ഒക്ടോബര് മാസ രണ്ടാം ശനിയാഴ്ച കണ്വെന്ഷന് നാളെ ബര്മിങ്ഹാം ബെഥേല് സെന്ററില് നടക്കും. സെഹിയോന് യുകെയുടെ ആത്മീയ പിതാവ് ഫാ.ഷൈജു നട്ടുവത്താനിയില് നയിക്കുന്ന കണ്വെന്ഷനില് ബര്മിങ്ഹാം അതിരൂപത ആര്ച്ച് ബിഷപ്പ് ബര്ണാഡ് ലോങ്ലി മുഖ്യ കാര്മ്മികത്വം വഹിക്കും . തലമുറകളുടെ ബാല്യ കൗമാര യൗവ്വനങ്ങളെ യേശുവിലേക്ക് നയിക്കുന്ന കേരളത്തിലെ ക്രിസ്റ്റീന് മിനിസ്ട്രിയുടെ നേതൃത്വം,പ്രമുഖ വചന പ്രഘോഷകന് ബ്രദര് സന്തോഷ് ടി കണ്വെന്ഷനില് ശുശ്രൂഷയില് പങ്കുചേരും .അഭിഷേകാഗ്നി കാത്തലിക് മിനിസ്ട്രിയുടെ കോ ഓര്ഡിനേറ്റര് ബ്രദര് സാജു വര്ഗീസും വചന വേദിയിലെത്തും .
5 വയസ്സുമുതലുള്ള കുട്ടികള്ക്ക് ക്ളാസ്സ് അടിസ്ഥാനത്തില് പ്രത്യേക ശുശ്രൂഷയും ,കൂടാതെ കുട്ടികള്ക്കും മുതിര്ന്നവര്ക്കും ഇംഗ്ലീഷിലോ മലയാളത്തിലോ കുമ്പസാരത്തിനും സ്പിരിച്ച്വല് ഷെയറിങിനും പ്രത്യേക സൗകര്യവും ഉണ്ടായിരിക്കും. കുട്ടികള്ക്കും ടീനേജുകാര്ക്കുമായി ലിറ്റില് ഇവാഞ്ചലിസ്റ്റ് , കിങ്ഡം റെവലേറ്റര് എന്നീ മാഗസിനുകളും കണ്വെന്ഷനില് നല്കിവരുന്നു. സെഹിയോന് ബുക്ക് മിനിസ്ട്രി 'എല്ഷദായ് ' കണ്വെന്ഷനില് പ്രവര്ത്തിക്കുന്നു .
സെഹിയോന് മിനിസ്ട്രിയുടെ നേതൃത്വത്തില് ലോക സുവിശേഷവത്ക്കരണം ലക്ഷ്യമാക്കി യുകെ യില് നിന്നും കത്തിപ്പടര്ന്ന വിവിധങ്ങളായ ശുശ്രൂഷകള്ക്ക് ജീവവായുവായി നിലനില്ക്കുന്ന പ്രതിമാസ രണ്ടാം ശനിയാഴ്ച്ച ബൈബിള് കണ്വെന്ഷനും അനുബന്ധ ശുശ്രൂഷകളും യൂറോപ്പിലെ ക്രൈസ്തവ മാഹാത്മ്യത്തിന്റെ പുനഃരുദ്ധാരണത്തിന് സഭയ്ക്ക് താങ്ങായി നിലകൊള്ളുകയാണ് . , വിവിധ പ്രദേശങ്ങളില്നിന്നും കോച്ചുകളും മറ്റ് വാഹനങ്ങളും വിശ്വാസികളുമായി കണ്വെന്ഷനിലേക്ക് എത്തിച്ചേരും . വിവിധ ഭാഷാ ദേശക്കാരായ അനേകര് പങ്കെടുത്തുവരുന്നതും . മാനവരാശിയെ പ്രത്യാശയിലേക്കും നിത്യ രക്ഷയിലേക്കും നയിക്കുകയെന്ന വര്ത്തമാന കാലത്തിന്റെ ആവശ്യകതയെയും മുന്നിര്ത്തി നടക്കുന്ന കണ്വെന്ഷനില് കുട്ടികള്ക്കും ടീനേജുകാര്ക്കും സെഹിയോന് യുകെ യുടെ കിഡ്സ് ഫോര് കിങ്ഡം , ടീന്സ് ഫോര് കിങ്ഡം ടീമിന്റെ നേതൃത്വത്തില് പ്രത്യേക ശുശ്രൂഷയും ക്ലാസ്സുകളും ഉണ്ടായിരിക്കും . കണ്വെന്ഷനിലുടനീളം കുമ്പസാരത്തിനും സ്പിരിച്വല് ഷെയറിങിനും സൗകര്യമുണ്ടായിരിക്കുന്നതാണ് .
അത്ഭുതകരമായ വിടുതലും രോഗശാന്തിയും ജീവിത നവീകരണവും ഓരോതവണയും സംഭവിച്ചുകൊണ്ടിരിക്കുന്ന,രോഗപീഡകള്ക്കെതിരെ പ്രാര്ത്ഥനയുടെ കോട്ടകള് തീര്ത്തുകൊണ്ട് ,ദേശ ഭാഷാ വ്യത്യാസമില്ലാതെ അനേകര് പങ്കെടുക്കുന്ന ,ജപമാല , വി. കുര്ബാന,വചന പ്രഘോഷണം, ആരാധന, ദിവ്യ കാരുണ്യ പ്രദക്ഷിണം എന്നിവ ഉള്പ്പെടുന്ന രണ്ടാം ശനിയാഴ്ച്ച ബൈബിള് കണ്വെന്ഷനിലേക്ക് സെഹിയോന് മിനിസ്ട്രിയുടെ ആത്മീയ പിതാവ് റവ ഫാ ഷൈജു നടുവത്താനിയും സെഹിയോന് കുടുംബവും യേശുനാമത്തില് ഏവരെയും ക്ഷണിക്കുന്നു .
കൂടുതല് വിവരങ്ങള്ക്ക്
ജോണ്സണ് +44 7506 810177
അനീഷ് 07760 254700
ബിജുമോന് മാത്യു 07515 368239
യുകെ യുടെ വിവിധ പ്രദേശങ്ങളില് നിന്നും കണ്വെന്ഷനിലേക്ക് ഏര്പ്പെടുത്തിയിട്ടുള്ള വാഹന യാത്രാ സൗകര്യത്തെപ്പറ്റി അറിയുവാന് :
ജോസ് കുര്യാക്കോസ് 07414 747573.
ബിജു എബ്രഹാം 07859 890267
ജോബി ഫ്രാന്സിസ് 07588 809478
അഡ്രസ്സ്
Bethel Convention Cetnre
Kelvin Way
West Bromwich
Birmingham
B707JW.
