ദുബായ്: പതിവ് രീതിയിലുള്ള ഖദര് ഷര്ട്ടും വെള്ള മുണ്ടും മാറ്റി അടിപൊളി ലുക്കില് മുഖ്യമന്ത്രി പിണറായി വിജയന് ദുബായിലെത്തി. അമേരിക്കയിലെ ചികിത്സ കഴിഞ്ഞ് നാട്ടിലേക്ക് മടങ്ങുമെന്നായിരുന്നു ആദ്യം തീരുമാനിച്ചിരുന്നത്. എന്നാല് ഒരാഴ്ച ദുബായില് തകങ്ങുകയാണ്. യുഎഇയിലെ വിവിധ എമിറേറ്റുകള് സന്ദര്ശിച്ച ശേഷമാകും മുഖ്യമന്ത്രിയുടെ മടക്കം. ഭാര്യ കമലയും ഒപ്പമുണ്ട്.
രണ്ടാം പിണറായി സര്ക്കാര് അധികാരമേറ്റതിനു ശേഷം ആദ്യമായിട്ടാണ് പിണറായി യുഎഇയില് എത്തുന്നത്. ആദ്യത്തെ മൂന്ന് ദിവസം പൂര്ണ വിശ്രമമാണ്. ഫെബ്രുവരി നാലിന് ദുബായ് എക്സ്പോയിലെ കേരള പവലിയന്റെ ഉദ്ഘാടനം മുഖ്യമന്ത്രി നിര്വഹിക്കും.
അബുദാബി, ഷാര്ജ എന്നിവിടങ്ങളിലെ മന്ത്രിമാരുമായി മുഖ്യമന്ത്രി ചര്ച്ച നടത്തും.
ഫെബ്രുവരി ഏഴിനായിരിക്കും തിരുവനന്തപുരത്ത് അദ്ദേഹം മടങ്ങിയെത്തുക.
