കമല്ഹാസന്റെ ഇന്ത്യന് 2ന്റെ ചിത്രീകരണത്തില് ഉണ്ടായ അപകടത്തില് മൂന്ന് പേര് മരിച്ച അപകടം അങ്ങേയറ്റം ഭയനകമായിപ്പോയെന്ന് നടന്കമല്ഹാസന് . മൂന്ന് സഹപ്രവര്ത്തകരെയാണ് പൊടുന്നനെ നഷ്ടമായത്. അവരുടെ കുടുംബത്തിന്റെ വേദന താങ്ങാനാകുന്നതിലും അപ്പുറമാണ്. അവരില് ഒരാളായി അവര്ക്കൊപ്പമുണ്ടെന്നും വേദനയില് പങ്കു ചേരുന്നുവെന്നും അദ്ദേഹം ട്വീറ്റ് ചെയ്തു. കൂറ്റന് ക്രെയിന് തകര്ന്നുവീണുണ്ടായ അപകടത്തില് സംവിധായകന് ഷങ്കറിന്റെ സഹായി മധു, സഹസംവിധായകന് ചന്ദ്രന്, കാറ്ററിങ് യൂണിറ്റ് അംഗം കൃഷ്ണ എന്നിവരാണ് മരിച്ചത്. പതിനൊന്ന് പേര്ക്ക് പരുക്കേല്ക്കുകയും ചെയ്തു. ഇവരെ സമീപമുള്ള ആശുപത്രിയില് പ്രവേശിപ്പിച്ചു.
പൂനെ ഇവിപി ഫിലിം സിറ്റിയിലെ ലൊക്കേഷനിലാണ് അപകടമുണ്ടായത്. സീന് ചിത്രീകരിക്കുന്നതിനുള്ള തയ്യാറെടുപ്പിനിടെ 150 അടിയിലേറെ ഉയരമുള്ള ക്രെയിന് സംവിധായകനും സംഘവും ഇരുന്ന ടെന്റിന് മുകളിലേക്ക് മറിയുകയായിരുന്നു. കമല്- ഷങ്കര് കൂട്ടുകെട്ടിലൊരുങ്ങുന്ന ചിത്രം ചെറിയ ഇടവേളയ്ക്ക് ശേഷം ചിത്രീകരണം തുടങ്ങിയതിനിടെയാണ് അപകടം ഉണ്ടായിരിക്കുന്നത്.
