അഭിഷേകാഗ്നി കാത്തലിക് മിനിസ്ട്രി യുടെ നേതൃത്വത്തില് പ്രശസ്ത വചന പ്രഘോഷകനും രോഗശാന്തി ശുശ്രൂഷകനുമായ ബ്രദര് സെബാസ്ററ്യന് സെയില്സും ടീമും നയിക്കുന്ന രണ്ട് ദിവസത്തെ ഓണ്ലൈന് ധ്യാന ശുശ്രൂഷ മെയ് 2,3 ശനി , ഞായര് തീയതികളില് നടക്കും . ലോക്ഡൗണ് കാലത്ത് വീടുകളില് ആയിരുന്നുകൊണ്ട് 'സൂം ' ഓണ്ലൈന് മോഡ് വഴി പൂര്ണ്ണമായും മലയാളത്തിലുള്ള ഈ ശുശ്രൂഷയില് ആര്ക്കും പങ്കെടുക്കാം . പങ്കെടുക്കുന്നവര് താഴെപ്പറയുന്ന ലിങ്കില് നിര്ബന്ധമായും രജിസ്റ്റര് ചെയ്യേണ്ടതാണ് .
www.afcmuk.org/register
ആദ്യം രജിസ്റ്റര് ചെയ്യുന്ന എഴുപത്തിയഞ്ച്പേര്ക്ക് മാത്രമാണ് പ്രവേശനം . രെജിസ്ട്രേഷന് സൗജന്യമാണ് .
യുകെ സമയം വൈകിട്ട് 4 മുതല് രാത്രി 9 വരെയാണ് ശുശ്രൂഷ.
ലോകത്തെ ഭയാനകമാം വിധം ബാധിക്കുന്ന മഹാ വിപത്തുകളെ ദൈവിക പദ്ധതിയോട് ചേര്ന്നുനിന്നുകൊണ്ട് അഭിമുഖീകരിക്കുവാനും , ദൈവഹിതത്തിന് നമ്മെത്തന്നെ വിട്ടുകൊടുക്കുവാനും ഒരുക്കുകയെന്ന ലക്ഷ്യത്തോടെ അഭിഷേകാഗ്നി കാത്തലിക് മിനിസ്ട്രി യുകെ ടീമിന്റെ ആഭിമുഖ്യത്തില് നടത്തപ്പെടുന്ന ഈ പ്രത്യേക ധ്യാനശുശ്രൂഷയിലേക്ക് യേശുനാമത്തില് ഏവരെയും ക്ഷണിക്കുന്നു .
കൂടുതല് വിവരങ്ങള്ക്ക്
രാജു 07903191734.
ജേക്കബ് 07960149670
