും ബോറിസിനുണ്ട്. യൂറോപ്യന് യൂണിയനില് നിന്നും യുകെ വിട്ട് പോകണമെന്ന കാര്യത്തില് മിതമായ നിലപാടാണ് ഹണ്ട് പുലര്ത്തുന്നത്. ഇദ്ദേഹത്തെയാണ് ലിബറല് ഡെമോക്രാറ്റ് വോട്ടര്മാര്, ഗ്രീന്സ്, എസ്എന്പി എന്നിവയിലുള്ള ഭൂരിഭാഗം പേരും പിന്തുണക്കുന്നത്.
23 നു ഫലമറിയാം. 2016 ല് ബ്രക്സിറ്റ് വേണമെന്ന് ഹിതപരിശോധന വന്നതോടെ ഡേവിഡ് കാമറൂണ് രാജിവച്ച ഒഴിവിലാണ് തെരേസ മേ എത്തുന്നത്. ബ്രക്സിറ്റിന്റെ പേരിലെത്തി അതിന്റെ പേരില് തന്നെ പുറത്തുപോകേണ്ട അവസ്ഥയാണ് തെരേസ മേയ്ക്കും സംഭവിച്ചത്. പൗണ്ടിന്റെ സ്ഥിതി എന്താകുമെന്ന് ഇനി കണ്ടറിയാം
