യുകെ പ്രധാനമന്ത്രിയാകാന് സാധിച്ചതില് ലണ്ടനിലെ ഇസ്കോണ് മേധാവി വിശാഖാ ദാസിയ്ക്ക് അഭിനന്ദനക്കത്തെഴുതി യുകെ പ്രധാനമന്ത്രി റിഷി സുനക്. "താങ്കളുടെ ദയാവായ്പും പിന്തുണയും അറിവും നിറഞ്ഞ വാക്കുകള്ക്ക് ഞാന് നന്ദി പറയുന്നു."- യുകെ പ്രധാനമന്ത്രി സുനാക് കത്തില് പറഞ്ഞു. ഭഗവദ്ഗീതയില് നിന്നും താന് എത്രമാത്രം പ്രചോദനം ഉള്ക്കൊള്ളുന്നുവെന്നും അദ്ദേഹം പറഞ്ഞു. ക്ഷേത്രത്തിലെ ഗോക്കളെ ഊട്ടിയത് ഏറെ ആഹ്ളാദം നല്കിയെന്നും അത് തന്റെ ഒരു ദിവസത്തെ ധന്യമാക്കിയെന്നും കത്തില് സൂചിപ്പിക്കുന്നു.
"ഗീതയില് നിന്നും ഞാന് എത്രത്തോളം പ്രചോദനം സ്വീകരിച്ചുവെന്ന് താങ്കള്ക്ക് അറിയാം. മുന്നിലെ പ്രതിസന്ധികള് നേരിടേണ്ടിവരുമ്പോള് താങ്കള് കത്തില് സൂചിപ്പിച്ച ഉദ്ധരണി എപ്പോഴും സഹായിച്ചു"- സുനാക് സുനക് കത്തില് സൂചിപ്പിക്കുന്നു.
പ്രധാനമന്ത്രിയായി തെരഞ്ഞെടുക്കപ്പെട്ടതില് അഭിനന്ദനം അറിയിച്ച് വിശാഖാ ദാസി ഒക്ടോബര് 25ന് സുനാകിന് കത്തെഴുതിയിരുന്നു.
2017ല് പൊതുതെരഞ്ഞെടുപ്പില് വിജയിച്ച് പാര്ലമെന്റില് സത്യപ്രതിജ്ഞ ചെയ്യുമ്പോള് കൈ ഭഗവദ്ഗീതയില് തൊട്ടാണ് അദ്ദേഹം സത്യം ചെയ്തത്.
