കോവിഡ് രോഗി തിരുവനന്തപുരം മെഡിക്കല് കോളേജില് തൂങ്ങി മരിച്ചു
തിരുവനന്തപുരം: തിരുവനന്തപുരം മെഡിക്കല് കോളേജില് കോവിഡ് രോഗി തൂങ്ങി മരിച്ചു. ചികിത്സയിലിരിക്കേ മെഡിക്കല് കോളേജില്നിന്നു ചാടിപ്പോയ ആനാട് സ്വദേശിയാണ് മരിച്ചത്. ഐസൊലേഷന് വാര്ഡില് തുണിയുപയോഗിച്ച് തൂങ്ങുകയായിരുന്നു.
രാവിലെ 11.30 ഓടെയാണ് ഇയാള് ആത്മഹത്യയ്ക്ക് ശ്രമിച്ചത്. തുടര്ന്ന് ഗുരുതര നിലയില് തീവ്രപരിചരണ വിഭാഗത്തില് പ്രവേശിപ്പിച്ചു. ഉച്ചയോടെയാണ് മരണം സംഭവിച്ചത്. ഇയാളുടെ കോവിഡ് പരിശോധനാ ഫലം നെഗറ്റീവ് ആയി വന്നെതിനെ തുടര്ന്ന് ഇന്ന് ഡിസ്ചാര്ജ് ചെയ്യാനിരിക്കുകയായിരുന്നു.
കോവിഡ്-19 രോഗത്തിന് ചികിത്സയിലായിരുന്ന ഇയാള് ജീവനക്കാരുടെ കണ്ണുവെട്ടിച്ച് ഇന്നലെ മുങ്ങിയിരുന്നു. ആശുപത്രി വേഷത്തില്ത്തന്നെ ഓട്ടോയിലും ബസിലും കയറി വീടിന് അടുത്തെത്തിയ ഇയാളെ നാട്ടുകാര് തടഞ്ഞുവച്ചു. ഒരു മണിക്കൂര് നീണ്ട പരിശ്രമത്തിനു ശേഷം ആരോഗ്യപ്രവര്ത്തകരെത്തി ദിശയുടെ വാഹനത്തില് ഇയാളെ വീണ്ടും മെഡിക്കല് കോളേജിലേക്കു കൊണ്ടുപോകുകയായിരുന്നു. തിരികെയെത്തിച്ചശേഷം ഡോക്ടര്മാര് ഉള്പ്പെടെയുള്ളവര് സാന്ത്വനിപ്പിക്കുകയും കൗണ്സലിങ് നല്കുകയും ചെയ്തിരുന്നു. രാവിലെ ഡിസ്ചാര്ജ് ചെയ്യുന്നതിനു മുമ്പായി ആഹാരവും നല്കി. വീട്ടില്പോയശേഷം കഴിക്കാനുള്ള മരുന്നുകള് കുറിച്ചു നല്കാനായി നഴ്സ് മുറിയിലെത്തിയപ്പോള് ഇയാള് തൂങ്ങി നില്ക്കുകയായിരുന്നു.
തമിഴ്നാട്ടില്നിന്നു മദ്യം വാങ്ങാന് പോയതിനിടെയാണ് ഇയാള്ക്ക് കോവിഡ് ബാധിച്ചതെന്ന് ആരോഗ്യവകുപ്പ് അധികൃതര് നേരത്തേ അറിയിച്ചിരുന്നു. കൂട്ടുകാരോടൊത്ത് മദ്യപിക്കുന്നതിനിടെ കുഴഞ്ഞുവീണ ഇയാളെ കഴിഞ്ഞ മാസം 28-ന് രാത്രിയിലാണ് ജില്ലാ ആശുപത്രിയിലേക്കും തുടര്ന്ന് മെഡിക്കല് കോളേജിലേക്കും മാറ്റിയിരുന്നു. കടുത്ത മദ്യാസക്തിയുള്ള ഇയാള് അസ്വസ്ഥതകള് പ്രകടിപ്പിച്ചിരുന്നു.
