വെഞ്ഞാറമൂട്ടില് യുവതിയെ കൊന്ന് കുഴിച്ചിട്ടു; ഭര്ത്താവ് ഒളിവില് അച്ഛന് കുഴിമൂടുന്നത് കണ്ടെന്ന് മക്കള്
തിരുവനന്തപുരം: വെഞ്ഞാറമൂട് പുല്ലമ്പാറയില് യുവതിയെ കൊന്ന് കുഴിച്ചിട്ടനിലയില് കണ്ടെത്തി. വാരിക്കുന്ന് സ്വദേശിനി സിനി(32)യാണ് കൊല്ലപ്പെട്ടത്. ഭര്ത്താവായ കുട്ടനാണ് യുവതിയെ കൊലപ്പെടുത്തിയതെന്നാണ് പോലീസിന്റെ പ്രാഥമിക നിഗമനം. ഒളിവില്പോയ ഇയാള്ക്കായി അന്വേഷണം ആരംഭിച്ചു.
കുട്ടന് സിനിയെ മര്ദിക്കുന്നതും കുഴി മണ്ണിട്ട് മൂടുന്നതും കണ്ടതായി ഇവരുടെ മക്കള് പോലീസിനോട് പറഞ്ഞിട്ടുണ്ട്. അമ്മയെ മര്ദിച്ചെന്നും വടി കൊണ്ട് പൊതിരെ തല്ലിയെന്നുമാണ് ഇളയ മകന്റെ മൊഴി. ജോലിക്ക് പോകേണ്ടെന്ന് പറഞ്ഞ് അമ്മയുടെ മുടി മുറിച്ചു. ബഹളം കേട്ടെത്തിയ തന്നോട് പുറത്തുപോകാന് പറഞ്ഞു. പിന്നീട് വീട്ടില് തിരിച്ചെത്തിയപ്പോള് അമ്മയെ കണ്ടില്ല. സമീപത്തെ മറ്റൊരു വീട്ടില്പോയെന്നാണ് പറഞ്ഞത്. എന്നാല് അവിടെ അന്വേഷിച്ചപ്പോളും അമ്മയെ കണ്ടില്ലെന്നും തുടര്തുടര്ന്ന് അമ്മയുടെ സഹോദരനെ വിവരമറിയിച്ചെന്നും മകന് പറഞ്ഞു. ഇതിനിടെയാണ് അച്ഛന് കുഴി മണ്ണിട്ട് മൂടുന്നത് കണ്ടതെന്നും മകന് മൊഴി നല്കി.
