കോവിഡ് 19 ഏറ്റവും അധികം നാശം വിതച്ചത് ഇറ്റലിയിലാണ്. അവിടെ പ്രായം കുറഞ്ഞ രോഗികളെത്തുമ്പോള് പ്രായക്കൂടുതലുള്ളവരുടെ വെന്റിലേറ്റര് നീക്കേണ്ടിവരുകയും അവര് മരണപ്പെടുകയുമാണ് ചെയ്യുന്നത്. ഇറ്റലിയില് നിന്ന് തന്നെയുള്ള ഒരു വാര്ത്തയാണ് ഇപ്പോള് ലോക ശ്രദ്ധനേടിയിരിക്കുന്നത്. തന്റെ ശ്വസന സഹായി യുവാവായ മറ്റൊരു രോഗിക്ക് വിട്ടു നല്കി മരണത്തിന് കീഴടങ്ങിയിരിക്കുകയാണ് ഇറ്റലിയിലുള്ള പുരോഹിതന്. 72കാരനായ ഡോണ് ഗിസെപ്പെ ബെറദെല്ലി എന്ന പുരോഹിതനാണ് ചെറുപ്പക്കാരനായ രോഗിക്ക് ശ്വസന സഹായി നല്കിയത്.
ഡോണ് മിലാനിലെ കാസ്നിഗോ എന്ന ഗ്രാമത്തിലെ പുരോഹിതനാണ് ഇദ്ദേഹം. കൊവിഡ് 19 വൈറസ് ബാധയെത്തുടര്ന്ന് അദ്ദേഹം ആശുപത്രിയില് ചികിത്സയിലായിരുന്നു. അസുഖം മൂര്ച്ഛിച്ചതിനെത്തുടര്ന്ന് ശ്വാസം കഴിക്കാന് അദ്ദേഹം പാടുപെട്ടു. ഇത് ശ്രദ്ധയില് പെട്ട ഡോക്ടര്മാര് അദേഹത്തിന് ശ്വസനസഹായി നല്കി. എന്നാല് അത് സ്വീകരിക്കാന് അദ്ദേഹം വിസമ്മതിച്ചു. പകരം, അസുഖം മൂര്ച്ഛിച്ച് ശ്വാസം കഴിക്കാന് ബുദ്ധിമുട്ടുന്ന ഒരു യുവരോഗിക്ക് അത് നല്കാന് അദ്ദേഹം ഡോക്ടര്മാരോട് പറയുകയായിരുന്നു. ഏറെ താമസിയാതെ ഡോണ് മരണപ്പെടുകയും ചെയ്തു.
