വെളുത്ത വര്ഗക്കാരെക്കാളും ഡിമന്ഷ്യ ബാധിക്കാനുള്ള സാധ്യത കറുത്ത വര്ഗക്കാര്ക്കാണെന്ന് യു കെയില് നിന്നുള്ള പുതിയ പഠന റിപ്പോര്ട്ടുകള്. മുന്പുണ്ടായിരുന്ന പഠന ഫലങ്ങളെ ശരിവെക്കുന്നതാണ് ഇപ്പോഴത്തെ കണ്ടെത്തലുകളെങ്കിലും, ഇതിന് പിന്നിലുള്ള കാരണങ്ങള് സങ്കീര്ണമാണെന്ന് പഠനങ്ങള് നടത്തിയ യൂണിവേഴ്സിറ്റി കോളേജ് ലണ്ടനിലെ ഗവേഷകര് വ്യക്തമാക്കി.
ജനിതകഘടന, ഉയര്ന്ന രക്തസമ്മര്ദ്ദം, അമിതവണ്ണം മുതലായ ആരോഗ്യ പ്രശ്നങ്ങളെല്ലാം തന്നെ കറുത്ത വര്ഗക്കാരില് ഡിമന്ഷ്യ ഉണ്ടാക്കുന്ന കാരണങ്ങളാണ്. കൂടുതല് കേസുകള് എടുത്ത് വിശദമായി പഠിച്ചാല് മാത്രമേ വ്യക്തമായ കാരണങ്ങള് എന്തെന്ന് കൃത്യമായി പറയുവാന് സാധിക്കൂ. 2050 തോടെ ലോകമെമ്പാടും 153 മില്യണ് ജനങ്ങള്ക്ക് ഡിമന്ഷ്യ ബാധിക്കാനുള്ള സാധ്യതയുണ്ടെന്നാണ് വിദഗ്ധര് മുന്നറിയിപ്പ് നല്കുന്നത്.
2019 ലെ 57 മില്യണ് എന്ന കണക്കില് നിന്നും വളരെ ഉയര്ന്നതാണ് ഈ കണക്കുകള്. 14 വര്ഷത്തോളം യുകെ ബയോബാങ്ക് പഠനത്തില് പങ്കെടുത്ത ഏകദേശം 300,000 ത്തോളം ആളുകളെയാണ് യൂണിവേഴ്സിറ്റി കോളേജ് ലണ്ടനിലെ ഗവേഷകര് പഠനത്തിനെടുത്തത്.
രക്താതിമര്ദ്ദം, അല്ലെങ്കില് ഉയര്ന്ന രക്തസമ്മര്ദ്ദം, പൊണ്ണത്തടി, പുകവലി, സാമൂഹികമായ ഒറ്റപ്പെടല്, വായു മലിനീകരണം, വിഷാദം, പ്രമേഹം, കേള്വിക്കുറവ് എന്നിവയെല്ലാം തന്നെ ഡിമന്ഷ്യയ്ക്ക് കാരമാകുന്നുവെന്നാണ് വിലയിരുത്തപ്പെടുന്നത്. 20 വര്ഷത്തെ ആശുപത്രി ആരോഗ്യ രേഖകള് പരിശോധിച്ച ഗവേഷകര് കറുത്തവര്ഗ്ഗക്കാരില് വെളുത്തവരെ അപേക്ഷിച്ച് ഡിമെന്ഷ്യ 22% കൂടുതലാണ് രേഖപ്പെടുത്തിയിരിക്കുന്നതെന്ന് കണ്ടെത്തി. ജനിതകപരമായ കാരണങ്ങളും, ആരോഗ്യ പ്രശ്നങ്ങളും എല്ലാം തന്നെ ഈ രോഗം ഉണ്ടാകുന്നതിനു ആക്കം കൂട്ടുന്നതായും ഗവേഷകര് വ്യക്തമാക്കി.
