ബ്രക്സിറ്റ് തീര്ച്ചയായും നടപ്പിലാക്കും എന്ന പ്രധാനമന്ത്രി ബോറിസ് ജോണ്സന്റെ പ്രഖ്യാപനം പൗണ്ടിന്റെ വിലയിടിക്കുന്നു. കരാര് ഇല്ലാതെ ബ്രിട്ടന് യൂണിയന് വിടാനുള്ള സാധ്യത കൂടി . യൂറോപ്പില് നിന്നുള്ള നിക്ഷേപകര് കൂട്ടത്തോടെ പണം പിന്വലിക്കുന്നതും പൗണ്ടിന്റെ തകര്ച്ചയ്ക്ക് വഴിയൊരുക്കി .
ഡോളറുമായി കഴിഞ്ഞ 50 വര്ഷത്തിനിടയിലെ കുറഞ്ഞമൂല്യമാണ് പൗണ്ടിനിപ്പോള് . ഡോളറിനെതിരെ 1.23 പോയിന്റിലെത്തി. രൂപയുമായുള്ള വിനിമയത്തിലും പൗണ്ട് തകര്ച്ച നേരിടുകയാണ് . 1 പൗണ്ടിന് 84.88 ആണ് മൂല്യം. യൂറോയ്ക്കെതിരേ പൗണ്ട് മൂല്യം കൂടി 1.10 ഉണ്ടെങ്കിലും കിട്ടുന്നത് അതിലും വളരെ കുറച്ചാണ് . ഒക്ടോബറില് നോ ഡീല് ബ്രക്സിറ്റ് വരുമെന്ന പ്രചാരണം ശക്തമാണ്. അതാണ് യൂറോയ്ക്കെതിരേ പൗണ്ട് ഡിമാന്റ് കുറയുന്നത്. ഇത് യൂറോപ്പിലേക്കുള്ള അവധിക്കാലയാത്രക്കാര്ക്കുംവലിയ തിരിച്ചടി ആയിരിക്കുകയാണ്. പലരും യാത്രകള് വെട്ടിച്ചുരുക്കുകയോ ഉപേക്ഷിക്കുകയോ ചെയ്യുകയാണ്.
നോ ഡീല് ബ്രക്സിറ്റ്, ബിസിനസ് സംരംഭങ്ങള് രാജ്യത്തിന് പുറത്തേയ്ക്കു പോകുമെന്ന ആശങ്ക എല്ലാം തിരിച്ചടിയാകുന്നുണ്ട്. പ്രവാസി നിക്ഷേപത്തെയും നാട്ടിലേക്കുള്ള പണമയക്കലിനെയും ഇത് പ്രതികൂലമായി ബാധിച്ചു.
ബ്രക്സിറ്റ് ഫലം വന്ന 2016 ജൂണ് 23നു ശേഷം ശേഷം പൗണ്ട് 25 ശതമാനത്തോളം ആണ് ഇടിഞ്ഞത്. പൗണ്ടിന്റെ മൂല്യം 79 രൂപ വരെയെത്തിയിരുന്നു. 78 പോലും കിട്ടിയിരുന്നില്ല. ഒരു പൗണ്ടിന് 25 രൂപയിലേറെ നഷ്ടമാണ് യുകെയിലെ ഇന്ത്യന് സമൂഹത്തിനുണ്ടായത്. 104 -105 രൂപ ലഭിച്ചിരുന്ന സ്ഥാനത്തായിരുന്നു അത്.
