മുഖ്യമന്ത്രി പിണറായി വിജയന്റെ സ്വപ്ന പദ്ധതിയായ സില്വര് ലൈന് പദ്ധതിക്കെതിരെ നിരവധി തടസവാദങ്ങള് ചൂണ്ടിക്കാട്ടി ദക്ഷിണ റെയില്വേയുടെ റിപ്പോര്ട്ട്. നിലവിലെ അലൈന്മെന്റ് കൂടിയാലോചനകളില്ലാതെയാണ്. സില്വര് ലൈന് റെയില്വേക്ക് സാമ്പത്തിക ബാധ്യത വരുത്തും തുടങ്ങിയ കാര്യങ്ങള് ദക്ഷിണറെയില്വേ, കേന്ദ്ര റെയില്വേ ബോര്ഡിന് റിപ്പോര്ട്ടില് പറയുന്നു.
സില്വര് ലൈന് ഭാവി റെയില് വികസനത്തിന് തടസം സൃഷ്ടിക്കും. റെയില്വേ നിര്മ്മിതികളിലും ട്രെയിന് സര്വീസുകളിലും ആഘാതം ഉണ്ടാക്കും. സില്വര് ലൈനിനായി ഭൂമി വിട്ടുകൊടുക്കാനാകില്ലെന്നും റെയില്വെ റിപ്പോര്ട്ടില് വ്യക്തമാക്കി.
സില്വര്ലൈന് പദ്ധതിക്കായി 183 ഹൈക്ടര് ഭൂമിയാണ് വേണ്ടത്. ഇതില് നല്ലൊരു പങ്കും വികസനാവശ്യത്തിന് നീക്കി വെച്ചതാണ്. മാത്രമല്ല ഇത് ട്രെയിന് സര്വീസിനുണ്ടാക്കുന്ന ആഘാതം, റെയില്വേ നിര്മിതികള് പുനര് നിര്മ്മിക്കുമ്പോഴുണ്ടാകുന്ന പ്രശ്നങ്ങള് എന്നിവ പരിഗണിച്ചിട്ടില്ല. പദ്ധതി ചെലവ് റെയില്വേ കൂടി വഹിക്കുന്നതിനാല് അധിക സാമ്പത്തിക ബാധ്യത ഉണ്ടാകുമെന്നും റിപ്പോര്ട്ടില് പറയുന്നു.
