ക്രോയ്‌ഡോണില്‍ വിട പറഞ്ഞ ഹോംഓഫീസ് ജീവനക്കാരന്‍ കൂടിയായ ശ്രീകുമാര്‍ രാഘവന് ബുധനാഴ്ച്ച മലയാളി സമൂഹം അന്ത്യാഞ്ജലി അര്‍പ്പിക്കും. ഹൃദ്രോഗത്തെ തുടര്‍ന്നുള്ള ചികിത്സകള്‍ക്കായി ക്രോയിഡോണ്‍ യൂണിവേഴ്‌സിറ്റി ഹോസ്പിറ്റലില്‍ ചികിത്സയിലിരിക്കെയാണ് ശ്രീകുമാറിന്റെ മരണം.
ഗായകനായും പൊതു പ്രവര്‍ത്തകനായും അറിയപ്പെട്ടിരുന്ന ശ്രീകുമാര്‍ യുകെ മലയാളികള്‍ക്ക് ഏറെ പ്രിയപ്പെട്ടവനായിരുന്നു. ശ്രീകുമാറിന്റെ അന്ത്യവിശ്രമം യുകെയില്‍ തന്നെ ഒരുക്കാനാണ് കുടുംബാംഗങ്ങള്‍ തീരുമാനിച്ചിരിക്കുന്നത്.
ക്രോയ്‌ഡോണ്‍ ഈസ്റ്റ് ചാപ്പലിലാണ് മതൃദേഹം സംസ്‌കരിക്കുക. തുടര്‍ന്ന് സംസ്‌കാര ശ്രുശ്രൂഷകള്‍ക്ക് ശേഷമായിരിക്കും മൃതദേഹം സംസ്‌കരിക്കുക. സെന്റ് ജൂഡ് ചര്‍ച്ച് ഹാളിലാണ് പൊതുദര്‍ശനവും സംസ്‌കാര ശ്രുശ്രൂഷകളും ക്രമീകരിച്ചിരിക്കുന്നത്.
ഹോം ഓഫിസില്‍ നിന്നും വിരമിച്ച ശേഷം ഗയ്‌സ് ആന്‍ഡ് സെന്റ് തോമസ് ഹോസ്പിറ്റലില്‍ അഡ്മിന്‍ സെക്ഷനില്‍ ജോലി കണ്ടെത്തുക ആയിരുന്നു ശ്രീകുമാര്‍. കൊല്ലം കരുനാഗപ്പള്ളി സ്വദേശിയായ ശ്രീകുമാറും കുടുംബവും നീണ്ടകാലമായി യുകെയിലാണ്. കേരള ഹോമിയോപ്പതി മെഡിക്കല്‍ കോളേജില്‍ നിന്നും ബിരുദം നേടിയ ശേഷമാണു ശ്രീകുമാര്‍ യുകെയില്‍ എത്തുന്നത്. ഹോം ഓഫിസില്‍ നിന്നും വിരമിച്ച ശേഷം ഗയ്‌സ് ആന്‍ഡ് സെന്റ് തോമസ് ഹോസ്പിറ്റലില്‍ അഡ്മിന്‍ ജോലിയിലാണ് ശ്രദ്ധ നല്‍കിയിരുന്നത് .
