ന്യൂഡല്ഹി: രാജ്യത്ത് കോവിഡ് രണ്ടാംതരംഗം അവസാനിക്കുന്നു എന്ന പ്രതീക്ഷ നല്കിക്കൊണ്ട് പ്രതിദിന കേസുകള് കുത്തനെ കുറയുന്നു. കഴിഞ്ഞ 24 മണിക്കൂറിനുള്ളില് 62,480 പേര്ക്കാണ് രാജ്യത്ത് കോവിഡ് സ്ഥരീകരിച്ചത്. 24 മണിക്കൂറിനിടെ 1,587 പേര്ക്ക് കോവിഡ് മൂലം ജീവന് നഷ്ടമായപ്പോള് 88,977 പേര് രോഗമുക്തി നേടി. രാജ്യത്ത് ഇതുവരെ സ്ഥിരീകരിച്ച ആകെ കോവിഡ് കേസുകളുടെ എണ്ണം 2,97,62,793 ആയി ഉയര്ന്നു. 2,85,80,647 പേരാണ് ഇതുവരെ രോഗമുക്തരായത്. 96.03 ശതമാനമാണ് രാജ്യത്തെ രോഗമുക്തി നിരക്ക്. 3,83,490 പേര്ക്കാണ് ഇതുവരെ കോവിഡ് മൂലം ജീവന് നഷ്ടമായത്. 26,89,60,399 ഡോസ് വാക്സിന് ഇതുവരെ വിതരണം ചെയ്തതായും കേന്ദ്ര ആരോഗ്യ മന്ത്രാലയം അറിയിച്ചു.
ഇതിനിടെ രാജ്യത്ത് ചികിത്സയില് തുടരുന്ന രോഗികളുടെ എണ്ണം എട്ട് ലക്ഷത്തില് താഴെയെത്തി. 73 ദിവസത്തിനുശേഷമാണ് സജീവ രോഗികളുടെ എണ്ണം എട്ട് ലക്ഷത്തില് താഴെ എത്തുന്നത്. 73 ദിവസത്തിനുശേഷമാണ് സജീവ രോഗികളുടെ എണ്ണം എട്ട് ലക്ഷത്തില് താഴെ എത്തുന്നത്. 7,98,656 പേരാണ് നിലവില് ചികിത്സയില് തുടരുന്നത്.
അതിനിടെ, കേരളത്തില് തദ്ദേശസ്വയംഭരണ പ്രദേശങ്ങളിലെ ടിപിആര് അടിസ്ഥാനമാക്കി കോവിഡ് പരിശോധന വര്ധിപ്പിക്കുന്നതിന് പരിശോധനാ മാര്ഗനിര്ദേശങ്ങള് പുതുക്കിയതായി ആരോഗ്യവകുപ്പ് മന്ത്രി വീണ ജോര്ജ് അറിയിച്ചു . ഒരാഴ്ചത്തെ ടിപിആര് 30 ശതമാനത്തിന് മുകളിലായാല് അവസാനത്തെ മൂന്ന് ദിവസത്തെ കേസുകളുടെ എണ്ണത്തിന്റെ പത്തിരട്ടി പരിശോധന നടത്തും.
ഒരാഴ്ചത്തെ ടിപിആര് 20 നും 30 നും ഇടയിലാണെങ്കില് അവസാനത്തെ മൂന്ന് ദിവസത്തെ കേസുകളുടെ ആറിരട്ടി പരിശോധനയാകും നടത്തുക. ഒരാഴ്ചത്തെ ശരാശരി അനുസരിച്ചാണ് പരിശോധന നടത്തുന്നത്. ഒരാഴ്ചത്തെ ടി.പി.ആര്. 30 ശതമാനത്തിന് മുകളിലായാല് അവസാനത്തെ മൂന്ന് ദിവസത്തെ കേസുകളുടെ എണ്ണത്തിന്റെ പത്തിരട്ടി പരിശോധനയാണ് നടത്തുന്നത്.അതായത് തുടര്ച്ചയായ 3 ദിവസം 100 കേസുകള് വീതമുണ്ടെങ്കില് 300ന്റെ 10 മടങ്ങായ 3000 പരിശോധനകളാണ് ദിവസവും നടത്തുക.
ഒരാഴ്ചത്തെ ടി.പി.ആര്. 20നും 30 ശതമാനത്തിനും ഇടയ്ക്കായാല് അവസാനത്തെ മൂന്ന് ദിവസത്തെ കേസുകളുടെ ആറിരട്ടി പരിശോധന നടത്തുന്നതാണ്. ഒരാഴ്ചത്തെ ടി.പി.ആര്. 2നും 20 ശതമാനത്തിനും ഇടയ്ക്കായാല് അവസാനത്തെ മൂന്ന് ദിവസത്തെ കേസുകളുടെ മൂന്നിരട്ടി പരിശോധന നടത്തുന്നതാണ്. ഈ മൂന്ന് വിഭാഗങ്ങള്ക്കും ആന്റിജന്, ആര്.ടി.പി.സി.ആര്., മറ്റ് പരിശോധനകളാണ് നടത്തുന്നത്. ഒരാഴ്ചത്തെ ടി.പി.ആര്. 2 ശതമാനത്തിന് താഴെയായാല് അവസാനത്തെ മൂന്ന് ദിവസത്തെ കേസുകളുടെ അഞ്ചിരട്ടി പരിശോധന നടത്തണം. ഒരു പൂളില് 5 സാമ്പിള് എന്ന നിലയില് ആര്.ടി.പി.സി.ആര്. പൂള്ഡ് പരിശോധനയാണ് നടത്തുക.
