പ്രധാനമന്ത്രി വീണ്ടും കേരളത്തിലേക്ക് എത്തുന്നത്. സുരേഷ് ഗോപിയുടെ മകളുടെ വിവാഹചടങ്ങില് പങ്കെടുക്കാനായി ഈ മാസം 17ന് പ്രധാനമന്ത്രി ഗുരുവായൂരില് എത്തിയേക്കും. കൊച്ചിയില് വികസന പദ്ധതികളുടെ ഉദ്ഘാടനവും നിര്വഹിക്കും. മകളുടെ വിവാഹത്തിന് സുരേഷ്ഗോപിയും ഭാര്യ രാധികയും പ്രധാനമന്ത്രിയെ നേരിട്ട് ക്ഷണിച്ചിരുന്നു.
സുരക്ഷ ക്രമീകരണങ്ങള് സംബന്ധിച്ച് കേരള പോലീസിനോട് കേന്ദ്രം റിപ്പോര്ട്ട് തേടി. ഗുരുവായൂര് ശ്രീകൃഷ്ണ കോളെജിലെ ഹെലിപ്പാഡ് പോലീസ് പരിശോധിച്ചു. സുരക്ഷ സംബന്ധിച്ച് കേരള പോലീസ് ഇന്ന് കേന്ദ്രത്തിന് റിപ്പോര്ട്ട് നല്കും. ഈ മാസം 17ന് ഗുരുവായൂരില് വച്ചാണ് സുരേഷ് ഗോപിയുടെ മകള് ഭാഗ്യയുടെ വിവാഹം. മാവേലിക്കര സ്വദേശിയായ ശ്രേയസ് മോഹനാണ് വരന്. സുരേഷ് ഗോപിയുടെ തിരുവനന്തപുരത്തെ വീട്ടില് വച്ച് ഇക്കഴിഞ്ഞ ജൂലൈയില് വിവാഹ നിശ്ചയ ചടങ്ങുകള് നടത്തിയിരുന്നു.
ജനുവരി 20ന് തിരുവനന്തപുരം ഗ്രീന്ഫീല്ഡ് സ്റ്റേഡിയത്തില് വച്ചാണ് വിവാഹ സല്ക്കാരം. മാവേലിക്കര സ്വദേശികളായ മോഹന്റെയും ശ്രീദേവിയുടെയും മകനാണ് ബിസിനസുകാരനായ ശ്രേയസ്. സുരേഷ് ഗോപിയുടെ മൂത്ത മകളാണ് ഭാഗ്യ. ബ്രിട്ടിഷ് കൊളംബിയ സര്വകലാശാലയില് നിന്നും ബിസിനസില് ബിരുദം നേടി. ഗോകുല്, മാധവ്, ഭാവ്നി, പരേതയായ ലക്ഷ്മി എന്നിവരാണ് ഭാഗ്യയുടെ സഹോദരങ്ങള്.
